shastre m.

חייט

Tailor

al shastre haragán se le piedren kuando l'aguja, kuando el dedal (Nehama)

korte de shastre i punto d'adjamí (Nehama)

shastre en pies korredor asen­tado (Nehama)

shastre enpies, korredor asentado (Moscona)

Si te demandan ke echo azes, respondele shastre en pies, saka en botika, tanyedor en bet ahayim

Haduyon i enshartator es el nuestro shastre

El shastre ke te kuzio los kolchones ke te kuzga los botones

disho la mujer del shastre: ''ken izo este desbarate?'' (Toledo, Koplas de Yosef)

I tanbién yo esto kero: kada uno a su barkero i al shastre i barbero le de aspros i a bever. (Mandjares de Purim, sig. 18)

uvihlal avia un djidio shastre alto ke me azia hismet en Saloniki i me adjidei porke lo mataron (Yede David, Sal. 1867)

es verdad ke el no era ombre grande i riko, pero el era un simple shastre ke bivia siempre alegre i kontente de su ofisio (El rey i el shastre, Yerushalayim 1903)

vide venir a mi enkontro al shastre Mendel, enkorvandose delantre de mi i diziendo la dita bendision (El rey i el shastre, Yerushalayim 1903)

Dezde unos kuantos dias todos los lavoradores shastres en la bransha de vestimientos se topan en greva, sus kuenta depasa de 50 mil personas (La Amerika 1910)

es verdad ke el no era ombre grande i riko pero el era un simple shastre ke bivia siempre alegre i kontente de su ofision (El rey i el shastre, Yerushalayim 1925)

un dia vidi venir a mi enkontro al shastre Mendel enkorvandose delantre de mi i diziendo la dita bendusion (El rey i el shastre, Yerushalayim 1925)

no teniendo ufisio apropiado komo los shastres, berberes, tenekedjís i otros, (Sipure Sefarad)