movimiento m.

תנועה

movement

meter en movimiento

הפעיל, הניע

movimiento de la populasión

תנועת אוכלוסין

movimiento polítiko

תנועה פוליטית

las aze divinas en sus movimiento (Gaon, Poezias)

i entre las venas es su movimiento - (Gaon, Poezias)

No izo delante del ningun movimiento (Koplas de Purim, 1545)

La apostazia del ijo del primer promotor del Movimiento nasionalista djudio de nuestras dias, kavzo una doble pena (El Tiempo, 1924)

A la grande kuriozidad de todos, al grande despecho del pasha turko, sin del todo azer ningun movimiento en la mar, la nave kayo de lado en entrando en el agua i Leonidas kontinuo de estar djugando i nadando a su derredor komo si nada se pasara. (Leonidas el nadador, 1911)

La figura, los ojos aviertos, todo era sangrudo i bivo; ma ningun movimiento, ningun djesto ke indikara ke la vida era adientro de akel kuerpo. (El muerto ke esta bivo, 1912)

Al kontrario, el movimiento fue es i sera siempre pasivo i su plan es de alkansar al eskopo kon intelijensia i buen akordo del governo otomano, i si es de menester i kon el akordo de algunas otras nasiones (La Amerika 1910)

De algunos jornales djudios de Turkia se remarka kuanto el movimiento sionisto les parese ser danyozo lo kualo es londje de la realidad (La Amerika 1910)

Este grande movimiento ke izo el progreso en nuestra nasion kriando el sentimiento nasional djudeo en el mundo entero rebiviendo nuestra antigua lengua ebrea ets. (La Amerika 1910)

Estos adversarios del movimiento sionisto en lugar de deskreditar este ideal enfrente las otoridades otomanas (La Amerika 1910)

la fizionomia de este ombre se alegrava en vezes se amofinava i si alguno de los djuzgadores tuviere echo atansion a los movimientos de este ombre muy siertamente tuviere tenido sospechos sovre el (El prove doktor, Const. 1904)

El chiko movimiento ke el vinia de azer produzio una trankinada de las tavlas (Mujer kriminala, Tel Aviv 1954)

El primer movimiento de Nantes fue de kerer echar a la entremetedera dela puerta afuera. (Nantes, Tel Aviv 1952)

el kedo serka del kadavre, apretandolo para empedirlo de no kayer sovre los kavesales kon los movimientos del tren (La linda Anjela, Tel Aviv 1953)

rikisimos italianos, en un movimiento patriotiko, tendrian asigurado a sus governo un kapital konsideravle por giar a buena fin esta nueva kampanya afrikana (El Tiempo, Const. 1896)

digo agora ke esta fuersa bien empleada es bastante potente para meter en movimiento una grande makina (Herzl, El estado djidio, Sal. 1931)

es verdad ke se tiene menester lavoradores tambien por meter las makinas en movimiento (Herzl, El estado djidio, Sal. 1931)

El mas chiko movimiento o djesto ke se aze sin kererse sovre la figura de alguno, todo es remarkado por eyos, todo es tomado de nota en sus meoyos (Matador de kriaturas, Yerush. 1908)

deskuvri en sus ojos, en su figura i en todos sus movimientos un aire tan fino i tan noble (Manon Lescaut, Yeru. 1906)

estos tonos se modifikan despues en sones artikolados por la interpozision i los movimientos de la garganta los dientes las narizes i los lavios, ma espesialmente de la lengua (La eskalera, Const. 1888)