reinar v.

מלך, משל, שלט על

to reign, to govern, to control

renar

400380

Mas vale kaza estrecha ande reina la alegria ke un palasio ancho ande yoran

Por dientro, la indjustisia reina en tu tierra, (Papo, Navot)

kien d'entre los Ahayos va reinar en Itaka; tus bienes, (Odisea)

fija de Forkis, ke sovre la tumultuoza mar reina, (Odisea)

Paz i amor reinan kuando eskurese / el rededor del ogar paternal / mientres ke afuera todo se estremese / kon las furores de invierno infernal (La Amerika, 1917)

I suviresh detras de el, i vendra, i se asentara sovre mi siya, i el reinara en mi lugar (Biblia, Const. 1873)

no olvidemos tambien de rogar por ke la armonia i la paz reinen en todo el Universo: (La boz de Turkiye, 1948)

su kaza aunke chika i povre, por esto la prosperidad i la alegria no avian mankado de reinar en eya (El rey i el shastre, Yerushalayim 1925)

kon todo ke el gozava de una grande fortuna i de la estima djeneral, una tristeza reinava de vez en vez sovre su fizionomia (Anna Maria, Yerushalayim 1905)

Yo aksepto, disho krudamente. Un minuto la kayades reino en la kamareta. Demando de madmazel Shoen eksplikasiones klaras... ke keriya eya por su entremetemiento. (Nantes, Tel Aviv 1952)

De vista izo vinir al vezir i le ordeno ke lo topen al mandradji i ke lo metan por vali en uno de los vilaetes leshanos, famozo por la mizeria ke reinava en esta rejion. (Sipure Sefarad)

En un paiz leshano reinava un sultán mansevo, bueno de korason i piadozo, ke todo su dezeo era de ver al puevlo kontente i feliz. (Sipure Sefarad)