número m.

מספר, ספרה; גליון (של כתב עת); "מספר" – קטע בהופעה

number

dar número

למספר

dar números de orden

למיין לפי סדר מסויים

el número 100

אפס-אפס, השירותים

número sien

'אפס אפס'', בית כסא, בית שימוש, שירותים

número uno

מספר אחת - הטוב ביותר

se l'embarro el número

מן האיכות הטובה ביותר, מחוץ לסולם ההערכה

son números al tefter

כל זה עבר זמנו ואין לו משמעות

No es siempre el numero ke aze la fuersa (Moscona)

La gritan, la aharvan, a kada paso i paso, su nombre es agora el numero al braso. ('Ha-Elion: En Kampos, 2000)

No ay numero de ni kuenta a su gran rikeza (Koplas de Purim, 1545)

akojed de el kada uno segun su komer, un omer por kavesa segun el numero de vuestras almas; tomaresh kada uno para los ke estan en su tienda. (Biblia, Const. 1873)

Establisio los terminos de los puevlos segun el numero de los ijos de Yisrael. (Biblia, Const. 1873)

Degoyaron un grande numero i destruyeron kuarenta keilot donde la prima fue akeya de Toledo. (Vaye de los yoros, 1935)

Kuando un astronomo deskuvre una de estas planetas, le da por nombre un numero. La yama, por enshemplo, ''el asteroide 3251''. (El Princhipiko, 2010)

Avia kedado deskorajado por la desfecha de mi pintura numero uno i de mi pintura numero dos. (El Princhipiko, 2010)

eyos devian entregarun sierto numero de personas para ke siervan a la armada (El rey i el shastre, Yerushalayim 1925)

un gran numero de mansevikos sivilizados i instruidos, asentados alderedor de algunas mezas djugan a la bachka (La Epoka, Sal. 1900)

komo lo anunsyimos en nuestro ultimo numero, el antisemita baron 'Hamerstein ke era en fuyida fue arrestado la semana pasada en Atenas sovre la demanda del mestro de Alemania (El Tiempo, 1896)

eyos salen siempre en numero konsideravle del espanto de ser atakados (El Tiempo, 1896)

la armada edjisiana se topa bien organizada i eya no tuvo tan grande numero de soldados (El Tiempo, Const. 1877)

la kestion djudia existe en todos los lugares ande biven djidios en numero markante (Herzl, El estado djidio, Sal. 1931)

Komo konsekuensa de esto, el numero de livros i jurnales publikados entre el ultimo tersio del siglo 19 i el primer tersio del siglo 20, es muncho mas grande de todo lo ke fue publikado asta entonses en ladino, i esto es echo kon letras ebreas. (Aki Yerushalayim, 2019)

kon una palavra, los números del tsirk eran imitados en los djugos i en las avlas en la male (Sipure Sefarad)

a la fin del torno se topó a aver merkado un buen numero de aksiones. (Kuentos, 1986)