prenyada adj. & f.

הרה ללדת; אשה הרה

pregnant; pregnant woman

dezeo de prenyada

משאלה של יולדת - משאלה חריגה ויוצאת דופן

kedar prenyada

להרות

prinyada

382580

Sta prenyada, sta l'alma yena

Anda va la prenyada va kon su fatiga

Para vuestra ija ke kere estar prenyada ajo mesklado fino kon vieja tiralanya

La noche es komo la prinyada, no se save lo ke va trayer la madrugada

Dezea la prenyada nieve tostada

La mujer de Terah kedo prenyada, de en dia en dia le demandava: (El rey Nimrod)

no ay vida tan presiada komo los dias de la prenyada, de los malahim es guadrada ke no kaiga en la tierra (Tarika, Shira Hadasha, Izmir 1861)

Sara propia, kuando se kedo prenyada de el, se izo manseva, (Meam Loez Bereshit)

E luego traxeron los niños de teta e las mugeres preñadas, e dixoles el Señor: ved que do la ley a vuestros padres; queredes ser fiadores que la guardaran? (Midrash aseret adibrot, manus. Sig 15)

Despues de averla visto prenyada, la desho i se fuyo. (Pavlo i Virdjinia, 1912)

Su mujer, topandose bivda i prenyada i no teniendo ningun mezo para bivir, se determino a lavorar la tierra (Pavlo i Virdjinia, 1912)

-Esta jovena ija esta prenyada, i es menester rekonoser la kriatura, disho veramente madmazel Shoen, ke olvidava sus avlas pastozas por arrivar mas presto al eskopo de su echo (Nantes, Tel Aviv 1952)

En el momento onde Rashel kedava prenyada de su tresera kriatura, los echos de sin. David se empesavan a gastar (La famoza kantadera, Tel Aviv 1950)

De akeya bivio la infalta kedo prenyada de una ninya. (Blanka Flor)

O teniash mal de amore o estavash rezin prenyada? (Blanka Flor)

Ke komio la tu mama en preniada de ti, (Kalendario de kantigas)

Esto es mashal a una perra ke estava prenyada i eya iva a parir. (Hidot de Izopeto)

Mas le izo otro plazer ke en los dias ke estava prenyada ke no puedia salir a bushkar sus mezonot bushkava i eya mezonot i le yevava para ke komiera. (Hidot de Izopeto)

Ke puede seer kedare prenyada, ke se sepa ke es de ti. (Sipure Noraot,1885)

segula mujer prenyada ke ay a eya dolor de lonbos kuzine un guevo medio buyido i ke meta un poko de almastiga i ke se lo koma (manus. Papo, Sarajevo 1840)

segula para ke non sea la presona patron de ojo malo: es ke se guadre de esto kuando la mujer esta prenyada i non konose su prenyez i ainda alecha la kriatura i despues ansi movio movito se akavide ke non aleche mas la kriatura primera ke al yede de esto kavza ke se aze patron de ojo malo (manus. Papo, Sarajevo 1840)

segula para la mujer prenyada kuando estara en el mez noveno ke tome tevila i kon esto balda de el ninyo todo modo de espiritos malos i todos los males ke vido en su prenyez (manus. Papo, Sarajevo 1840)

segula para saver si la mujer esta prenyada de ijo o ija ke arremoje un pedaso de pan en el dam nidot i ke le de a komer a el perro si se lo kome es de zahar (manus. Papo, Sarajevo 1840)

segula para saver si la mujer esta prenyada de ijo o ija kuando es de zahar las karas tiene arreluzientes i kuando es de nekeva las karas tiene airadas (manus. Papo, Sarajevo 1840)

segula para saver si la mujer esta prenyada de ijo o ija si metera de su leche en un atuendo de agua si se fondera la leche es zahar i si no es nekeva gam el zahar aflaka la mujer en demaziado (manus. Papo, Sarajevo 1840)

segula para saver si la mujer esta prenyada de ijo o ija si tiene el pecho derecho gordo i el estierdo menudo es zahar i si no es la buelta (manus. Papo, Sarajevo 1840)

segula para saver si la mujer esta prenyada de ijo o ija: echa tino kuando se alevanta si se arrima sovre la mano derecha estonses seguro es zahar i si no es la buelta (manus. Papo, Sarajevo 1840)

segula para saver si la mujer esta prenyada de ijo o ija: ke le mete un poko de sal en la kavesa sin ke lo sepa i ke avle kon eya si enpesa para avlar en lashon zahar es zahar i si no es la buelta (manus. Papo, Sarajevo 1840)

Refua para la prenyada ke no mova la kriatura ke tiene en la tripa: ke tome dientes de una muchacha ke le kayo antes ke toke en la tierra, ke metan ditos dientes en un plato de plata o de oro, despues ke los enkolge ditos dientes la prenyada sovre eya i non movera (manus. Papo, Sarajevo 1840)

para saver si la mujer prenyada va a parir ijo o ija: kuando esta de ocho mezes a su prenyes ke tome de la leche ke le sale de sus pechos i ke eche 1 pinga i un panyo de lino blanko i ke lo meta en el sol asta ke se seke el panyo i despues arremojara el panyo e lugar de la leche sin agua para azer pasar la mancha de la leche i despues ke ya se arremojo bien ke mire si keda al derredor de la mancha asenyalado en el panyo del lino preto i en medio blabko - es ijo; i si keda komo mancha amaria todo se abolta por blanko es ija (manus. Papo, Sarajevo 1840)