ojo m.

עין

eye

a ojo

נראה ש-, לפי הערכה

It seems that..., according to estimates

achetar/afirmar kon los ojos serrados

להסכים/לחתום בעיניים עצומות (מתוך אמון מלא)

To agree/sign with eyes closed (out of complete trust)

afartar el ojo

להיות מסונוור למראה השפע (מזון, כסף)

To be dazzled by abundance (food, money)

aharvar el ojo

הדבר בהיר כבר ממבט ראשון

It is clear at first glance

avlar kon los ojos

לדבר במבטי עיניים

To communicate through eye glances

avre el ojo i mira al pan!

שים לב והזהר!

Pay attention and be careful!

avrir los ojos en vente i kuatro

לפקוח עינים, להקדיש תשומת לב רבה

To open one's eyes, to pay close attention

avrir ojos

לפקוח למישהו עינים לגבי יתרונותיו של עסק

To open someone's eyes to the advantages of a deal

azer del ojo/ojiko

קרץ בעיניו

Winked

azer por ojo malo

לנקוט אמצעים למניעת עין רעה

To take precautions against the evil eye

buenos ojos!

באירוניה: עיניים ליופי בלבד!

Ironically: Eyes only for beauty!

dar al ojo

לצוץ לנגד העינים

To pop up before one's eyes

dar en ojo

להפתיע, להתמיה

To surprise, to astonish

dar entre ojos

להכות מישהו בין העיניים

To hit someone right between the eyes

dar kon ojo

לתת בחוסר רצון

To give reluctantly

dar un ojo a la kolada

לכבס כביסה ראשונה

To do the initial wash

de ojo ke lo guadre el Dio

הוא מצליח ומשגשג - שאלוהים ישמרהו מפני עין רעה!

He succeeds and flourishes - may God protect him from the evil eye!

echar el ojo en yeno

לקחת מן המובחר

To take the very best

echar los ojos en blanko

להתעלף; למות

To faint; to pass away

echar un ojo

להעיף מבט מפעם לפעם

To glance from time to time

el ojo le kedó en lo ke me dieron

הוא מת מקנאה מפני שלא קיבל את החלק שאני קיבלתי

He is dying of envy because he didn't receive the portion I received

en los ojos ke le den lo ke tengo echo!

כפוי טובה שכמוהו - שכל מה שעשיתי למענו ייפול על עיניו ויעוורן!

What an ungrateful person - may everything I did for him strike his eyes and blind them!

en/entre avrir i serrar el ojo

כהרף עין

In the blink of an eye

enfinkar los ojos

לנעוץ מבטים חודרים ונוקבים

To fix a sharp and piercing gaze

enganyar a los ojos

לאחז עינים

To deceive / create an illusion

entrar en el ojo de una persona

לשאת חן בעיני מישהו

To appeal to / be pleasing in someone's eyes

es el ojo preto de la famiya

הוא המובחר שבמשפחה

He is the finest in the family

eskaer de los ojos

איבד כבודו בעיני אחרים

Lost respect in the eyes of others

estar de no alevantar ojo del livro/del kuzido/del bastidor

להיות שקוע (לא להסיר עין מ) בספר/בתפירה/ברקמה

To be immersed in (not taking one's eyes off) a book/sewing/embroidery

estar kon el dedo al ojo

להסתבך בבעיות שקשה לצאת מהן; להיות מוטרד בעניין חסר חשיבות

To get entangled in hard-to-escape problems; to be bothered by a trivial matter

estar kon la sangre en los ojos

הדם עלה לו לעיניים (מרוב כעס)

Blood rushed to his eyes (out of extreme rage)

estar kon las grenyas en los ojos

זה אך התעורר, עיניו מכוסות קרום שינה

Just woke up, eyes still covered with sleepiness

estar kon sien ojos

להשגיח בשבע עיניים

To keep a very watchful eye / keep seven eyes on

inchir el ojo

להפתיע, להתמיה; לספק בשפע

To surprise, to astonish; to provide abundantly

ke mi ojo no le aga mal!

