ola f.

גל

wave

las olas de la mar (Nehama)

Komo olas palpitantes de mares tempesteozos (Gaon, Poezias)

ni ser golpeado por furia de olas (Gaon, Poezias)

Kual nadando en sus olas es felis i muy plaziente. - (Gaon, Poezias)

las olas de plata vengan kada dia (Gaon, Poezias)

Anoche, sali furiozo komo olas del Kidron, (Papo, Navot)

enmentare unos kuantos komo una gotera en la mar i ago viduy por eyos, puede ser are amahar el sonido de sus olas i sus ondas (Keter Malhut, Mahzor Saloniki 1876)

i primero se echo ala mar el djidio, despues me echi yo, i a el djidio le vino dos olas, en la primera grito en la segunda le dio i mas no se vido, ke se afogo (Rosh Mashbir I, Sal. 1821)

i vidi ke enpeso a entrar la agua en la foluka de la ola i en la segunda ola se incho la foluka de agua (Rosh Mashbir I, Sal. 1821)

Yeuda ... estava deteniendo de las halkas de la foluka i de las olas ke venian se shashereo ... i kayo en la mar i lo vidi ke lo suvio la ola tres vezes (Rosh Mashbir I, Sal. 1821)

i salio afuera en la kuvierta del kaik para salir kon eyos, vino la ola i se lo yevo de enriva la kuvierta i echo un grito i vino otra ola i se lo yevo i no lo vimos mas (Beer 'ha-Mayim, Sal. 1836)

Kuando me rodearon olas de muerte, arroyos de maldad me torvaron, kuerdas de Sheol me rodearon (Biblia, Const. 1873)

todas tus ondas i tus olas pasaron sovre mi (Biblia, Const. 1873)

el abatimiento i la ineksplikavle maladia ke dezde ocho mezes lo konsumian vizivlemente, avian eyos sedado enfin a la medikeria bien azedera del sol del aire i de la briz venida de Afrika, adulsada por la mar a olas blus? (La sinyatura del kontrato, Yerushalayim 1907)

a la fin kansos i dezesperados nozotros dishimos la barka a la veluntad de las olas asta ke un fuerte golpe de aire la bolto i todos los sinko ke la montavamos kaimos adientro del agua (Guliver, Yerush. 1912)

kuando yo me banyava la noche ninguno no me via otro ke las estreas de el sielo i las olas ke me kunavan (Anna Maria, Yerushalayim 1905)

kon un koraje i una enerjia adniravles su maestad el sultan supo parar todos los golpes dela tempesta, avrir un sendero al navio en medio delas inmensas olas, evitar los enkontros delos penyaskos i konservarlo enkanto asta ke la tempesta se kalmo enteramente i vino el ermozo tiempo (El Tiempo, Const. 1896)

I en verdad, kuando lo vido entrar kon akel paketo grande i pezgado, sareado en papel kaba, kon una ola de sangre, la vieja entendió ke el paketo es de karne Para ke se kijo esto todo de karne en una vez? (Sipure Sefarad)

Ma la psa Donu no keria ni sintir por este kazamiento, porke el ke tenia ke ser su novio, ainda era un ijiko kon la media kavesa a las olas de la tinya ke tenia pasado, mientres ke eya ya era una muchacha formoza i bien kumplida. (Sipure Sefarad)