oriya f.

חוף, גדה; שפה, קצה, שוליים

beach, shore; rim, edge, margin

kaminar/ir a oriya

לנהוג בזהירות רבה

oriya de mar

חוף הים, שפת הים

oridja

343250

orla

343570

uriya

479310

en la uriya de la mar (Moscona)

Kien no save enadar no se pasea por la uria de la mar

Le kontaron los marineros de la mar ke ay un lugar en la oriya de la mar grande ke ayega asta el midbar .. desolado (Shevet musar, Const. 1740)

estando enla kuliba serka la oriya dela mar, los kristianos i un turko kon la tayfa i el reiz i se estavan echando la kulpa. el reiz ala tayfa i la tayfa a el reiz (Rosh Mashbir I, Sal. 1821)

i tomimos kaik i fuimos kaminando a oriya de la mar en sus bushkidas de estos djidios (Beer 'ha-Mayim, Sal. 1836)

ahar yamim sinko estuvimos kon la djente de el kazal avlando loke mos paso en el barko, mos disheron ke al Hayim 'ha-niz' lo toparon ala oriya de la mar muerto i lo enterraron en la elguenka de la tuzla (Yede David, Sal. 1867)

ke yo los vidi a los matados ala oriya dela mar ke si venia los fayava (Bet David, Sal. 1740)

lo kito afuera i lo tomo adelantre i se lo yevo por la oriya dela mar; tomo una piedra i le dio en la kavesa i lo mato (Shaar Asher v.I, Sal. 1877)

yo estava akojendo ahtapotes ala oriya de la mar de la peshkerika (Shaar Asher v.I, Sal. 1877)

i izo ojales de kardeno sovre oriya de la tela (Biblia, Const. 1547)

i se incho el rio de Misrayim asta las oriyas, i salieron todos los moradores de Misrayim para ver al rio kon todo modo de tanyer komo sus uzansas de kada anyo ke es (Sefer 'ha-yashar, manus. sig. 17)

Agora, kavalgando la azna a los kampos afuera de la sivdad iva pensando en lo ke vido a la oriya del Vardar. (Otniel Hodja, 2002)

Sarina abasho a la oriya del Vardar. Ayi, a la solombra de un arvole de mora, se asento sovre la yerva. (Otniel Hodja, 2002)

Avian kuatro a sinko ombres vestidos komo moros de povorotas i ke estavan traendo una grande kuedra godra komo akeas de los vapores ke echan kon gancho ala oriya de la mar. (el Rizón, Salon. 1939)

al segundo dia le disho el rav: vamos aki ala oriya dela mar a pasear ... vinieron a la eskala paseando; vino a la oriya de la mar, se kito el feredje i lo espandio en la mar i se asento enriva komo ken se asenta en kaik (manus. Papo, Sarajevo 1840)

Segula para el ke va a partir por mar: ke tome arina de sovre oriya de la mar kon su mano la derecha i ke la eche en la mano istiedra i ke diga la shirá de la mar … i se akavide kuando entra en la nave ke meta el pie derecho al presipio (manus. Papo, Sarajevo 1840)

para echar aborresedor i enemigo: ke merke un gayo por nombradia del aborresedor i ke lo merke por el presio primero ke lo demandan sin kortar nada i despues ke lo traiga a su kaza i ke lo yame a el gayo por nombre del aborresedor i ke lo mantenga 2 semanas, i despues ke lo degoye en noche de rosh hodesh i ke tome el korason del gayo i ke enkashe ayi 2 agujas muevas una ala longura del korason i una ala anchura i ke lo guadre, despues ke tome al gayo ke lo enterre en la oriya del rio; se murira tu aborresedor al tienpo poko o kaera en holi longo i se atemara todo loke ay a el (manus. Papo, Sarajevo 1840)