otomán/o m. & adj.

עות'מני

Ottoman

[Este grande movimiento] no tuvo ni tiene por baza de revatar la Palestina del governo otomano, ni mizmo akonsejo a ninguno kon ideas revolusionarias de alkansar a la realizasion de este santo ideal (La Amerika 1910)

El governo otomano no terna nunka nada lo ke pedrer en simpatizando un grande establesimiento de djudios en Palestina (La Amerika 1910)

el mostro mas patriotismo i mas kerensia por el governo otomanoen esta dezgrasiada diferensia kon los ruses (El Tiempo, Const. 1877)

los verdaderos sentimientos del Hedive son en favor del governo otomano i kontra la Rusia (El Tiempo, Const. 1877)

la nasion otomana es no solamente agradesiente a su soverano ma eya se konsidera tambien muy fiera de ser governada por un monarka de tan grande valor (El Tiempo, Const. 1896)

el imperio otomano traverso en estos ultimos tiempos una kriza bastante serioza i el navio del estado era menazado de golpearse kontra los penyaskos por los vientos viniendo de munchas direksiones (El Tiempo, Const. 1896)

Este uzo de las letras ebreas se kontinua mizmo kuando la Iluminasion yega al Imperio Otomano. (Aki Yerushalayim, 2019)