שדברי (בשבחו, אודות הצלחתו) לא יביאו עליו עין רעה!

May my words (in his praise/about his success) not bring an evil eye upon him!

ke se siegen los ojos de los enemigos

שיתעוורו עיני המקנאים שעינם צרה בי!

May the envious eyes of those who resent me be blinded!

ke te da el ojo?

במבט מהיר בכמה היית מעריך את משקלו/את נפחו?

At a quick glance, how much would you estimate its weight/volume?

kedar el ojo en una koza

לא להסיר עין ממשהו - להיות מוקסם ולחשוק בו

Not to take one's eyes off something - to be captivated and desire it

kerer kitar los ojos kon kerpedén (t.)

להיות דורסני, לנהוג בדורסנות

To be predatory / aggressive

kitador de ojos

טורף, דורס, דורסני; אדם מזיק

Predatory, aggressive; a harmful person

kitar el ojo preto del merkader

לקנות את הסחורה המובחרת ביותר של הסוחר הזה

To buy the finest goods from this merchant

kitar los ojos

להשתמש לרעה בנדיבותו של מישהו; להזיק מתוך כוונה רעה

To abuse someone's generosity; to harm with malicious intent

kitarse los ojos

לריב, להתקוטט

To quarrel, to fight

kitarse los ojos kon sus manos

להזיק לעצמו, לפעול בניגוד לאינטרסים שלו

To harm oneself, to act against one's own interests

komer kon los ojos

לטרוף בעיניים

To devour with one's eyes

kítalo de mis ojos!

סלקו אותו מנגד עיני!

Remove him from my sight!

le salieron los ojos para ahuera

עיניו יצאו מחוריהן

His eyes popped out of their sockets

lo vide kon mi ojo

במו עיני ראיתי

I saw it with my own eyes

me s'espanta el ojo

זה מפחיד אותי, אינני מעז לטפל בכך

It frightens me, I don't dare handle it

me se pasó/me se fuyó del ojo

פסחתי על זה, לא שמתי לב, נסתר מעיני

I skipped over it, I didn't notice, it escaped my notice

meter los ojos para abasho

להשפיל מבט, לא להסתכל בעיניו של מישהו

To lower one's gaze, to avoid eye contact

meter ojo

לקנא

To be envious

mirar kon buen ojo/ver de buen ojo

לראות בעין טובה

To look favorably upon

mirar kon kuatro ojos

לבחון/להשגיח בשבע עיניים

To examine/watch with extreme vigilance

mirar kon mal ojo/kon negro ojo

להביט בחשדנות וחוסר אמון

To look with suspicion and distrust

mirar kon ojos de piadad

לתת מבט רחום, להביט בחמלה

To give a compassionate look, to look with mercy

mirar kon otro ojo

לראות משהו/מישהו בעין טובה יותר מאשר בעבר

To view something/someone in a better light than before

mo le kitó por los ojos

קלקל לנו את כל העונג

Ruined all our pleasure

mos kitó el pranso por los ojos

קלקל לנו את כל החגיגה/הסעודה המשפחתית

Ruined the whole celebration / family feast for us

mos siega de los ojos/no mos desho ver de los ojos

גרם לנו תקלה חמורה

Caused us a severe mishap/trouble

no artarse el ojo

לא לדעת שבעה

Insatiable / never knowing satisfaction

no deshar del ojo

לא להסיר את המבט מ .., להשגיח בלי הרף

Not to take one's eyes off..., to monitor constantly

no fiar de un ojo al otro/no fiar del ojo a la seja

להשגיח בשבע עינים

To keep a very close watch

no inche el ojo

העין לא תשבע .. (אי אפשר לספק את ..)

The eye is never satisfied... (one cannot satisfy...)

no kitar el ojo d'enriva de uno

לא להסיר את המבט מעל מישהו

Not to take one's eyes off someone

no le dishe ke tiene el ojo tuerto

מדוע הוא כועס? לא אמרתי לו שום דבר פוגע!

