mirada f.

מבט

look, gaze

echar una mirada

לשלוח מבט; להשגיח

mirada de ravia/miradas de amor

מבט זועם/מבטי אהבה

Ya me va komer de las miradas (Moscona)

Echa una Mirada a la sena (Moscona)

Ashkolsum, buena mirada la mirates (Moscona)

Mirada i velada komo la reina

El lovo puede trokar su mirada ma non puede trokar su manya

Todo esto delantre de mi es nada, enteramente nada eskuentra de una mirada de Lefteri... (Rinio, 1906)

Tiempo enuvlado / haver malavlado / mirada de lado / angustia del Dio (La Epoka, Sal. 1900)

De mas nos mandas la blanka nieve ke vagarozamente / kae de los sielos kantando silensiozamente / komo la mirada de una madre serka la kuna / kuando durme su kriatura kontandole de luna (La Amerika, 1917)

volvamos un momento nuestras mi­radas sovre el pasado. (El Tiempo, 1924)

En mizmo tiempo el echo sovre el chiko Andre una mirada salvaje. (Banyos de sangre, 1912)

Eran dos ermanos i solo ke una mirada sovre eyos bastava para azerlo entender. (Banyos de sangre, 1912)

Me miro a mi kon una mirada de loor i de grasia, komo si fuera ke keria por dezir a mi la loor de su korason (Asolado en la izla, 1881)

En kurto tiempo, devinimos bien konosidos i agora kada dia salia yo kon la kanata de agua yelada i en loke el bevia, nuestras miradas se enkontravan. (Luz de Israel, 1985)

Suivi las miradas de Lusi ke mirava por la ventana i vide el joveno injenier ke velava sovre el fraguamiento de una morada alado de la nuestra. (Luz de Israel, 1985)

Las manos para atras, la mirada perdida ken save onde, el kaminava i esperava ke le disheran: Leonidas, va kita esta piesa de moneda. (Leonidas el nadador, 1911)

Despues via en el un imenso regreto kuando sus miradas kaian sovre sus brasos kedos (Nantes, Tel Aviv 1952)

en enkontrando esta mirada de muriente madam de Mino afektava de detornar la kavesa (La sinyatura del kontrato, Yerushalayim 1907)

Kon sus ojos a mirada de fuego, Mariana era endiferente vizavi de todos i de todo lo ke la entornava (Mujer kriminala, Tel Aviv 1954)

despues de estas palavras eya lo tuvo un punto des.hachado basho el pezgo de su mirada yena de menos presio (La dezgrasiada Luiza, Tel Aviv 1953)

Gul Bahar le rondjo una mirada de rekonosensia (Gul Bahar, Tel Aviv 1953)

echando sus miradas dela otra parte de Ia guerta, se prezentava ala vista una ermoza kaleja de Paris vian el rio ''La Sen'' los palasios, las galerias del ''Luvre'' ansi ke las dos filas (siras) de los bodres de Ia Sen kon una mar de tejados (techos) asta las leshuras pedridas del misteriozo ''Per Laches''(Nantes, Tel Aviv 1952)

el se apersivio ke es por la prima vez ke la via, kuando el le prezento su unika sia en examinandola bien kon sus miradas, (Nantes, Tel Aviv 1952)

sus miradas kaiyan sovre sus brasos kedos, por tanto ninguna okupasion non le azia espanto. (Nantes, Tel Aviv 1952)

torni mis miradas verso el joven ke me fue indikado (Manon Lescaut, Yeru. 1906)

Su grasia i su mirada eran mi konsolasion; (Kalendario de kantigas)

lo miro el si[nyor] kon su mirada, le kito las kadenas de enriva (manus. Papo, Sarajevo 1840)