parar v.

עמד, עצר

to stand, to stop

parar a djuzgo

לעמוד למשפט

parar el mal

לתקן את המעוות

parar mientes

לעמוד על המשמר, לרכז תשומת לב ב-

mira bien i para mientes (Nehama)

non, ke se pare por nos (Moscona)

ma su madre parava mientes a la koza (Moscona)

Razgo la mar i la izo parar komo al (?) de derecha i isiedra (La segunda Ester, 1911)

Su aldjuba tomaron, menuda la pararon; (Poema de Yosef)

Kada una pasia, para mientes, Yosef; (Poema de Yosef)

yerrado esta el ke se kontiene kon los vestidos ke el tiene, pare mientes de ande viene ke todo sale de la tierra (Tarika, Shira Hadasha, Izmir 1861)

i en kada dia i dia se enkorva a su rey i en lugar de senderos se para, por la manyana se alsa de mizrah i por la tadre se umilia a maarav (Keter Malhut, Mahzor Saloniki 1876)

por esto nunka alevantan la kavesa i no paran mientes en el sielo i no avlan, (Meam Loez Bereshit)

Si tanbien si alguna mujer pasa non deshan de parar mientes en eya (Shevet musar, Const. 1740)

Pararon mientes rabi Elazar i rabi Aba, i les tuvo savor las palavras komo si fueran dulses komo la miel. (Leket 'ha Zo'har, 1855)

i paro mientes el rav en eyos, i vido en sus manos un tefter ke avia eskrito ayi munchos nombres de talmide hahamim (Shivhe Hayim Vital, Sal. 1892)

i estuve mirando de parte de la pared de mizrah a non kitar el ojo de ayi fin media noche, i echado sin azer ningun konsentimiento, ke la djente ke estavan ayi pensaron ke todo lo ke estava parando mientes era a la shehina (Shivhe Hayim Vital, Sal. 1892)

I me pari sovre el, i lo mati, porke savia yo ke no podia bivir despues de su kaida (Biblia, Const. 1873)

Akordate de los dias antiguos. Parad mientes a los anyos de djerenansio i djerenansio; (Biblia, Const. 1873)

Kien diese ke fueron savios, ke entendieran esto, ke pararan mientes a su postrimeria! (Biblia, Const. 1873)

i kuando se kijo ir de la kaza, paro mientes en la pared i vido kon su sezo ke avia un eskondedijo en la pared (Sefer 'ha-yashar, manus. sig. 17)

kon un koraje i una enerjia adniravles su maestad el sultan supo parar todos los golpes dela tempesta, avrir un sendero al navio en medio delas inmensas olas, evitar los enkontros delos penyaskos i konservarlo enkanto asta ke la tempesta se kalmo enteramente i vino el ermozo tiempo (El Tiempo, Const. 1896)