prender v.

לקח, נטל; לכד, תפס

to take, to take away; to capture, to seize

en la red ke eskondieron fue prendido su pie (Moscona)

ke vos dire mi kerido, vinieron letras de fransia, el negosio esta prendido, en nada no ay ganansia (Moscona)

lugo todos restan kalmos i se prenden de el pazmo. (Gaon, Poezias)

la ninya se prende entre la tempesta (Gaon, Poezias)

la veluntad puede prender su olgansa (Gaon, Poezias)

Su senyora le amava, prendieronle temores, (Poema de Yosef)

I dishole a el una ave: te albrisiare ke prenderas el reino de la India, i mataras a Poros su rey. (Ben Gorion, 1743)

I paso de ayi i enkontro kon un varon yeno de kaveyos grandes i penso por prenderlo i non pudo kon el (Ben Gorion, 1743)

A la buelta lo vieron i empeso a gritar Belshatsar diziendo yo so el rey i no lo eskucho dito sinklavo i lo prendio i le korto la kavesa i amato la luz del palasio en sekretamente (Meam Loez Ester, Izmir 1864)

save por sierto ke por prendermos bivos mos yaman para engrandeser sus famas en el mundo i por aformoziguarsen i alavarsen (Meam Loez Yeoshua II, Izmir 1870)

ke todas las sivdades ke despues ke las prendieron kedaron sus kasteyaduras en sus lugares ke no kayeron sus kales kuando los prendieron (Meam Loez Yeoshua II, Izmir 1870)

estando entremetido en la avera yuzudearon dos tres turkos i lo prendieron i lo yevaron enderecho ande el shofet (Imre Bina, Belgrad 1837)

i el puevlo suvio a la sivdad, kada uno enderecho de si, i prendieron la sivdad (Biblia, Const. 1873)

i la aselada se levanto presto de su lugar i korrieron luego ke el estendio su mano i vinieron a la sivdad i la prendieron (Biblia, Const. 1873)

i todo su fonsado se esparzieron de kon el. I prendieron al rey, i lo trusheron al rey de Bavel a Rivla. I denunsiaron su sentensia. (Biblia, Const. 1873)

eyos saven ke tenemos ambre, i salieron del real para eskondirse en el kampo, diziendo: kuando salieren de la sivdad, los prenderemos bivos, i entraremos en la sivdad.(Biblia, Const. 1873)