parvenir/se (fr.) v./v. refl.

הגיע ל-, הצליח ל-

to reach, to succeed in

Sin sufrir no ay ni parvenir, ni avenir

Sin lavorar por tu porvenir es muy yuch de topar tu avenir

Konkluir su firmamento entre nozos el parvino. (Gaon, Poezias)

basta ke ayga un poko de buena veluntad se parviene a todo i en korto tiempo nuestra lingua puede rebivirse (manus. Vitali Varon, Const. 1948)

munchos son los ke bushkaron a vengarsen ma kuando eyos no parvinieron bushkaron a azerlos desbarasar de su relijion (manus. Vitali Varon, Const. 1948)

en los momentos los mas eskuros, en la ora ke Israel pedria su independensia por irse en un largo exilo el parvino a salvar su livro (manus. Vitali Varon, Const. 1948)

Entre los detalios de este kapitolo, algunos no me parvinieron ke un poko tadre, (La dam o kamelia)

Sus luyto se espandio en todos los paizes ande parvino esta novedad. (Vaye de los yoros, 1935)

Eya parvino a sonriir i kon un tono mas kalmo disho: (Rolando i Eleonora, 1953)

Y ansi munchos padres de famiya toparon mizmo unos empiegos i okupasiones onde eran bien pagados i otros sufrian algunas vezes; penavan otros i parvenian tambien en munchas okaziones a kitar sus pan. (Leonidas el nadador, 1911)

muy kapache, Moris, el ijo del merkader parvenia en sinko anyos a fondar una grande fabrika de asukar (El Djugeton 1917)

Grasias a los esforsos i a la kapachita de este ultimo, la organizasion parvino a koleksionar miles de dolares. (La Boz del Puevlo, 1918)

bushka kon onestedad a topar moneda, arremata este djugo ke tanto mal te trusho i veras komo, kon tiempo parvienes a ganar tu vida i remplasar a su lugar la moneda ke te falta (El prove doktor, Const. 1904)

empeso a eskarvar todos los eskondidijos el avrio todos los kashones eskarvo los vestidos i parvino a la fin a topar las yaves debasho del kavesal (El prove doktor, Const. 1904)

en aziendo agora apelo yo no esto seguro de ganar, ma en aziendo bushkidas kon gastar moneda puede ser parvengo a topar algunas provas (El prove doktor, Const. 1904)

se enbolvio despues en sus penserios no parviniendo a deskuvrir ken puedia ser los ozadiozos malazedores (Gul Bahar, Tel Aviv 1953)

el joven ofisier parvino kon el ayudo de sus kompanyeros fieles a fuyir de Edirne i renderse en Istanbul (Gul Bahar, Tel Aviv 1953)

Calvero era un aktor ke non reushe mas en la shena i non parviene azer riir malgrado su mizeria i estomago vazio. (La boz de Yerushalayim, Yerush. 1953-4)

La tadre de la seremonia de enkoronamiento, parviene el ermanasto del rey, el duk Mihael (Robert Douglas) a fuirlo a el rey para ke non pueda estar prezente en la seremonia i ke de esta forma piedrera su trono. (La boz de Yerushalayim, Yerush. 1953-4)

Calvero era un aktor ke non reushe mas en la shena i non parviene azer riir malgrado su mizeria i estomago vazio. (La boz de Yerushalayim, Yerush. 1953-4)

La tadre de la seremonia de enkoronamiento, parviene el ermanasto del rey, el duk Mihael (Robert Douglas) a fuirlo a el rey para ke non pueda estar prezente en la seremonia i ke de esta forma piedrera su trono. (La boz de Yerushalayim, Yerush. 1953-4)