momento m.

רגע; זמן, הזדמנות

moment; time, opportunity

al momento

מיד, במקום

al momento mizmo

כרגע

en kada momento

בכל רגע

en un momento

כהרף עין

momento oportuno

שעת כושר

por el momento

בינתיים

un momento!

רק רגע!

En un momento de ravia (Moscona)

La alegria en el momento de rekoltar vale muncho mas ke en el momento de senbrar

Aprovecharon los ratones el momento ke el gato de kaza estuvo absento

Ma despues ke meresites ser dichozo un momento (Gaon, Poezias)

Los visios mundiales son por un momento (Gaon, Poezias)

en dito momento balde la setensia. (Gaon, Poezias)

O, akel momento no lo vo ulvidar en mi vida! (Papo, Navot)

Perdoname Ah'av, si te djuzgi mal un momento. (Papo, Navot)

para degoyarlo kon orden del Kreador ke era en akel momento su spektador (Im afes, Papo 1894)

en los momentos los mas eskuros, en la ora ke Israel pedria su independensia por irse en un largo exilo el parvino a salvar su livro (manus. Vitali Varon, Const. 1948)

Ni le demandes ake page en el momento ke prometio (Tefilat Imanuel, 1924)

volvamos un momento nuestras mi­radas sovre el pasado. (El Tiempo, 1924)

En este momento los dos kavayos se kedaron bruskamente apuntando las orejas en alto; (Banyos de sangre, 1912)

Bova, no se deve tener tanto konfiensa siega en los ombres, de onde saves ke en este momento el no pasa la ora kon otra mujer i a la noche va tornar komo un ''poyiko'' kon la facha inosente? (Luz de Israel, 1985)

Una rebuelta estuvo kaje en el momento de akonteser. (El muerto ke esta bivo, 1912)

Ansi es ke se le apego del primer momento el nombre de Hodja (ke fue transformado, mas tadre, en Djoha). (Otniel Hodja, 2002)

akea kreensia suya rezia la azian en momentos de desgrasia baragana. (La mujer sefardí de Bosna, 1931)

Unos de estos maldizen el momento ke pizaron la Amerika i munchos dizen ke en la Turkia no tienen mijor (La Amerika 1910)

Al momento onde Gul Bahar, media dezmayada se debatia entre las manos de uno de los ajentes de Galip ke devia konduizarla a la karrosa serrada, eya sintio subitamente una boz fuerte gritar en grego: Bandidos ke estash aziendo? (Gul Bahar, Tel Aviv 1953)

En estos momentos un joven riko se prezenta i demanda la mano de Nermin (es el nombre de la muchacha) en dandole miles de liras para reglar la situasion de su padre. (La Boz de Turkiye, Istanbul 1948)

ma, en el momento el serro los ojos i los punyos, siendo el no sintiya en el ke enimistad por la djente de este otel donde las ventanas entornadas no lo deshavan ver kualunke de lukso. (Nantes, Tel Aviv 1952)

Oh I yo me venderia, yo me venderia, si me davan en este momento vente soldos. (Nantes, Tel Aviv 1952)

Desharemos por el momento a sin. David viajar kon su mujer i sus kriaturas i, retornaremos si vos plaze a la kaza de Katina por ver loke se va pasar kon el rizin nasido. (La famoza kantadera, Tel Aviv 1950)

me aserki de la ke de un momento al otro venia de azerse patrona de mi korason i la saludi kon grande kortezia (terbiyelik) (Manon Lescaut, Yeru. 1906)

Izedin el kual asta akel momento estava en pies se asento bruskamente sovre una poltrona (La Ermoza Alis, Tel Aviv 1954)

En akel momento, al rey le paso por el tino el viejo del pazar i su konsejo. (Sipure Sefarad)

Al momento el chorbadji les izo de senyas a sus amigos, se metio el dedo entre los mushos komo por dizir ''kayadez, agora veresh!'' (Sipure Sefarad)

En este momento entro un kazalino i demando si tienen makaras pretas ''sindjir marka'' de 500 yardas. (Sipure Sefarad)

en momentos kom'a estos a Mordu se le apretava el korason pensando komo azer para enreziar un poko esta kazika kedada del tiempo del turko, i en realidad tres tantos mas vieja de el mizmo... (Sipure Sefarad)

en este momento Mamo ke estava serka de la pianola, batiendo sovre la klaviatura, komo ke esta akompanyando una kantika (Sipure Sefarad)

Yomtov se salto en seko. Al momento le paso por el tino ke el echo esta perso. (Sipure Sefarad)