provecho m.

רווח, תועלת, הנאה, יתרון; יעילות; הקלה, הרווחה

profit, benefit, pleasure, advantage; efficiency; relief, welfare

provecho i salud!

איחול: הצלחה ובריאות!

provecho ke te aga!

איחול: שתעלה לך ארוכה! (בעקבות נטילת תרופה)

sin provecho

חסר תועלת; ללא רווח

su provecho le aze

זה תמיד לתועלת

verse provecho

לחוש הקלה ורפאות

Ay danyos ke se trastornan por provecho (Moscona)

la melezina le fizo provecho (Nehama)

lavorar kon/sin provecho (Nehama)

ke es el provecho? (Moscona)

de los sanyos no vidi dingun provecho (Moscona)

Para lo echo no ay provecho

Azno batal provecho para el vizindado

Un buen proverbio es pan provecho

El travajo no dezonra sino da provecho i onra

Andadvos, si vos plaze, a vuestro echo, si vos digo, ke provecho? (8 dias antes de Pesah, 1909)

Segid lo derecho en fin ke el prove tenga provecho; (8 dias antes de Pesah, 1909)

de su moneda ni de su korason ninguno tiene provecho / i para kualo le dates los dos Padre mio? (Rekolyo de Poezias Diversas, Tel Aviv 1931)

Deshate a este fecho, ven a el Dio, ven a el Dio.De nada no ay provecho, ven a el Dio, ven a el Dio. (Donme, sig 18)

Komer, bever, alvisiar en paseos, nada eyos, i todos son vazios, si pensara no ay provecho de eyos, (Donme, sig 18)

I haviari bien dezecho, no mires danyo ni provecho; a Amán aze despecho i mira bien de bever. (Mandjares de Purim, sig. 18)

Perkuró de azer mal sin tener provecho, siendo era un amal de los de el komercho; (Koplas de Purim, Saadi 'Halevi. sig 19)

para el lovo poko provecho el vayado si tal por entrar al revanyo el determinado (Keter Malhut, Mahzor Saloniki 1876)

gran senyor vos yamash, so guestro esklavo / i mis ijos i mi bien de kavo asta ravo / no oigash algun klavo / esto vos dire / i al rey bendizire / ke esto no es mi echo / ni dingun provecho (manus. Teza, 1820)

I meldando de kontino en este livro resiviresh dies provechos buenos: (Meam Loez Bereshit)

tanbien kavzaresh provecho a guestra alma, (Meam Loez Bereshit)

Ke savresh ke es ayuda grande a la presona i muncho provecho de mirar al sielo (Meam Loez Bereshit)

i sera provecho grande para pedronar los pekados (Meam Loez Bereshit)

I enbiaronle hahamim kon kartas diziendole: si vernas a pelear kon nos otros, non tienes ningun provecho (Ben Gorion, 1743)

Por razon ke kuando un haham se da la pena por konponer algun livro, tanto mas por sus provechos i por azerles saver lo ke no saven, (Lel Shimurim, 1819)

Ke mizmo los moradores de ayi la respektavan a la torre i la veneravan por el provecho ke tiravan de eya i de su guardia: (M''L Kantar de los Kantares,1899)

Tus kapos rejidores seran de una grande utilidad (provecho), no solamente por el puevlo de Israel ma ke tambien por todo el mundo, (M''L Kantar de los Kantares,1899)

i la intension de todos estos pasukim ke trushe es para prevar ke la intension i el provecho ke se nos sige de las mitsvot de los korasones es ke sea el korason i la veluntad de dientro igual kon la mitsva (Hovot 'ha-Levavot, Const. 1569)

i por muncho ke avlo Gavriel no izo provecho, ke el papel ya se avia entregado en mano de dito sar (Meam Loez Ester, Izmir 1864)

i la pasensia es una milzina grande para kuanto modo de yagas i kon matarse no tiene ningun provecho (Meam Loez Yeoshua II, Izmir 1870)

i tambien sale provecho grande para los bivos kuando estan toda la mishpaha en un lugar enterrados (Meam Loez Yeoshua II, Izmir 1870)

ama es el provecho semejante al kezo ke se mete en la ratonera, ke a la savor del kezo se entra el raton ama le sale por los ojos ke le viene la muerte detras (Pele Yoets I, Viena 1870)

los konsejos ke da son por su provecho i muestro danyo (Pele Yoets I, Viena 1870)

ke provecho ke matemos a nuestro ermano i kuvramos a su sangre? (Biblia, Const. 1547)

Para kualo se kere el ayudo de una pariente de Fransia ke no konosemos i ke no nos rindio ningun provecho asta agora? (Pavlo i Virdjinia, 1912)

Apenas mi prima Lusi abasho del treno, entendi ke me yerri en mis esperansas ke vo ver provecho de su vijita. (Luz de Israel, 1985)

Nuestro jornal les puederia traer muncho provecho si lo enkorajavan, ma malorozamente los munchos no lo saven ni meldar anke lo imprimamos kon letras grandes ebreas (La Amerika 1910)

lo ke fue de un grande provecho para los povres kolportores djidios ke ganan sus pan en parkurriendo la gregaya kon el sako al ombro (La Epoka, Sal. 1900)

Eya me azia akodrar de ande sali, para ke todas mis echas sean de provecho para mis ermanos del puevlo. (Sipure Sefarad)

Ma sus esforsos kedavan sin provecho porke el puevlo yevava muncho mal de modos i maneras de indjustisias. (Sipure Sefarad)

Tanto le arrogo le disho: ''El mazal de el eya es piedra, si la piedra ay perovecho de eya, i tu mazal tiene perovecho!'' (Yihya al Akra, Manus. Yerushalayim 1920)

para asoltar onbre o mujer ke esta atado: toma el evar de siervo i kemalo i meteras la seniza en agua i ke beva i luego ke se ceche i fayara su provecho i esto baduk i menuse (manus. Papo, Sarajevo 1840)