maravía/maraviya f.

פלא, נפלאות

wonder, wonders

azer maravías

לחולל נפלאות

es maravía

לפלא הדבר, מפליא ש-

es una maraviya!

זה דבר נפלא! יפה!

ke maraviya!

איזה יופי!

maravía del Dio!

נפלאים מעשי ה'!

maravía para ti!

ממך לא היינו מצפים!

maravía!

הפלא ופלא!, לא יאמן!

me aze maravía ke

לפלא בעיני כי

me viene/me keda de maraviya

הדבר נפלא מבינתי!

no es maraviya

אין זה פלא

tener la kaza a las mil maraviyas

לטפל בבית בצורה מופתית

vestirse a las mil maraviyas

להתלבש בצורה הדורה ויפה

dias para ver maraviyas (Nehama)

Me aze maraviya ke no vinites (Moscona)

Ven por maraviya (Moscona)

Daki ojos para ver maraviyas (Moscona)

Kada dia kon su maravia

Bivir dias para ver maraviyas

Geinam en vida ke en muerte non es maraviya

Kada dia kon su maravia

Kien no a visto a Seviya nunka a visto maraviya

Maravia ke el re tiene korona

Algun dia va ver la maravia

seran deklaradas ditas maraviyas (Gaon, Poezias)

Ya pasaron los tienpos ke azia Dio maraviyas (La segunda Ester, 1911)

Es una maraviya el prekante dela tia: la endevina ordeno de meter al sereno limon i agua de mar (8 dias antes de Pesah, 1909)

No era esto prova, el Pelishti pensava, ke una maraviya akontesiendo stava? ('Ha-Elion: Shimshon, 2003)

Buenas por maraviya, todas de una manya.'' (Poema de Yosef)

kon la pendola en la mano, kolores a la maravia. (Toledo, Koplas de Yosef)

por la maravia ke eyos vieron kon la vida salieron en Kislev seria en el kuarter dia. (Zimrat 'ha-Arets, 1745)

Maraviyas susedio mas ke las de Ayifto siendo ayi no kontesio sino un gran sodjifto (Zimrat 'ha-Arets, 1745)

i es komida galana, se aze a la maraviya. (Gizados de berendjena, siglo 18)

i metidas en el forno komeras a la maraviya. (Gizados de berendjena, siglo 18)

Kon un rey djigante el Ahashverosh kantare kon grande boz i kon alegria esta maravia (Purim, De-Fes, sig. 18)

Esta maravia el se rekordo muncha mersed le guardo penso de onrarlo i solevantarlo (Purim, De-Fes, sig. 18)

Zemirot es de kantar a el Dio el alto, sus maraviyas mentar, el Bendicho i Santo; (Zimrat 'ha-Arets, 1745)

Komo vos digo, lo ares i a El muncho loares, sus maraviyas kontares porke son kozsas de ver. (Mandjares de Purim, sig. 18)

kuando suviras a tu ija de la karsel / i de kaza de karsel su yugo krevantaras / i aras maraviyar maraviya en tu salir komo barragan / por atemar i atemar sus atemantes (Ermana pekenya, Mahzor Rosh a-Shana, Sal. 1876)

Bevian vino viejo a maraviya, Susan i Babel, Egipto i Aleksandria, konbido diziocho mil de la juderia, ke no falto de eyos ninguno, no. (sova semahot, Livorno 1782)

kamino de milagros i maravias pasastes, (Leket 'ha Zo'har, 1855)

Mi senyor, mis lavios i mi boka se avrieron por denusiar tu loor i tus maravias. (Lel Shimurim, 1819)

ke fue grande maraviya ke uvo en dita ferkata 16 goyim i 3 djidios no paresio otros ke los 3 djidios i 2 goyim, ke fue grande milagro (Responsa, Hayim Shabetay, Sal. 1851)

Santifikadvos porke manyana H' ara entre vozotros maraviyas (Biblia, Const. 1873)

i vido el vizir a la maravia la grande , i maraviose la maravia la grande (Sefer 'ha-yashar, manus. sig. 17)

a boz de tus maraviyas i tus barraganias ke izites a puevlo kaza de Israel se estremesieron todos los puevlos (Shir a-Shirim Targum II, Mahzor Sal. 1876)

La kavesa, una maraviya, era el objeto de una koketeria partikolara. (La dam o kamelia)

Al kontrario, kuando akeos segundos de kuriozidad empesaron a pasar, a la grande maravia de todos los asistientes, eyos vieron la nave empesar a irse de lado, apezgarse, empesar a undirse en el agua. (Leonidas el nadador, 1911)

este konporto de el djornal turko Asir kuantunke me inche de profonda indinyasion, no me maravia grandemente (La Epoka, Sal. 1900)

la puerta sekreta se serro komo por maravia (Muerta de mala muerte, Yerush. 1911)

El vizino riko fue, izo un top de oro maraviya, i se lo trusho a la mujer. (Djoha ke dize)

Maase de una mujer ke fue kastigada kon un kastigerio salido de la natura, koza de maravia. (Sipure Noraot,1885)

La viejezika se aserko de la prosesion i por su grande maraviya vido, ke el kondanado era un luzio mansevo i ke en su kara no avia ni solombra de espanto por la suerte ke lo asperava. (Sipure Sefarad)

i eyos kerian ver kon sus propios ojos las maraviyas del tsirk. (Sipure Sefarad)

La vieja kede enkantada: Adio, Liza! Ven ke veas ke kilipur de arina me merko tu Haim! Este boy de mujer ya me ize, ainda esto por ver esta maraviya! (Sipure Sefarad)

ala manyana se desperto el rav i tanto hue su alegria ke korto el taanit el i la djente de su kaza i izo a toda la sivdad ke koman i bevan a gusto i el Sh.Yit. el mostrara sus maraviyas i les dio buena avtaha (manus. Papo, Sarajevo 1840)

maase akontesio en Roma para dar a saver las maraviyas del Sh.Yit., onde es ke avia una uzansa negra en los yevanim ke ba-avonot kada anyo matavan un djidio el dia de la paskalya de los arelim por vengansa del Yeshu (manus. Papo, Sarajevo 1840)

le disho baal a-bayit ... : una maraviya vidi ke te entri en mis trezoros i no te endenyates (El moel eskarso, Manus. Yerushalayim 1920)