sevada f.

שעורה; סובין

Barley; bran

pan de sevada

לחם שעורים

sevada en el ojo

שעורה בעין

Mas vale sevada de su tierra, ke trigo de tierra ajena

no te dava a komer pan sino paja i sevada, (Toledo, Koplas de Yosef)

zavolandeo ashir i dal / mos dio a komer sevada i chavdal / penso de atemar al ke tenia kavdal / lo atemo a el el Dio (manus. Teza, 1820)

I dio sevada a sus aznos (Biblia, Const. 1873)

i tambien pan i agua tengo, i paja i sevada para mi azno, no me falta nada (Sefer 'ha-yashar, manus. sig. 17)

I akontesio komo el varon del Dio avia avlado al rey, diziendo: dos medidas de sevada por un siklo, i una medida de semola por un siklo, sera manyana a esta ora en la puerta de Shomron:(Biblia, Const. 1873)

I salio el puevlo, i prearon el real de los Arameos; i fue vendida una medida de semola por un siklo, i dos medidas de sevada por un siklo, segun la palavra de A'.(Biblia, Const. 1873)

L'echare sevada a la mula i karne kruda al gavilane. (Blanka Flor)

Le gizo la arnevet kon kuskusun de sevada pereto komo el karvon. Le incho un machon (?) de esta komida i el kusur se asento la mujer para komer kon las ijas. (Yihya al Akra, Manus. Yerushalayim 1920)

Segula para eres mehamat de unyas de baale hayim ke eresgunyan ke de esto viene el gomito i la salida de abasho: la melezina es ke tome azeite de oliva i kaldo de karne gorda o kozinado de sevadas i ke beva (manus. Papo, Sarajevo 1840)

Segula si tiene sevada en el ojo: al presipio toman una eskupina grande i toman una moshka i le kitan la kavesa i la untan en la eskupina despues ke se unte kon la moshka en el ojo de akeya eskupina (manus. Papo, Sarajevo 1840)

Refua para holi de los pechos ke le guelen mehamat ke los tiene grosos de mucha leche i del muncho hamimut i muncha sangre i non puede mundjir leche i tiene pasion: la melezina es ke tome paja de sevada i ke meta en un tendjere kon agua, ke buya bien i despues ke sonportar 6 vezes ke se lave en dos dias i se melezinara (manus. Papo, Sarajevo 1840)