manyana f.

בוקר, שחרית

morning

de (la) manyana

הבוקר; מוקדם

ir de la manyana

ללכת למקום כלשהו ולהשאר בו כל היום כולו

manyana de manyana

מחר עם בוקר

manyana kon bueno

מחר אם ירצה השם

vijitar de la manyana

לבקר מישהו בבוקר ולבלות אצלו את כל היום

el dotor arresive solo la manyana (Nehama)

la manyana lavora, despues de mediodia se arrepoza (Nehama)

este fecho no está ni por oy ni por manyana (Nehama)

kien save lo ke va ser el día de manyana (Nehama)

El dia bueno se ve de la manyana (Moscona)

La mujer kazada de la noche a la manyana

Non des ninguna desizion presto, espera fin manyana

La manyana koma komo rey, a medio dia komo persona, la noche komo el ultimo prove

Il ke desha para manyana topa danyo en el kamino

De la manyana se ve el buen dia

Una noche mos enpesó a echar mucho tiro asta ke mos kito el tino, a la manyana dishimos: ya mos dimos (Asidio de Belogrado 1788)

i en kada dia i dia se enkorva a su rey i en lugar de senderos se para, por la manyana se alsa de mizrah i por la tadre se umilia a maarav (Keter Malhut, Mahzor Saloniki 1876)

La mosa era guerfana de madre, a Mordekay su tio tenia por padre, kon el se saludava manyana i tarde, no trokava su amistad, no. (sova semahot, Livorno 1782)

los vestidos de la manyana no los vestia a medio dia, (Meam Loez Bereshit)

El ke pasa sovre aguas de la netila de la manyana (Menorat 'Hamaor, 1762)

I kavayo en lugar de aguas de netila de la manyana (Menorat 'Hamaor, 1762)

En la manyana non se lave la presona sus manos kon aguas deskovijadas toda la noche (Shevet musar, Const. 1740)

A la manyana se alevanto el rav ribi Hayim Vital, i se los konto alos talmidim, (Shivhe 'ha-Ari, 1911)

ala manyana entrimos en Kandia, me fui derecho a el liman porke deshi toda la ropa en el kaik (Rosh Mashbir I, Sal. 1821)

salien de ventanas de mizrah en la manyana i entran a ventanas de maarav en la tadre. (Koelet Targum,1744)

Luego kuando la manyana esklaresio (Biblia, Const. 1873)

I madrugo Yeosua por la manyana (Biblia, Const. 1873)

I madrugaron por la manyana i se enkorvaron delante de A'. (Biblia, 1873)

Su miatad en la manyana i su miatad en la tadre (Mishna: Tefilat kol Pe 1874)

i madrugo Yaakov por la manyana i tomo a la piedra ke puso a sus kaveseras i puso a eya estansia i vazio azeite sovre su kavesa (Biblia, Const. 1547)

entre las tardes komeresh karne, i a la manyana vos artaresh de pan (Biblia, Const. 1873)

i a la manyana avia yazidura de rosio al derredor del real. (Biblia, Const. 1873)

I lo desharon asta la manyana, komo Moshe enkomendo, i no se fedio, ni uvo en eyo guzano. (Biblia, Const. 1873)

I lo rodearon , i lo aseladaron toda la noche en la puerta de la sivdad; i estuvieron kayados toda la noche, diziendo: asta la luz de la manyana, entonses lo mataremos. (Biblia, Const. 1873)

I disheron el uno al otro: no izimos bien; oy es dia de buenas nuevas, i nozotros kayamos; si esperaremos asta la luz de la manyana, nos alkansara pena.(Biblia, Const. 1873)

A la manyana fui otra vez mas presto a la nave, por kitar de eya todo lo ke kedo, (Asolado en la izla, 1881)

A las sinko de la manyana, segun aviamos akordado, yo me topi delantre la puerta del ospital (El muerto ke esta bivo, 1912)

Akeya azna, tan ermoza, rezia de forma i bien kriada, kayo en verdad en sus manos, esta mizma manyana mizma. (Otniel Hodja, 2002)

se konta ke un tiempo, komo i oy uvo deskayer, i de la noche a la minyana se vian mujeres rikishmas enprendar, vender djoyas i averes, i ir por kuzinas i basinas de la djente para mantenerse i kazar ijas. (La mujer sefardí de Bosna, 1931)

la boda sera selebrada a la manyana i konsakrada en la iglisia de Santo Augustino (La sinyatura del kontrato, Yerushalayim 1907)

por una le entrava el sol i el aire de la manyana; (Blanka Flor)

a la manyana vino el rey kon toda la ulema a la prizion; disho el rey al karselero: kita a estos enemigos de Yeshu para vengarme de eyos, ke vean toda la kristanidad (manus. Papo, Sarajevo 1840)

a la manyana vinieron el rey i los galahim i el papa a la karsel i lo kitaron i lo trusheron a la kome (manus. Papo, Sarajevo 1840)

Segula para amariyor: ke le den a el hazino tres mansanas en tres dias en kada manyana una, en la mansana primera ke meta 9 piojos en la segunda 6 en la tresera 3 piojos (manus. Papo, Sarajevo 1840)

Segula para arrelumbrar los ojos i para melezinarlos: ke los lave la noche kuando se va a echar kon agua de finojo i en la manyana kon su urina (manus. Papo, Sarajevo 1840)

Sekana de ir deskalso la manyana kuando se alevanta por munchas razones (manus. Papo, Sarajevo 1840)