Why is he angry? I didn't say anything offensive to him!

no le kedó ojos ni pestanyas

הוא הרוס לגמרי (נאמר בסיפוק כלפי אדם שאינו חביב עלינו ושאיבד את כל אשר לו)

He is completely ruined (said with satisfaction about someone disliked who lost everything)

no m'aferra, no me da el ojo

המשקל שנקבת בו אינו נראה לי/הכמות שנקבת בה אינה נראית לי

The weight you quoted doesn't look right to me / The quantity you specified doesn't seem right

no m'alkansa el ojo fina ey

אינני יכול להבחין מן המרחק שאני נמצא בו

I cannot make it out from the distance I am at

no me se alevanta el ojo para verlo

אני מזלזל בו - הוא אינו ראוי למבט מעיני

I look down on him - he is not worth a glance

no me se tapa el ojo

הפאר והעושר שלו אינם מותירים בי כל רושם

His splendor and wealth leave no impression on me

no pedrer del ojo

לא להסיר את המבט מ-

Not to take one's gaze away from

no pueder ver ojos en la kara al d'enfrente

לא מסוגל לראות בהצלחת הזולת

Incapable of seeing another's success

no se esta viendo ojo kon ojo

אינך רואה את הדברים עין בעין; העניין נסתר מעיניך

You don't see eye to eye; the matter is hidden from your view

no serrar ojos

לסבול מנדודי שינה

To suffer from insomnia

no tiene ojo en prá/tiene el ojo arrasgado

כסף אינו נחשב בעיניו - רגיל לחיות בשפע

Money means nothing to him - accustomed to living in luxury

ojo burakado

נפש לא תדע שבעה; צר עין, מקנא

Insatiable soul; stingy, envious

ojo de Amán

'עין'' בעץ

A knot in wood

ojo de azeite

טיפת שמן, עיגול שמן

A drop of oil, an oil ring

ojo de buen mirar

אדם בעל טעם טוב וחוש ליופי שבוחר תמיד בטוב ביותר ועושה את הנאה והטוב

A person of good taste and an eye for beauty who always chooses the best and does good

ojo de gayina

יבלת בין אצבעות הרגל

A corn/callus between the toes

ojo de la alguja

קוף המחט

Eye of the needle

ojo de prove

אדם קטנוני

A petty/small-minded person

ojo farto

התנהגות של רוחב ונדיבות

Generous and broad-minded behavior

ojo furón

נפש לא תדע שבעה

An insatiable soul / never satisfied

ojo furón/de forón

נפש לא תדע שבעה

Insatiable soul

ojo kon ojo

פנים אל פנים, בצוותא

Face to face, together

ojo malo

עין רעה

Evil eye

ojo por ojo

עין תחת עין

An eye for an eye

ojo vazío

'עין ריקה'' - נפש לא תדע שבעה; טורף ודורס

"Empty eye" - insatiable soul; predatory and aggressive

ojos billul (t.)

עיניים בהירות

Bright / clear eyes

ojos de Bilam

ראיה חדה

Sharp vision

ojos de gato

עיני חתול (צבעוניות)

Cat's eyes (colorful)

ojos de gato no están de hadjilik

לא נראה לי שהוא עומד להסתלק בקרוב, הוא תקוע כאן לבלי זוז

It doesn't look like he is leaving anytime soon, he is stuck here without moving

ojos de guerko

עיני שד - רואות כל

Devil's eyes - seeing everything

ojos de pipi

עיניים בעלות חדות ראיה (גם בלילה)

Eyes with sharp vision (even at night)

ojos del kaldo

עיגולי שמן על המרק

Oil rings on soup

ojos en la kara ke no le keden!

שיעקרו עיניו! (לשון קללה)

May his eyes be gouged out! (a curse)

ojos ke le vieron ir no vieron mas venir

הוא יצא ומעולם לא חזר

He left and never returned

ojos mios!/ojos de la madre!

