mazal (ebr.) m.

מזל, גורל; מזל ברקיע

luck, fate; star

al mazal (ebr.) i ala ventura!

יהיה אשר יהיה!

Come what may!

be mazal tov!

במזל טוב! (ברכה להולדת בת)

Mazel Tov! (Blessing for the birth of a daughter)

bushkar/topar a su mazal (ebr.)

לחפש/למצוא את בן זוגו

To search for / find one's life partner

echarse al mazal (ebr.)

להוועץ בהורוסקופ/בפותח גורלות

To consult a horoscope / fortune teller

el Dio ke le apareje un buen mazal

שאלוהים יזמן לו את זיווגו!

May God provide him with his match!

ke negro tuvimos el mazal!

הגורל היכה בנו!

Fate has struck us!

le kayó el mazal (ebr.)

התמזל מזלו

He got lucky

lo ke es su mazal (ebr.)

לפי גורלו

According to one's fate

lo ke tiene de mazal/el karal de mazal ke tyene

מה שיאמר מזלו

Whatever his fortune dictates

maldezir a su mazal (ebr.)

לקלל את מזלו

To curse one's luck

mazal (ebr.) alto/lindo

מזל גבוה

High fortune / great luck

mazal (ebr.) basho

מזל ירוד; כינוי לאדם שפל

Low luck; epithet for a despicable person

mazal (ebr.) de perro

מזל של כלב - זוכה לדברים שאינם מגיעים לו

Dog's luck - wins things he does not deserve

mazal (ebr.) klaro!

מזל טוב! (אירוני:) ''מזל בהיר'' במובן של ביש גדא

Good luck! (Ironric:) "Bright luck" in the sense of bad luck

mazal (ebr.) pezgado i embatakado

מזל כבד ושחור

Heavy and black luck

mazal (ebr.) preto

מזל ביש, מזל רע

Bad luck, misfortune

mazal (ebr.) tapado/chimineado

מזל ביש, מזל רע

Bad luck, misfortune

mazal tengas i lo gozes!

שתדע רק אושר!

May you know only happiness!

me pedrió/me fuyó el mazal

אתרע מזלי

My luck turned bad

nasido kon mazal

נולד למזל טוב

Born to good luck

nasido sin mazal

ביש גדא

Unlucky person

negro mazal (ebr.)

נבזה

Despicable

no fue mazal/no le salió el mazal/ no le disho el mazal

לא התמזל מזלו

He had no luck

no tener mazal de ...

לא זכה ל ...

Did not merit to...

para mazal (ebr.) bueno (i klaro/i kumplido!)

במזל טוב!

In good luck!

se le aboltó el mazal (ebr.)

התהפך מזלו

His luck turned upside down

se le avrió el mazal!/se le despertó el mazal!

התמזל מזלו!

He got lucky!

su mazal se lo kijo

מה לעשות כך רצה מזלו

What to do, so his fortune willed

tener su mazal guadrado

עדיין לא נגלה מזלה (לא נמצא לה החתן)

Her fortune has not yet been revealed (the groom has not been found for her)

tiene mazal

הוא בעל מזל - הכל עולה יפה בידיו

He is lucky - everything turns out well for him

tuvo buen mazal

מצא זיווג מוצלח

Found a successful match

no tuvo mazal de tener un fijo para ke lo mire a la vejés (Nehama)

unos nasen kon mazal i ventura, otros kon potra i krevadura (Nehama)

el mazal no se merka kon paras (Nehama)

el mazal de la fea la ermoza lo dezea (Nehama)

Nasio kon mazal (Moscona)

Negro mazal ke lo tuvo (Moscona)

Mazal enmedio el sielo (Moscona)

Ande esta akel mazal klaro (Moscona)

La djente de eriho se ivan detras de sinyales de las estreyas I mazalot (Moscona)

Kada koza kon su mazal, asta el sefer tora de la alaha

Kuando mazal no ay, ventura ke buska?

