preferir/prefierir v.

העדיף

to prefer

El soberbio i el arogante preferan kaminar adelante

vo lo digo kon grande regreto ke neglijimos muncho nuestra lingua, tuvimos grande yerro, la nueva jenerasion prefero otras linguas sin pensar del todo a su lingua (manus. Vitali Varon, Const. 1948)

la lingua ebrea no deve de seer mas solo la lingua dela keila, azemos yamar a nuestra manseves de embezarsen el ebreo komo preferan a embezarsen otras linguas (manus. Vitali Varon, Const. 1948)

Munchos de los Palestinianos estan preferando de kurarsen en Hadasa. (Shalom, 2007)

Nunka vos demandan: ''Ke tono tiene su boz? Ke djugos prefere? Le gusta koleksionar papiyones?'' (El Princhipiko, 2010)

la nave siendo yena de merkansias para el porto en kuestion i los vapores siendo raros para el lugar, yo preferi embarkarme en la dita nave (Perdidos en mar, Yerushalayim 1907)

Eh! es un buen echo, vos me vash a rengrasiar mas tadre. Yo pudia topar un ombre kon titolos. Yo konosko uno ke me tuviera bezado las manos, ma, ma, yo preferi eskojer afuera del mundo de esta kriatura. (Nantes, Tel Aviv 1952)

Kuriozos de ver si el kondanado va preferar la muerte or, arrepintiendose en el ultimo momento, se va deshar kortar la una oreja deklarando delantre de tres ishaetes su veluntad de adovarse definitivamente. (Sipure Sefarad)

ma la vida moderna trusho otros embevesimientos: los ijikos ampesaron a preferar el sinema, aydear velosiped i sovre todo ir al tsirk, (Sipure Sefarad)