קריאת חיבה לילד

Term of endearment for a child

ojos pishados

עיניים דבוקות בקרומי שינה

Eyes stuck with crusts of sleep

ojos trabulados

עיניים מטושטשות

Blurred / hazy eyes

pasar por el ojo

לבדוק אחד אחד

To inspect one by one

por mis ojos!

בעיני! (לשון שבועה)

On my eyes! (an oath of honor)

por ojos de la djente/por ojos del mundo

שלא ידברו הבריות - להתאים עצמו לדעת הכלל

To avoid gossip - to conform to public opinion

s'avren los ojos!

נוסחת קסם להסרת עין רעה כאשר מדברים על הצלחה העשויה לעורר קנאה

A magic phrase to ward off the evil eye when speaking of success that might arouse envy

salir de los ojos

יוצאות לו העיניים מרוב קנאה

His eyes are popping out from envy

saltar a los ojos

מתבלט, "קופץ לעיניים"

Stands out, "catches the eye"

se kayó i se kitó los ojos

הוא נפל ונפצע קשה

He fell and was severely injured

se l'avrieron los ojos

הוא מוקסם ומלא התפעלות נוכח ידיעה טובה שקיבל/נוכח אפשרות שנפתחה לפניו

He is thrilled and full of admiration at good news received / an opportunity opened to him

se l'entraron los ojos para adientro

עיניו שקועות בחוריהן

His eyes are sunken in their sockets

ser el ojo preto de alguno

להיות בבת עינו של מישהו

To be the apple of someone's eye

serrar/serrarse los ojos

העלים עין

Turned a blind eye

siego d'un ojo

שתום עין

One-eyed

tala koza no la tiene visto ojo de sol

דבר יפה כל כך לא שזפה עוד עין השמש!

Such a beautiful thing the sun has never laid eyes on!

tapar el ojo

לנקר עיניים בעושרו

To flaunt/show off wealth

tapar ojos i boka

עצימת עיני המת

Closing the eyes of the deceased

taparse los ojos

לא להיות חסר פניות

Not to be impartial / to be biased

tener al ojo

לשים לב, להשגיח

To pay attention, to supervise

tener en ojos

לשנוא

To hate

tener los ojos aviertos

לפקוח עינים

To open one's eyes

tener los ojos chanakas (t.)

להיות בעינים פעורות; לסבול נדודי שינה

To have wide open eyes; to suffer from insomnia

tener los ojos pasharos

עינים נעצמות מרוב עייפות

Eyes closing from extreme fatigue

tener ojo arto

לא להתאוות, לא לחוש קנאה

Not to covet, not to feel envy

tener un tapón al ojo

להיות בעל תבלול בעין

To have a cataract in the eye

tener una koza entre los ojos

הדבר נמצא לנגד עיניו והוא אינו מבחין בו

It is right before his eyes and he doesn't notice it

tiene ojo en pará

קמצן, נותן ליבו רק לכסף

Stingy, cares only about money

tomar de ojo

לקנא ולהטיל עין רעה בהצלחתו של מישהו

To envy and cast an evil eye on someone's success

tomar entre ojos

לא לסבול מישהו

Unable to stand someone

ver pará por el ojo

לראות סוף סוף צורת מטבע (אחר תקופת עוני ומצוקה)

To finally see the shape of a coin (after a period of poverty and distress)

ver un ojo d'alegria

ליטול חלק בשמחה משפחתית/באירוע שמח

To participate in a family celebration / happy event

viene de kostar los ojos de la kara

הדבר יקר מאוד

Very expensive

ya no me kedaron ojos de tanto kuzir/rekamar/meldar

עיני יצאו מרוב תפירה/רקמה/קריאה

My eyes strained/tired from excessive sewing/embroidery/reading

yevar entre ojos

לעקוב אחר משהו/מישהו בדאגה

To follow something/someone with concern

ojos blus; ojos pretos; ojos vedres (Nehama)

taparse un ojo para ver del otro (Nehama)

mas kome el ojo ke la boka (Nehama)

el ojo del ombre se inche solo kon un punadiko de tierra (Nehama)

londje de ojos, londje de korasón (Nehama)

el ojo ve, el alma dezea (Nehama)

s'avren los ojos: este padre tiene diez ijos, todos de buena salud, (Nehama)

s'avren los ojos: fulano ganó sinko mil liras de oro en un echo (Nehama)

el ojo kiere ver bueno (Nehama)

el ojo del pa­trón engodrese la gayina (Nehama)

