penserio m.

דאגה; מחשבה

worry; thought

meter en penserio

לגרום דאגה

meterse en penserio

לדאוג

todos sus penserios están en el djugo/en el komer i bever/en los divertimientos

כל מעייניו נתונים למשחק/לאכילה ושתיה/לבידור

este penserio no me esta dando repozo (Moscona)

Mil penserios no pagan una devda

vengan i aklaren mis tristes penserios (Gaon, Poezias)

El penserio libero takso i renyega (Gaon, Poezias)

Duerme komo rey sin penserios i sin kudiados. (Papo, Navot)

Eya de su penserio negro non se repienta (La segunda Ester, 1911)

Mujeres, puevlo aparte, tienen leyes en disparte, todo el penserio tienen a sus dinim ke mantienen (8 dias antes de Pesah, 1909)

Ma parese ke esta gerra es inevitavle / i ke kale ke ayga una pelea regretavle / la kuala traera grande destruision / i el penserio solo trae estremision (La Amerika. 1913)

a ti la barragania ke en su sekreto se kansan muestros penserios por estar, ke te enfortesestes de mozotros muncho (Keter Malhut, Mahzor Saloniki 1876)

a ti es los sekretos ke non ay somportamiento de alavasion i penserio (Keter Malhut, Mahzor Saloniki 1876)

i yo vini delantre de ti [...] kon eskaramiento de frente, enkonado de penserios kon el yetser deskarado ke a sus enkonamientos mira (Keter Malhut, Mahzor Saloniki 1876)

I enfin, dize, i sirku[n]sira H' tu Dio a tu korason i a korason de tu semen ke no seras mas trazyerrado detras de dezeos de tu kuerpo i todo tu penserio sera por amar a H' tu Dio kon todo tu korason i toda tu alma por la buendad de tus vidas. (M''L Kantar de los Kantares,1899)

Este penserio aze traer a la persona la temor del Kriador i le inspira el miedo de pasar sus komandos del espanto no sea ke se ensanye sovre el i lo apene por sus pekados (Meam Loez Kantar de los kantares, Const. 1899)

en tu seer de 24 anyos , vernan penserios en tu korason por baldarte de la ley dos anyos i medio (Shivhe Hayim Vital, Sal. 1892)

agora te konsejo konsejo bueno ke te retires de echos de este mundo, i todos tus penserios sean solo para suvir en maalot temerozas segun fortaleza de grandeza de tu alma (Shivhe Hayim Vital, Sal. 1892)

Londje de nozotros el penserio de azer de nuestra eroina otra koza ke lo ke era. (La dam o kamelia)

Es el penserio ke tu te vas a mostrar por la primera vez delantre el mundo... (Rolando i Eleonora, 1953)

El givir, paresia ser undido en sus penserios sin dar atension a lo ke lo arrodeava. (Otniel Hodja, 2002)

Todos los penserios en akeos dias se rodeavan por un lugar, ke forma el va entrar a lo ke se yama la vida sivil? (La Boz de Yerushalayim, 1954)

En una de las oras de despues de midi de akel sieten dia de Pesah, estava asentado Dov a su kontentes en un banko en Shderot de Rotchild i se gozava dela kaentor del sol i estava daleado en sus penserios. (La Boz de Yerushalayim, 1954)

Los sionistos no keren nada por fuersa ni kon penserio malo (La Amerika 1910)

unt ravajador ke se echo hazino ke non tiene mezos para kurarse si pudo esparanyar algo de paras el non tiene mas el penserio de los gastes de milizinas i de medko (La Epoka, Sal. 1875)

el se iva presto a su ofisio (buro, uda) siempre kon el penserio de imitar (azer la mizma) la firma del baron (El prove doktor, Const. 1904)

todos los penserios, todos los dezeos por tanto tiempo rempushados i aogados se despertaron en el korajozo mansevo, se izo un marido libre (La Epoka, Sal. 1900)

se enbolvio despues en sus penserios no parviniendo a deskuvrir ken puedia ser los ozadiozos malazedores (Gul Bahar, Tel Aviv 1953)

Su alma konosio momentos de angustia i de amargura al penserio ke su amada Maria, el solo esfuenyo de su vida, adulsava en sus brasos las nochadas de un enemigo de la patria (Gul Bahar, Tel Aviv 1953)

yo demando de las personas kultivadas alas kualas yo me adreso una transformasion de sus penserios de muchas ideas viejas (Herzl, El estado djidio, Sal. 1931)

El haham kon su mujer kayeron en grande penserio pensando la trazeria de la koza. (Sipure Noraot,1885)