pronunsiar v.

הגה, ביטא, הביע, נאם, חרץ

to pronunciate

pronunsiar un diskorso

לשאת הרצאה

prononsar las palavras klaro (Moscona)

el djuzgo ainda no se prononso (Moscona)

biervo pronunsado por diozes djigantes (Gaon, Poezias)

Ke nuestros veros savios pronunsiaron kon sus lavios: (8 dias antes de Pesah, 1909)

Ke tienes, madre? ke sinyifikan estas estranyas palavras ke vienes de pronunsiar ? (Rolando i Eleonora, 1953)

Un otro en Haskyoy, kon djube, alto alto pronunsio palavras ke no meresen ser pronunsiadas en la keila (El Djugeton 1917)

En estos dias vimos a algunos darshadores permetersen a avlar kozas ke no meresen a ser pronunsiadas en la tevá (El Djugeton 1917)

en el mizmo tiempo ke eya pronunsiava estas palavras se kito el manto ke la kuvria deskuvriendo ansi su puerpo bien formado (La Epoka, Sal. 1900)

un dia sin dar ni menos un adio a su mujer, ni bezar el ijiko ke ya empesava a pronunsiar su nombre, sin dezir nada a dinguno, se desparesio del palasio (La Epoka, Sal. 1900)

En prononsiando estos ultimos biervos el papas deskuvre su facha en rondjando atras su kakula (Gul Bahar, Tel Aviv 1953)

Gul Bahar i su esklava se toparon atadas de piezes i de manos, la boka serrada kon una rida, en la emposibilita de prononsiar la minima palavra, de azer el minimo djesto (Gul Bahar, Tel Aviv 1953

Fin a este momento, ningun nombre non avia sido prononsiado, i sovre la demanda de Nantes, la ija vieja se levanto, i disho en prezentandose de nuevo: Madmazel Shoen... (Nantes, Tel Aviv 1952)

Apenas prononsiava estas palavras, sinyor David se levantava, le dava las diez liras a Katina i se retirava en diziendole (La famoza kantadera, Tel Aviv 1950)

a la fin una puerta sekreta se avrio en la pared i una boz delgada i imperativa (ke save ordenar) pronunsio el biervo ''entrad'' (Muerta de mala muerte, Yerush. 1911)