El ojo ve, l'alma dezeya

Lo ke vee kon el ojo apunta kon el dedo

El ojo del bivo se incha kon un poko de tierra

El oju del benadam non si incha kon nada, se incha solu kun poko de tiera

Todo es para el ojo del bivo

Mi ojo ke no te aga danyo

Ken no tiene ojo en dengunos i se va kon kuento tiene vida arepozada

Ke no tengas el ojo en el d'enfrente

El ken tiene un ojo entre los siegos es rey

El ojo en el kamino lo tiene todo

'l es el ojo de la kara

Esto mi es el ojo en la kara

El ojo kere ver bueno

El ojo kome mas muncho ke la boka

Los ojos pedri, las pestanyas vo buskar

Le echo sal en los ojos

En el ojo de la siega, kae la senteya

No tengas ojo en otro te tiene en lo tuyo

Ojos ke no ven, korason ke no dezeya

Lo ke mi ojo no veye, mi korason no yora

Tener ojo grande en todo no traye bueno

Boka de leon ke te koma i no ojo de ben-adam

El muerto no save nada, todo es para el ojo del bivo

Kon la kuchara te do el arroz, i kon el mango te kito el ojo

El ke yoro por otros, se kedo sin ojos

Ojo de leon ke te koma, ojo de benadam ke no te vea

Buena es la novia siega de un ojo

La gayna tanto se arraska el ojo, asta ke se lo kita

El ke no tiene ke azer, kita los ojos de la mujer

Ojo preto vate tadre, vente presto - Ojo preto vente tadre, vate presto

Ande kaye la senteya? en el ojo de la siega

Ken mucho se skarva, los ojos se kita

Las mujeres yoran kon un ojo i rien kon el otro

'Sta asperando kon ojos de papel

Icho el oju al saku

Mirame kon ojo, te mirare kon dos

Aya vaya el ojo malo

Guadrado de ayin ara, de ojo malo, i de pitme de moshka

El muncho meldahon tiene el ojo a kada mujer ke ve en el balkon

Anke tienes kuatro pares de ojos, es muy muy dificil de ver piojos

Lagrima en el ojo, sinyal de buen korason

Serrar los ojos por sienpre

No komas delantre de todos porke te tienen ojo en todo

Los ke serran los ojos, van a topar piojos

Ojo preto de kaza

Siego kon ojos

Ojo vazio

El bueno de ojo sera bendicho

Guardate de ojo de ombre i de sirena de mal

Mas vale un ojo de sol ke un siento de shavon

El ojo mas ambriento de la tripa

El ojo es el espejo de la alma

Echo el ojo a la kuzina

En Misrayim ken tiene un ojo es mazalozo

El ojo kere ver su parte

Tiene ojo burakado

Mi ojo no se enganya

Es un pedaso de karne kon dos ojos

sus ojos luminan komo las estreas (Gaon, Poezias)

i arankarvos ojo por ojo, diente por diente. (Papo, Navot)

a star en sanya, a kavza del Kiklop k'el le siego el ojo, (Odisea)

Le respondio la de ojos briyantes, la dioza Atena: (Odisea)

Y sus ojos alsava aya donde se iva (Poema de Yosef)

Los djudios ke resivieron la Ley a ojos de todos los puevlos (Ketuba de la Ley)

Avrid ojos benadam ke tu sos basar i dam, venistesh en el olam para fayar emuna. (Donme, sig 18)

de ver a su madre ke yorava i endechava, ke la muerte de los tres kon sus ojos mirava, guay de la madre ke a los ijos enterrava Miriam i Aaron i el si' de Moshe (Tarika, Shira Hadasha, Izmir 1861)

yevan a eya ke se pasee, los visios de ganeden ke dezee, los tsadikim kon su ojo vee, los ke se fueron de la tierra (Tarika, Shira Hadasha, Izmir 1861)

