prezensia f.

נוכחות

presence

No me eches de tu prezensia, i tu esprito santo no tomes de mi. (Biblia, Const. 1873)

Bendicho el ke no kave delantre su prezensia indjustisia, ulvido, parsialidad, ni korrupsion (Tefilat Imanuel, 1924)

El periodista djudeo-espanyol se topo, desde siglos, delante un problema de lengua ke lo metio siempre en prezensia de kritikas (La boz de Turkiye, 1948)

En estos aktos, la prezensia de superbivientes del Olokosto, entre eyos Stella Levy, David Galante i Jacques Handeli ofresieron la testimoniansa biva de la Shoa. (Los Muestros, 2007)

Operasion ke iva tener lugar en una sala de la kamara del ospital militar en prezensia de una numeroza kuenta de medikos nominados por el governo. (El muerto ke esta bivo, 1912)

Konsenti de vista una luzizika en el misterio de su prezensia i le demandi bruskamente: Vienes, dunke, de otra planeta? (El Princhipiko, 2010)

kijo a diversas okaziones aserkarse de Maria i revelarle su prezensia (Gul Bahar, Tel Aviv 1953)

Esta prezensia en Mokambo, despues de una disparision kontinuala, era una grande surpriza. El era ekselente i se via ke la kompanyia de la jovena ermoza Kristine Martel le pujava a su gusto. (La boz de Yerushalayim, Yerush. 1953-4)

Esta prezensia en Mokambo, despues de una disparision kontinuala, era una grande surpriza. El era ekselente i se via ke la kompanyia de la jovena ermoza Kristine Martel le pujava a su gusto. (La boz de Yerushalayim, Yerush. 1953-4)

la prezensia de la muchacha gastava todos sus planos, komprometia todos sus projetos (La linda Anjela, Tel Aviv 1953)