payís/payiz f.

ארץ, מדינה

country, state

en el paez ke irás, asegún verás farás (Nehama)

Dezgrasiado pais onde yaze la barbaria! (Papo, Navot)

En tu pais sangretado duerme la tuertaldad, (Papo, Navot)

el paiz esta yena de eshpiones, el keda ainda en las tinievlas del despotizmo, basho un govierno suzio i ladron, ke lo esta yevando al avizmo (El Triomfo de la Djustisia, Sal 1921)

Kuanto bueno es ke los Estados Unidos / komo seheludo paes tuviendo buenos grandinos / i ministros finos / ke deklararon neotralidad / Vilson mostro abilidad / en este pleito agudo / el se rijo muy seheludo (La Amerika, 1915)

Asta ke la famiya de Moshe i munchos otros fuyeron de sivdad en sivdad ariento el payis de Espanya. (El Gid,1967)

malorozamente en nuestro tiempo en siertos paizes nuestro livro vino a mankar (manus. Vitali Varon, Const. 1948)

Los Djudios derasinados de sus paises de adopsion, toparan una nueva razon de bivir i de luchar. (La boz de Turkiye, 1948)

Agamos kon nuestra imajinasion un vuelo sovre los paizes onde son desparzidos los ijos de la famiya de Israel (El Tiempo, 1924)

este artikolo no aze ninguna distinksion entre israelitas del pais, i los de suditansa estranjera (La boz de oriente, 1931)

yo avia kaido dunke en el pais de los nanikos i todo lo ke avia i enkontrava era chiko i muy chiko (Guliver, Yerush. 1912)

yo no esperi ke la noche amanesiera metiendome a nadar i ayudado a la klaridad de la luna yo arrivi en el paes del enemigo (Guliver, Yerush. 1912)

no ay dia onde munchos judios no se konvertan ala relijion del paes (El Tiempo, 1896)

yo pagi mi devda al pais i a la sosieta (El Alakran, Tel Aviv 1954)

perseverando en sus esfuersos de asigurar a las populasiones de su imperio el bienestar moral i material su maestad el sultan ordeno este anyo la aplikasion de nuevas i importantes reformas en la administrasion del pais i ke no tardaran a dar rezultados muy salutarios (El Tiempo, Const. 1896)

solo el ke no konose las kondisiones de los djidios en muchos paizes de la Evropa orientala puede tener la ozadia de pretender ke los djidios no son valivles o no estan dispostos para azer lavoro manual (Herzl, El estado djidio, Sal. 1931)

El vezir i los pashas regularmente lo informavan de todo lo ke pasava en el paiz. (Sipure Sefarad)