I siendo el kito mala fama a sus ermanos diziendo ke alsavan sus ojos a ver ijas de la djente (Meam Loez Bereshit)

i dezia saeta en el ojo del satan. (Meam Loez Bereshit)

I aun ke la parasha de Bereshit paresera muy grande i espantara el ojo, (Meam Loez Bereshit)

ke el ikar fue para avrir los ojos del mundo ke sepan las mitsvot ke komando la Ley de azerlas (Meam Loez Bereshit)

El siego se diskulpo ke no tiene ojos para ver, (Meam Loez Bereshit)

sera vistoza de apararse por la ventana i tener el ojo vazio de no kontentarse kon poko; (Meam Loez Bereshit)

Arrelumbra a negrura de ninyeta de ojos (Tefilat kol Pe,1891)

I fue dicho boz de tus profetas alsaran boz, a una kantaran, ke ojo kon ojo veran a tornar A' a Tsion. (Tefilat kol Pe, 1891)

En esto se les enkuvrio del ojo i no lo vieron. (Leket 'ha Zo'har, 1855)

i kavza ke le sale la boda por los ojos (ve-'Hohiah Avraam, Izmir 1877)

Siendo las avlas de 'Haman fueron serradas [...] i no estabilio ke puevlo es i por esto le paresio liviana la koza en ojos de el rey (Meam Loez Ester, Izmir 1864)

dito ribi Yohanan era muy viejo i sus pestanyas eran muy grandes ke le tapavan los ojos i sus talmidim tenian pinzetasde plata ke kuando keria ver alguna presona le alevantavan las pestanyas kon eyas (Meam Loez Yeoshua II, Izmir 1870)

su vista de leon i sus ojos relanpagos [i lo mizmo] su puerpo (manus. Minhat Ani, Yerushalayim 1880)

i vimos kon muestros ojos komo las paredes se ivan akostando de un lugar al otro (Imre Bina, Belgrad 1837)

vean tus ojos derechedades. (Biblia, Const. 1873)

El testimonio de H' es fiel, ke aze savio el torpe. (Biblia, Const. 1873)

Kontra ti solo peki, i ize lo malo en tus ojos, (Biblia, Const. 1873)

ponen sus ojos para echarnos a tierra. (Biblia, Const. 1873)

Guardame komo la ninyeta del ojo, (Biblia, Const. 1873)

I also sus ojos i vido a Binyamin su ermano, ijo de su madre (Biblia, Const. 1873)

Tus ojos son komo de palombas (Biblia, Const. 1873)

a ken arrepodiaste i denostastes? sovre ken enaltesiste boz i alsaste a los sielos tus ojos? (Biblia, Const. 1743)

ke savien el Dio ke en dia de vuestro komer de el i seran aviertos vuestros ojos i seredesh komo andjeles savientes bien i mal (Biblia, Const. 1547)

i fue enpues de las palavras estas i also mujer de su senyor a sus ojos a Yosef i disho: yaze konmigo (Biblia, Const. 1547)

su padre asenbra la blankura ke en las unyas, los guesos, los biervos , el meoyo ke en la kavesa i lo blanko ke en los ojos ([Mishnayot], Seder Maamadot, Viena 1821)

i dulse la luz i bueno para los ojos por ver a el sol (Biblia, Viena 1841)

I tu, mi senyor rey, los ojos de todo Yisrael estan sovre ti, para ke les des a saver kien se a de asentar sovre la siya de mi senyor despues de el. (Biblia, Const. 1873)

Lo izo rodear, lo izo entender, lo guardo komo la ninyeta de su ojo. (Biblia, Const. 1873)

