matansa f.

טבח, הרג, רצח, הריגה

massacre, killing, murder

se aparejaron para la matansa. (Gaon, Poezias)

Yorad i enguayad oy tishabeav ermanos / ma rogad ke presto se den todos las manos / por ke no ayga matansas i amargasion / i eskape el tishabeav de kada nasion (La Amerika. 1913)

Bushkaron de matar a fransez el influente / serbos lo izieron asasinar por mano de basha djente / esta matansa sangriente / izo la gerra aktual / la kuala trusho muncho mal / i inda se espera / ke munchos se yiran a la tierra (La Amerika, 1915)

Grande fue la dolor ke sintieron en Nemsia / por la matansa del eredador i de su famiya / de la chika Serbia / demandaron espiegasion / no dando satisfaksion / gerra fue deklarada / i la kapitala serba bombardada (La Amerika, 1915)

su eskudo es kolerado i a kolor de la sangre i en el mundo desperta gerras i matansas i munchas piedritas (Keter Malhut, Mahzor Saloniki 1876)

i se muchiguavan los pleitos i las matansas en el mundo (Meam Loez, Devarim II, Const. 1773)

era pertenesiente a eyos por enfortesersen por odrenar gerra por pelear kon Israel por vengarsen de eyos por la matansa grande ke izieron en la djente de Yeriho (Meam Loez Yeoshua II, Izmir 1870)

en akeos tiempos los kozakes se solevantaron kontra los djudios i izieron muchas matansas (El gid, Istanbul 1967)

en dia de matansa grande en kayer torres (Biblia, Const. 1743)

Los ojos de todo el mundo estos dias son boltados verso Roma de ande se espera ke la paz inspirada por el kapo del kristianizmo, el papa de Roma Benedict kenzeno, ara su efekto i tokara los korasones de todos los kapos gerreadores de sangre kristiana por meter fin a las terrivles matansas, espojamiento i destruision (La Amerika, 1917)

ay una koza ke me ara detener esta matansa, si mizmo yo me rovo todos los papeles de la kasha (El prove doktor, Const. 1904)

esto es muy difisil, tantos miliones de frankos ke me faltan no vendran a su lugar ke kon el djugo, en aziendo esta matansa yo tendre moneda para djugar (El prove doktor, Const. 1904)