reino m.

ממלכה; משך השלטון

kingdom; duration of rule

i en el se enshasha tu reino, i se konpone kon mersed tu siya, (Untane Tokef)

Ke al rey tienda el virdugo de reino a akeya tal se le otorgan vidas (Koplas de Purim, 1545)

I despues de esta okazion enshalsho a Aman todo reino i nasion a el muncho aman (Purim, De-Fes, sig. 18)

I dishole a el una ave: te albrisiare ke prenderas el reino de la India, i mataras a Poros su rey. (Ben Gorion, 1743)

I si save esto Aleksandros, luego prendia nuestro reino. (Ben Gorion, 1743)

kuanto a El ay para ke sea senyal komo El es uno i krio kriansas para ke sean testiguos sovre su barragania i sovre la grandeza de su reino (Hovot 'ha-Levavot, Const. 1569)

I enbio el rey a ditos siete sinklavos i les disho anda i dezilde a Vashti la reina ke se alevante de su sia i ke se deznude por entero i ke meta la korona del reino en su kavesa i ke tome dos vazos de oro en kada mano i ke venga delantre de mi (Meam Loez Ester, Izmir 1864)

Kuando vido Shelomo, rey de Israel, kon esprito de nevua al reino de Rehav'am su ijo (Koelet Targum,1744)

Kuando era Shelomo el rey asentado sovre siya de su reino se enaltesio su korason muncho por su rikeza, (Koelet Targum,1744)

Tres koronas ay: la korona dela Ley, la del saserdusio i la de el reino (Tefilat Imanuel, 1924)

alevantose Zeliha i suviose a su palasio, i vistiose de panyos de reino (Sefer 'ha-yashar, manus. sig. 17)

la reina Viktoria eksprimio el dezeo de atrazar la fiesta jubilaria de su advenimiento al trono asta el akumplimiento eventual dela sesenyina anyada de su reino (El Tiempo, Const. 1896)

las kozas naturales se reparten djeneralmente para la klasifikasion, en los tres grandes ordenes o reinos de minerales, plantas i animales (La eskalera, Const. 1888)