I degoyaron a los ijos de Tsidkiya'hu delante de sus ojos; i kito a Tsidkiya'hu los ojos, i lo ato kon kadenas, i lo trusho a Bavel. (Biblia, Const. 1873)

i dio el Dio al viejo por mersed i por piadades en ojos del vizir, i lo kito kon onra kon todos sus livros, i anduvieron de sivdad en sivdad asta su ayegar a la sivdad de Sevilla (Sefer 'ha-yashar, manus. sig. 17)

ke este moso ke tienes en tu kaza mos shasheo de mirarlo, ke no pudimos kitar los ojos de el de ver su ermozura (Sefer 'ha-yashar, manus. sig. 17)

porke estas doliente i flaka? A ti ke te falta i ke eres mujer de un mayoral grande i muncho en ojos de el rey, i te falta koza ke digas ke estas hazina? (Sefer 'ha-yashar, manus. sig. 17)

Ektor no via ke los ojos de la ermoza Voida, no oiya ke su delisioza boz. (Banyos de sangre, 1912)

Bianka le aferro las manos i mirandola en los ojos, disho: (Rolando i Eleonora, 1953)

Ke en estas oras ke yo me topo me era todo de koza muncho presiada en mis ojos, (Asolado en la izla, 1881)

En oyendo su boz, se serraron de muevo sus ojos. (Otniel Hodja, 2002)

Me fregi bien los ojos. Miri bien i vi un ijiko ekstraordinario ke me examinava seriozamente. Na el mijor portreto ke mas tadre logri azer de el. Mi pintura, siertamente es muncho menos grasioza ke el modelo. (El Princhipiko, 2010)

Los ojos de todo el mundo estos dias son boltados verso Roma de ande se espera ke la paz inspirada por el kapo del kristianizmo, el papa de Roma Benedict kenzeno, ara su efekto i tokara los korasones de todos los kapos gerreadores de sangre kristiana por meter fin a las terrivles matansas, espojamiento i destruision (La Amerika, 1917)

despues eya echo una ojada por todas las kuatro partes de el lugar i vido el konde ke avia los ojos afinkados sovre la muchacha (La Epoka, Sal. 1900)

por esto la kamara avia desidido por matarme i por siegarme los ojos (Guliver, Yerush. 1912)

se detuvo kon una sonriza de burla entre sus lavios, sus ojos lagamiozos fiksados sovre la joven mujer ke restava agora sin movimiento komo petrifikada (La dezgrasiada Luiza, Tel Aviv 1953)

su fegura se enkujo i un relampago paso por sus ojos (La dezgrasiada Luiza, Tel Aviv 1953)

Alora Nantes levanto los ojos mas en alto sovre Paris. Mirando en las eskuridades, sovre las kayes, las kalejas, kalejones, de la parte siedra, aklarandose de flamas tremlantes del gas (Nantes, Tel Aviv 1952)

eya no se apresurava, eya de un torno de ojo avia echo el torno dela kamareta estrecha, i paresia pensar de Ia manera ke eya empesaria a avlar sovre el eskopo de venir deranjarlo a estas oras (Nantes, Tel Aviv 1952)

alta, esvelta i muy grasioza, sus ojos muy grandes debasho de sejas pretas i arkadas tenian una ekspresion dulse (La linda Anjela, Tel Aviv 1953)

todas las senyoras ke asta akel dia eran las mijores vistas en ojos de todos, ? devenian sus mas implakavles enemigas (Muerta de mala muerte, Yerush. 1911)

i eramos en nuestros ojos komo langustinos, i ansi eramos en ojos de eyos (La eskalera, Const. 1888)

Kon lagrimas de sus ojos lavava la su kamiza, (Blanka Flor)

De una parte las estreyas i de la otra el ojo del sol, (Blanka Flor)

i eyos kerian ver kon sus propios ojos las maraviyas del tsirk. (Sipure Sefarad)

mirando lo ke avia kedado, el ojo se le fue a la pinturia - un kadro ke prezentava la figura de una noble dama (Sipure Sefarad)

El rey ke tiene ojos i orejas en kada lugar, puede ser ke no sepa el hal del puevlo? Sino, ke todos son una kolor, ampesando del rey asta el bekchi del kampo! (Sipure Sefarad)

