memoria f.

זכרון, זכר

memory

de memoria

בעל פה, מתוך הזכרון

en memoria de

לזכר

me se pasó de la memoria

נשמט מזכרוני

memoria de gato

זכרון קצר

memorias

זכרונות

pedrer la memoria

איבד את הזכרון

persona de bendicha memoria

אדם זכור לטוב

persona de maldicha memoria

אדם זכור לרע

refreskar la memoria

לרענן את הזכרון

tener buena memoria/negra memoria

להיות בעל זכרון מעולה/גרוע

Me se fuyo de la memoria (Moscona)

el emprestador tiene mejor memoria ke el devdor

Las memorias brutas ke el sezo rekoje (Gaon, Poezias)

de algunos mizmo no ay ni memoria (Gaon, Poezias)

Ke Esterina va tener reusita i memorasion. (La segunda Ester, 1911)

de la virtud el ombre pedrio la memoria / de la santedad non kedo ke la estoria / la fey la karedad son una vana koza / el ser profano falso i rapoza (Rekolyo de Poezias Diversas, Tel Aviv 1931)

Membra akel ke santifiko tu Gloria i ke desho un eshemplo por memoria! (Im afes, Papo 1894)

el ke es de punta, Tevaria ansi konta, teneldo en memoria para azer istoria. (Zimrat 'ha-Arets, 1745)

Enkomendo esta regla, en memoria bien tenerla, kon partido de azerla, ke ansí es el dever. (Mandjares de Purim, sig. 18)

Por no olvidarmos esta nimistad meldamos kon amistad de la vieja istoria, tenerlo en memoria. (Koplas de Purim, Saadi 'Halevi. sig 19)

Dia de fiesta ya es de grande memoria / toda sorte de nasion eskrivio la estoria / esta grande gloria ke venimos renkontrar / fue koza de enkantar / los djurnales lo eskrivieron / munchos no se kreeron (La Amerika, 1911)

Luego se eskrivio en el livro de la memoria, komo uzan los reyes ke lo yaman istoria: ke por mano de Mordekay vino vitoria, i no se le pago su meresimiento, no. (sova semahot, Livorno 1782)

El fue engrasiado de una memoria rara i de una grande kapachidad ke grasias a estos donos pudo posedar muncha sensia. (El Gid,1967)

Memoria de justo para bendicion, y nombre de malos se carcomera. (Biblia de Ferrara, 1553)

me sirvio a dar los ranseniamientos por los kualos mi memoria no me avria bastado. (La dam o kamelia)

La primera fue oferta, komo uzo de kada anyo, por la famiya Karako en memoria del defondo Haim Karako. (La boz de oriente, 1931)

El ke ayudo mas muncho era Herman Goldenberg, un djudio de Austria i lo realizo a la memoria del rey Franz Joseph I, (Shalom, 2007)

el deskansado de su senyor padre de bendicha memoria a devido azer uzo de este verbo [...] (La Boz de Turkiye, 1947)

Yo vo pensar siempre en ti i no te vo deshar de mi memoria, es una ora mala ke kero pasar i ke kero ke me ayudes. (La famoza kantadera, Tel Aviv 1950)

La fiesta de oy no se embarara nunka de la memoria siendo eya me valio a konoser una ninya komo vos (La Ermoza Alis, Tel Aviv 1954)

mas ninguna memoria de persona tiene visto una tan grande abondansa (azlaha) de nieve (El Tiempo. Const. 1874)