orasión f.

תפילה

prayer

kada buen djidió faze tres orasiones al día (Nehama)

Si puerpo i korason no estan aunados orasiones ke azes no salen venturozos

i sus orasiones se dizen kon kalmo (Gaon, Poezias)

Dias inda inosente resitando orasiones (Gaon, Poezias)

i orasiones navrantes de profetas divinos (Papo, Navot)

i sus orasiones sean al Dio vero ofresidas. (Papo, Navot)

Estos djudios se uzaron solo kon taanit i orasion (La segunda Ester, 1911)

guadrame de akel vizino ensavanado / ke manyana i tadre aze orasion / sin entender ke kon lodo es amasado / en eskorchando el kuero de su nasion (Rekolyo de Poezias Diversas, Tel Aviv 1931)

odreno su orasion delantre el Poderozo: (Toledo, Koplas de Yosef)

tambien shofar tanyeresh i kon esklamasion azer gran orasion. (Zimrat 'ha-Arets, 1745)

Yom Shabat kodesh vino ora de la orasion (Zimrat 'ha-Arets, 1745)

Se metio en un kanto kon gran ayuno su korason a uno i kon grande pasion izo la orasion (Purim, De-Fes, sig. 18)

I por tanto duelo azed teshuva muestra orasion suva ke estash apretados por muestros pekados (Purim, De-Fes, sig. 18)

Tu A-donay el padre piadozo alvisia ami alma de tu gozo, Zihr''i az orasion asu repozo (Donme, sig 18)

Zemán de la orasión teneldo en tino, esto es la kondisión muestra de kontino; (Koplas de Purim, Saadi 'Halevi. sig 19)

Los malahim de los sielos delantre el Dio se pararon, aziemdo orasion i muncho eyos yoraron, de ver su hasidut muncho se enkantaron (Tarika, Shira Hadasha, Izmir 1861)

bendichos seash del Todo Poderozo / ke korresh para la orasion i el kante relijiozo (manus. Vitali Varon, Const. 1948)

ermana pekenya, sus orasiones / ordena i responde sus loores / Dio, rogo melezina sus dolores / se ateme la anyada kon sus maldisiones (Ermana pekenya, Mahzor Rosh a-Shana, Sal. 1876)

Puertas de apaziguamiento, puertas de ley, puertas de orasion, puertas de teshuva, (Tefilat kol Pe,1891)

Konke viendo todas estas demostrasiones i saviendo todas estas verdaderias, por sierto ke kada uno katara muy bien en la orasion ke dize kada dia (Lel Shimurim, 1819)

Orasion de David. (Biblia, Const. 1873)

eskucha mi orasion ke ago sin lavios de enganyo. (Biblia, Const. 1873)

I azia su orasion a A' i yorava mucho I prometio prometa (Biblia, 1873)

Yo so la mujer ke estuvi kontigo aziendo mi orasion a A'. (Biblia, 1873)

En esa ora se leuanto el moҫo, e fizo oraҫión al Señor, e dixo: paresҫera la tu fuerҫa e el tu poderio, (Midrash aseret adibrot, manus. Sig 15)

por quanto la ley santa se deҫendio, e las palabras de los fijos de Ysrael al Señor manifestador, e por quanto la ley rresҫibieron sus oraҫiones se allegaron, (Midrash aseret adibrot, manus. Sig 15)

kuando mi alma se desmayava en mi' me akodri de A', i mi orasion entro a ti, a tu templo santo (Biblia, Const. 1873)

sinon por Moshe el porfeta ke espandio sus manos kon orasion delantre A' i izo tornar sanya de A' de eyos (Shir a-Shirim Targum II, Mahzor Sal. 1876)

Nuestras orasiones, en este dia solemne, no son i no deven ser echas kon un espiritu de egoizmo (La boz de Turkiye, 1948)

Cerfberr kuando eskapo su orasion, entro a la kamareta del rey de Fransia, (La boz de oriente, 1931)

Despues ke avli mi orasion al Dio baruh 'hu el kual fue mi avrigo i mi arrimo, i lo asufri a mi korason kon un pedaso de pan, me asenti por meter idea por mis menesteres (Asolado en la izla, 1881)

El kantor Vladovski kon la boz de seda meldo las orasiones. (Shalom, 2007)

Kuando el bebe avrio su boka i echo el primer grito de su garon, se metieron todos los bevientes i borachones a reir, oyendo tan alta boz, asemejada al son de un muezin, kuando grita ''Alah-u akbar'' para invitar a los fideles azer la orasion; (Otniel Hodja, 2002)

vimos kaje en kada keila en todos los kuartieres un instruido sinyor suvir ala tribuna despues de la orasion i exortar al puevlo a tomar una ancha parte enel Keren 'ha-Yesod (El Djugeton, 1922)

Eya travo semplemente las manos i adjuntandolas komo por azer orasion [...] (Mujer kriminala, Tel Aviv 1954)

se abasho de la talika i tomando un buketo de flores de la mano de una esklava, las desparzio kon respekto sovre la tomba en resitando una orasion (Gul Bahar, Tel Aviv 1953)

orasiones seran echas por todas las partes por la konservasion delos dias presiozos del bien amado monarka (El Tiempo, Const. 1896)

Sta aziendo orasion: ''En ke bela me vini yo!'' (Djoha ke dize)

Tres damas van a la mesa a azer la orasio(n), (Blanka Flor)

Lo enserraron a Djoha en la kamareta i el sta aziendo orasion: (Djoha ke dize)

Al kal no va, la orasion le kedo por kusur! (Sipure Sefarad)

después, echándose, dizia le Shema i una orasion en djudezmo de la kuala Haim se akodrava solo algunos biervos (Sipure Sefarad)

Me dizia también ke kuanto ke penara por ambezarsela la orasion entera, la vieja refuzava i mizmo kedava un poko ofensada, diziendole: (Sipure Sefarad)