Haim se amostro un buen balabay. El savia kitar el ojo de lo ke merkava, todo fresko i lo muhar del kunducho i la karne. (Sipure Sefarad)

Ya lo izieron berit mila, ya se le tomo keriadera i estan un ojo en el sielo i un ojo en el ijo. (Yihya al Akra, Manus. Yerushalayim 1920)

bene uvene, alevanto los ojos ... vido en la pared una tsura de mujer muy endjoyada kon vestido de oro i seda (manus. Papo, Sarajevo 1840)

hue el si[nyor] ala karsel i lo vido al mansevo mal aprezado, yorando sus ojos komo huentes (manus. Papo, Sarajevo 1840)

segula para ke non podeste aynará en el ninyo: es bueno muncho para meter serka de el ninyo en su lado derecho ojo de gayo viejo pretoi debasho de la kavesera ke le metan la charkula de dito gayo (manus. Papo, Sarajevo 1840)

segula para fayar grasia en ojos de su marido: ke tomen de la sudor ke debasho de los sovakos ke le mete entre los ombros de su marido (manus. Papo, Sarajevo 1840)

Segula para arrelumbrar los ojos i para melezinarlos: ke los lave la noche kuando se va a echar kon agua de finojo i en la manyana kon su urina (manus. Papo, Sarajevo 1840)

Segula para kitar la tela de el ojo: ke beva 3 manyanas leche de vaka (manus. Papo, Sarajevo 1840)

Segula para los ojos korelados mehamat de dolor: ke tome pan de semola i si no topa ke tome de resto de minim kantidad de un guevo i ke lo arremoje en las aguas yeladas i tiene de menester de arremojar luego kuando traen el agua de la huente, i despues ke ate el pan en 1 tovaja linpia i ke la meta en el peskueso toda la noche i todo el dia i ke aga en este molde 2 i 3 vezes (manus. Papo, Sarajevo 1840)

Segula para sanedad de el ojo: ke se guarde de fumo i de polvo i el aver ke sale de la kalor o de el frio i de mucho yorar i el mirar mucho en kozas blankas o menudas i de borraches i de es.huenyo muncho i de komidas agras komo dezir sevoyas ajos i hardal i de kozas saladas i el fumo de la pes aguza la vista i deveda la lagrima i kita la sarna de el ojo (manus. Papo, Sarajevo 1840)

Segula para shemuá tová: ke se lave la manyana en su oreja kon el dedo de kemitsá i ansi kon la otra mano istiedra i kon el dedo de amá ke se lave el ojo (manus. Papo, Sarajevo 1840)

Segula si tiene sevada en el ojo: al presipio toman una eskupina grande i toman una moshka i le kitan la kavesa i la untan en la eskupina despues ke se unte kon la moshka en el ojo de akeya eskupina (manus. Papo, Sarajevo 1840)

Segula tres piedras son mesugalot eyas: la segunda piedra se topa en la tripa de el pasharo kuadrines (?) i eya amostra a dos kolores i kolor korelada i preta i si la enshaguaras kon vino bueno i la entraras entre el ojo se le esklareseran los ojos i tornara a la manseves i aprovecha a el ke la yeva enriva para dolor de korason i para apreto i muchigua alegria i kita el frio (manus. Papo, Sarajevo 1840)

Segula: si kolgaras su ojo derecho de el gayo montes sovre la kama non podra dormir todo el ke se eche sovre eya (manus. Papo, Sarajevo 1840)

Sekana: ken ke mira en el arko muncho sus ojos se le eskuresen (manus. Papo, Sarajevo 1840)

para ojo ke abasha lagrimas: toma meoyo de arnevet de Lisitsa i kome 2 o 3 vezes i se milizinara (manus. Papo, Sarajevo 1840)

kien ke su mujer lo aborrese a el: ke tome el ojo derecho del bezerro i lo keme a el por seniza i ke meskle kon azeite i ke se unte la ama en ora del tashmish i aprovechara (manus. Papo, Sarajevo 1840)