posivle adj.

אפשרי

possible

azer todo lo posivle

לעשות ככל האפשר

azeras todo lo posivle (Moscona)

'No es posivle ke nos vayamos i la tierra deshemos despues de fraguarla i de konponerla. (Zimrat 'ha-Arets, 1745)

siendo lo vendemos por esklavo, no es posivle ke se aga rey, (Meam Loez Bereshit)

pos komo es posivle de azer lo ke tu akometes? (Meam Loez Bereshit)

siendo esta serka de la tierra, su relustror es muncha ke no es posivle atinarlo. (Meam Loez Bereshit)

me demandastes una koza fuerte ke no es posivle de azerla (Meam Loez Bereshit)

komo es posivle ke pudo alkansar el arvol. (Meam Loez Bereshit)

Tambien los talmidim azian burla sovre esto, diziendo: komo es posivle ayga mas haham ke muestro rav (Shivhe 'ha-Ari, 1911)

Konke viendo todo esto seguro ke kada uno se estremesera a si mizmo por azer todo lo posivle a ke le sea bien para sus ijos, endemas ke los ijos son a todavia un prezente terivle de el Shem yitbarah. (Lel Shimurim, 1819)

orozamente ke nuestra ovra kon grandes esforsos izo todo lo posivle por el adelantamiento de nuestra lingua (manus. Vitali Varon, Const. 1948)

ke si estaran toda su vida estudiando no es posivle de entenderlas (Meshivat Nefesh II, Const. 1754)

siendo estas vestido kon este puerpo de lodo eskuro no es posivle ke puedas alkansar las enkuviertas del Sh.Yit. (Meshivat Nefesh II, Const. 1754)

ande eya perkurava de eskonderse lo mas possivle, (La dam o kamelia)

bushkimos en este periodiko, a emplear tanto ke posible, nuestro ladino (La boz de Turkiye, 1948)

Si, me parese... marmuyo el. Si... ya vos esto konosiendo... Ma non, no es posivle. (Banyos de sangre, 1912)

Pansioner ke ainda lavora - Es posivle ke sera echo el pagamiento mezo el patron, en kortando el dasio menesterozo, en adjustando a su mezada i la paga del Bituah Leumi. (Luz de Israel, 1985)

Leonidas se prezento i el fue resivido kon todas las onores posivles. (Leonidas el nadador, 1911)

Es posivle, en fin, ke me yerre sovre siertos detalyos mas importantes. Ma kale perdonarmelo. (El Princhipiko, 2010)

para arrivar a esto yo enkomendi ke me fabrikaran kuedras el kuantidad de godras posivle i de vista vente mil liliputianos fueron metidos a la ovra (Guliver, Yerush. 1912)

I es yo ke tuve imajinado la idea de kazarla mas presto posivle, la povera ija en prezentando el marido komo el autor de la kriatura (Nantes, Tel Aviv 1952)

este despachio devra ser enkolgado si es posivle antes la ora dela aviertura dela bursa afin de aleshar los ruidos falsos metidos en sirkulasion (El Tiempo. Const. 1874)

Ande el rey venian djente de diferentes lugares i le kontavan kuanta patranya ay i no ay a lo kualo el rey siempre respondia: ''i esto es posivle!'' (Sipure Sefarad)

Vites, sinyor rey, le disho el viejo, ke ya te akontesió i a ti de ver un gameo bolar, porké ya es posivle de ver kon la fantazía un gameo bolar (Kuentos, 1986)