prezidente m.

נשיא, ראש ועדה

president

kruel malo infame i imprudente / de la rasa de los bandidos prezidente / son sin duvda kalidades muy presiozas / i por ser gran sinyor son muy menesterozas (Rekolyo de Poezias Diversas, Tel Aviv 1931)

la administrasion sinagogal i su prezidente / a los senyores maftirim es muy rekonosiente (manus. Vitali Varon, Const. 1948)

Esta deklarasion deve ser echa personalmente i kon akto ofisial delante el Prezidente de la komunidad i del Gran Rabino (La boz de oriente, 1931)

al posto de prezidente fue nominado el general Andrés Rodréguez, aedado de 64 anyos, (Luz de Israel, 1989)

Keremos demokratos i plaso mas alto dela keila i de los sefaradim al presidente de una sosieta (El Djugeton 1917)

El eks prezidente de los Estados Unidos sr. Ruzevelt estos dias vijito munchos lokales en el kuartal de los djudios onde detuvo avlas de politika a la okazion de las eleksiones del 8 korrien por delegados para el kongreso de Vashington, la kapitala de los Estados Unidos. (La Amerika 1910)

Despues ke kada uno tomo su lugar, el prezidente del Talmud Tora, Senior Elias Katalan, en unas kuantas avlas bien sentidas rengrasio la asistensia por el apresuramiento ke eya metio para prokurarse los bilietos ke fueron, se puede dezir, revatados komo el pan. (La Boz de Turkiye, Istanbul 1948)