onesto adj.

ישר, הגון

honest

muy onesto

ישר מאוד, הגון, בלתי משוחד

El medio onesto aze kamuflaje o enganyo para los ke avlan media o entera mentira.

se sentiran bozes fieras i onestas (Gaon, Poezias)

Onesto i kalmo de alturas vino (Gaon, Poezias)

El es un ombre savio, bueno i onesto (La segunda Ester, 1911)

Vieja kon mesta / holera i pesta / mujer mal onesta / punision del Dio (La Epoka, Sal. 1900)

Paresiole el konsejo ser bueno I onesto (Koplas de Purim, 1545)

Aniyim i hasidim i ombres onestos / por podersen mantener siempre van despuestos / mizmo i por estos / devemos de kudiar / el Dio mos va ayudar / penemos kon dos manos / por nuestros ermanos (La Amerika, 1911)

salvo lo ke kiere el Sh.Yit. es ke agash djustisia i azed mersedes kon la komunidad i ke andesh onesto kon el (Hovot 'ha-Levavot, Const. 1569)

I la uzansa de Bavel es ke las mujeres estan muy tapadas i no se amostran komo las togarmot i siendo Vashti 'ha-malka era de Bavel uzava a ser muy onesta i muy tapujeada (Meam Loez Ester, Izmir 1864)

La ley de imigrasion de los Estados Unidos alesensia la entrada libera a todas las personas onestas, pasivas i sanas, ke son kapaches de lavorar i mantenersen eyos propios (La Amerika 1910)

las mujeres son muy onestas i es eksesivamente raro ke alguna de eyas se renda kulpavle de adultera (El Tiempo, 1896)

Mordehay era un bueno i onesto ombre ke bivia repozado i sotometido (El Alakran, Tel Aviv 1954)

ke elevos! los mejores, los mas avansados i aparteniendo todos a famiyas modestas ma onestisimas i amantes del progreso (La Epoka, Sal. 1900)

esta manera de djuzgar las kozas va ser severamente apresiada de parte la djente onesta ke venturozamente es ainda numeroza (La Epoka, Sal. 1900)

nozotros la tomimos de la prizion por orden del kapo de la polisia ? i es bien klaro ke eya no estava ayi por alguna buena i onesta echa (Manon Lescaut, Yeru. 1906)

Es su instruksion es parfekta, eya es muy noble, ermoza, delikada, onesta i es inspirada de muy nobles sentimientos (La Ermoza Alis, Tel Aviv 1954)

i era la mujer de este gizandon una mujer ermoza i onesta, (Kuentos de Yerushalayim, 1923)

siendo le plazio de ver un ombre derechero, onesto i intelijente, dechizo de nominarlo por vali para ver si sus echas van a responder a sus palavras, (Sipure Sefarad)

El Sinyor de Rotschild, viendo ke el ombre era seriozo, dinyitozo i de sintimientos onestos, achetó de ayudarlo. (Kuentos, 1986)