mersed f.

חסד

benevolence, charity

azer mersedes

לגמול חסדים

su mersed

כבודו, הוד מעלתו, הוד חסדו - פניה מנומסת בגוף שלישי

Esta a la mersed del Patron del mundo (Moscona)

Yo keria ser rubisa asentada en la kishe, ke me bezen I la mano, ke me yamen de mersed (Moscona)

ayi sus mersedes siempre son topadas (Gaon, Poezias)

Los diozes no keren mersed dela djente (Gaon, Poezias)

i en el se enshasha tu reino, i se konpone kon mersed tu siya, (Untane Tokef)

Pido de mersed me sea otorgado (Koplas de Purim, 1545)

Vistio grasia i mersed en el terser dia muerta de anbre i sed de ver tal manzia (Purim, De-Fes, sig. 18)

Esta maravia el se rekordo muncha mersed le guardo penso de onrarlo i solevantarlo (Purim, De-Fes, sig. 18)

a ti es la mersed la mayorgan sovre tus kriados (Keter Malhut, Mahzor Saloniki 1876)

mal korason kon mal pensamiento / ke ya mos izo segundos terseros / les komio moneda de los mersedes / doblado se las mandara el Dio (manus. Teza, 1820)

A' livros de bivos i muertos delantre de ti estan aviertos / en mersedes de muestros padres los primeros mozotros enfiuziados / se konponga muestras tefilot komo guezmo resivivle (A' oyi i me estremesi, Mahzor Rosh a-Shana, Sal. 1876)

Siendo ke tu marido me izo kavod i me kontento de su meza, le are esta mersed (Meam Loez Bereshit)

El sh.yit. ke es grande de mersed abolta por la mersed, kere dizir abolta el kontrapezo por vanda de el zehut. (Menorat 'Hamaor, 1762)

Un dia vinieron por prevarlo; le diseron: ''Su mersed es el navi ke es tsofe atidot, i save dezir lo ke izo el ombre desde ke nasio?'' (Shivhe 'ha-Ari, 1911)

Atorgan yo delantre de ti A' mi Dio i Dio de mis padres sovre toda la mersed ke izites kon mi (Tefilat kol Pe,1891)

salvo lo ke kiere el Sh.Yit. es ke agash djustisia i azed mersedes kon la komunidad i ke andesh onesto kon el (Hovot 'ha-Levavot, Const. 1569)

todo el ke lee tan solamente es tanto komo ke no tuviese Dio, sino es menester djunto kon el leer afirmar las mitsvot i azer mersed i plazer a la djente (Hovot 'ha-Levavot, Const. 1569)

Todo lo ke su mersed kere aremos, ke H' tu Dio esta kon todos mozotros. I mozotros, tus esklavos, estamos prontos a azer tu veluntad de tu alma''. (Yosef de la Reina, manus. Chorlu 1893)

mashal a un rey grande i potente, yeno de mersed i piadades ke toda su kovdisia es ke kere azer bien kon siervos (Pele Yoets I, Viena 1870)

vino la almana de Baruh ... disho: savran sus mersedes ke yo entri onde una turka kon el bogo para vender algo (Responsa Pele Yoets, Yerush. 1993)

pido vos de mersed ke el esmerso de lo ke montare 100 kintales de plomo ke me lo desmerses aparte i ke los mandes kon los primero ke vinieren (Responsa Mabi''t, Venezia 1629)

por kuanto de k''r Elia e mandado kintales de plomo kon los nuestros por lo kual le pido de mersed a mi senyor primo k''r Yosef ... ke se los entrege de la kantidad ke el yeva ke e mandado yo (Responsa Mabi''t, Venezia 1629)

Komo yo izi mersed kon vozotros tambien vozotros aresh mersed kon la kaza de mi padre (Biblia, Const. 1873)

Ten piadad de mi O Dio segun tu mersed, (Biblia, Const. 1873)

Aze maraviozas tus mersedes, (Biblia, Const. 1873)

Gualardonan su alma, varon de merced, y conturban su carne, cruel. (Biblia de Ferrara, 1553)

I estas eyas: onrar padre i madre i gualardonamiento de mersedes (Mishna: Tefilat kol Pe 1874)

El es torre de salvasiones a su rey, i El aze mersedes a su untado, a David i a su semen para siemptre (Biblia, Const. 1873)

i dio el Dio al viejo por mersed i por piadades en ojos del vizir, i lo kito kon onra kon todos sus livros, i anduvieron de sivdad en sivdad asta su ayegar a la sivdad de Sevilla (Sefer 'ha-yashar, manus. sig. 17)

Melamed: Adraba, es yo ke kero saver hidushim de su mersed. (El Djugeton, Const. 1908)

Esta mersed el mi suvrino non vo la puedo achetar, (Blanka Flor)

Una mersed vos rogo '1 tio la kuala me devesh de achetar, (Blanka Flor)

A ke mire el Sh. Yit. en su afriision i su amargura, i le de grasia i mersed delantre su novio kovdisiado (Sipure Noraot,1885)

Grande el Dio i alavado muncho, ke non desho su mersed kon mozotros i esto sera por aolgantar muestra alma i muestra trazeria. (Sipure Noraot,1885)

'Este mansevo te kere por novia, ke dizes?'' Le disho la novia: Si su mersed tiene gusto yo esto poronta por azer su palavra.'' (Yihya al Akra, Manus. Yerushalayim 1920)

guay de el i guay de su alma ke ansi le rogo a su mersed ke me mire algun remedio para fuirme de esta tierra i irme a Yerushalayim i komer pan i tierra i agua kon seniza (manus. Papo, Sarajevo 1840)

le disho el shaliah: Si[nyor] karta tengo para su mersed de muestro si[nyor] rav (manus. Papo, Sarajevo 1840)

un dia vino uno i le disho se sepa ke me nasio un ijo i oy tengo berit mila, venga agalo su mersed pishin (El moel eskarso, Manus. Yerushalayim 1920)