Mazal basho el ke tenga ke rovar para komer

Kuando non ay mazal, ya si vei del dia de naser

Se durma el mazal

Kuando non tienis mazal - ya ti puedes enfurkar i nada non ti va ayudar

Del mazal no se puede fuir

Para el mazal non ay ni kavo ni karar

Mazal no se merka kon paras

Mazal de perro

Mazal tapado

Az bien i aleshate de mal si keresh bivir kon buen mazal

Kuando mas resta la pera en el peral, mas espera su buen mazal

Ken s'alvanta de manyana, se l'espierta el mazal

Donde viene el mal, non ay muncho mazal

Dos kavesas en un kavesal sin kidushim non va ver mazal

Non kontes muncho sovre este mundo mortal, nunka vas a saver kuando viene tu mazal

Troka el kazal, troka el mazal

El dormiendo, su mazal despierto

El primer mazal no se fuya

Para la ija premi un mazal - para el ijo dos

Ken nase kon mazal i ventura, i ken kon podra i kevradura

Ken kun mazal i ventura - ken kun potra uno ensima de otro

Si el mazal kale yir a bushkar, sapatos de fierro tienes de akargar

Ten mazal bueno i echate a durmir

Tengo el mazal de spuzar i kazar

El mazal de la feya, la ermoza lo dezeya

Ken buen mazal tiene nunka lo piedre

Kon grande shakeka ayi se asento; el mazal se le bolto, en lugar de fuersa yazio en la fuesa. (Zimrat 'ha-Arets, 1745)

Mi mazal hue eskura, el shem santo me alumbra, kon dolor hue mi petira. (Donme, sig 18)

Negro le fue su mazal de este bandido: komo perro de kazal era atrivido; (Koplas de Purim, Saadi 'Halevi. sig 19)

ke si su mazal es de vanda alta, tiene repozo i gusto. (Meam Loez Bereshit)

I kuando ya tuvo el mazal de kitarlo a la luz, entonses dizen komo estos: Por ke ke gane el haham tanto? (Lel Shimurim, 1819)

en su negro mazal salio [su vino] guezmo de tufo aumado koza ke no se puede bever (ve-'Hohiah Avraam, Izmir 1877)

kuando fui pregunti alos turkos por la ropa, me disheron: ande kedo ropa? tuvistes mazal ke te salistes, sino, te aogavas komo se aogo tu haver (Rosh Mashbir I, Sal. 1821)

Por tanto el non se deskorajava, solamente una fuerte ravia le suvia a la kavesa, siendo todo en sintiendose tanto kapache, el destino (mazal) le paresia indjusto. (Nantes, Tel Aviv 1952)

-Va ir a Ortag?, lo va meter a la puerta del kaal su mazal ke le valga. (La famoza kantadera, Tel Aviv 1950)

Estamos asperando ke le salga el mazal. (Sipure Sefarad)

Siendo ya te dishimos kuantas vezes ke eya non pertenese para ti i el Sh. Yit. aparejara a ti mejor mazal. (Sipure Noraot,1885)

bivía en soledad una vida muy prove, porké éste es el mazal del mintirozo. (Kuentos, 1986)

Kon el tiempo i a las ijas les salió el mazal ansina ke los viejos kedaron solos. (Sipure Sefarad)

Le disho el rey: ''El remedio es ke en tala sivdad ay uno ke se yama Yihya el Akra, i tiene siete ijas. Si saves tomar a la chika de eyas te se abolta el mazal.'' (Yihya al Akra, Manus. Yerushalayim 1920)

Le disho el rey: ''Sepas mi ijo ke esto es los mazalot de la djente. ken nase en mazal de rikeza, ken nase en mazal de peroveza.'' (Yihya al Akra, Manus. Yerushalayim 1920)

Tanto le arrogo le disho: ''El mazal de el eya es piedra, si la piedra ay perovecho de eya, i tu mazal tiene perovecho!'' (Yihya al Akra, Manus. Yerushalayim 1920)

i lo tenian por hen esto kada anyo kon goral a ken le kaiya el mazal i no pudieron de baldar esta gezera kon moneda de ninguna manera (manus. Papo, Sarajevo 1840)