ninguno pr. indef.

אף אחד; אדם חסר ערך

nobody; a worthless person

mas de ningunos no!

דברי ניחומים בשבעה: שלא תדעו עוד צער!

ninguno faze ke le piedre

שום פושע אינו נמלט בסופו של דבר מעונשו

ninguno se arremedia de su solombra

איש אינו נהנה מסיועו

ninguno vino

איש לא בא

no ay ninguno

אין איש; הוא יצור בלתי נחשב וזניח

ninguno da lo ke no tiene (Nehama)

ninguno save el mal de la oya sino le errema kuchara ke la manea (Nehama)

Ninguno se arrelumbra kon su kandela (Nehama)

Ninguno ke no aspera de otro

Ninguno es buen servidor sino ke por si mizmo

Arremediate kon lo tuyo i no tengash menester a ninguno

Arrastate kon tu kulo i non asperes de ninguno

Onra a kada uno i no maltrates a ninguno

Los males tuyos no kontes a ninguno, al enimigo lo alegraras

No tata kaldo kon ninguno

De dota i ashugar ninguno se enrikesio

Tiene padre padrasto, madre madrasta, i ninguno de korason

Ninguno veye su korkova

ninguno ainda se ve por la kae (Gaon, Poezias)

ma ninguno kree ke puede ser esto (Gaon, Poezias)

'kero demandar perdon, ke de los dos no es ninguno; (Toledo, Koplas de Yosef)

I ke sepan sierto, nos espantimos, i ninguno avlimos komo la uzansa, no ay esperansa. (Zimrat 'ha-Arets, 1745)

vido ke todo le kaminava / kuento azia ninguno no avlava / al ke keria akel lo atemava / lo atemo a el el Dio (manus. Teza, 1820)

ke sierto yo no so rauy de ariftar ni dotrinar a ninguno, (Meam Loez Bereshit)

lo ke no tienen ninguno de resto de las nasiones del mundo, (Meam Loez Bereshit)

ke kon esto se tuvo por seguro, siendo ke ninguno de eyos podia tomar la fruta del arvol. (Meam Loez Bereshit)

izieron partido ke ninguno se meskle en la parte del otro, (Meam Loez Bereshit)

estos son 3 kelipot abasharon a enbatakar la sivdad i ninguno puede ir ande esta djente (manus. Minhat Ani, Yerushalayim 1880)

en todo modo de koza ke va azer, lo van dotrinando ke no peke kon ninguno de sus mienbros (Meshivat Nefesh II, Const. 1754)

i la dicha ropa deve estar be-fikadon en mano de Levi vi-Yeuda ke ninguno les puede demandar nada fasta ke venga la ora buena de kazar la dicha muchacha (Mihtam le-David, Sal. 1772)

toda la azienda ke tengo ... la desho para Rahel ija de Sim'on por su servitud ke me asistio, para ke le sierva por su kazamiento davka sin ke ninguno le pueda demandar nada (Mihtam le-David, Sal. 1772)

No despresies a ninguna persona ni eches de menos la minima koza (Tefilat Imanuel, 1924)

e dixo: yo no quiero rrenegar de aquel que nos escriuio en su ley, e nos dixo: al Señor, Dios tuyo, terneras; e a el seruiras e non a otro ninguno. (Midrash aseret adibrot, manus. Sig 15)

i lo irieron asta ke no desharon a ninguno de eyos ke remanesiera ni eskapara (Biblia, Const. 1873)

i vine asta aki i me se puso el sol aki, i esto en la plasa, i no topo a ninguno ke me rekoja en su kaza (Sefer 'ha-yashar, manus. sig. 17)

i ek, no avia ayi ninguno, ni boz de ombre, sino los kavayos atados, i los aznos atados, i las tiendas komo estavan.(Biblia, Const. 1873)

I se levantaron al anocheser, para irse al real de los Arameos; i kuando vinieron al kavo del real de los Arameos, ek, no avia ayi ninguno. (Biblia, Const. 1873)

Ninguno no lo save ni lo entiende. (Banyos de sangre, 1912)

ninguno no puede dezir de antes ke seria el kavo de una gerra entre la Rusia i la Turkia (El Tiempo, Const. 1877)

Kon grande defekultad i sin ke ninguno lo vieran, el vendia el ultimo tapete ke tenia en kaza por la suma de 25 liras (La famoza kantadera, Tel Aviv 1950)

no avria ninguna verguensa de aver eskrito una utopia umanitaria (Herzl, El estado djidio, Sal. 1931)

Por exempio, una persona viene de ser topada matada, kien es el matador, ninguno lo save, sovre ninguno no tienen sospechos (Matador de kriaturas, Yerush. 1908)

i le disho al shamash: vate en la buena ora i bekleate, mira ke no lo kontes a ninguno (manus. Papo, Sarajevo 1840)

le disho al rey: senyor, mira a ver tu siyo ke metites en el kadenado si esta firmo, porke a mi pareser veo ke no ay ninguno adientro (manus. Papo, Sarajevo 1840)