mantenerse v. refl.

התקיים, התפרנס, ניזון

to support oneself, to earn a living

lavorar por una mantenisión/para kitar una mantenisión

לעבוד לפרנסתו/להשתכר בדיוק לפי צרכיו (בלי רווח)

mantenerse de aires/bavas

לחיות מפרנסות מזדמנות; לחיות באשליות

mantenerse de su ofisyo

התפרנס ממקצועו

mantenerse del derredor

השיג ללא תשלום

mantenerse kon pan i agua

לחיות בצמצמום

se mantiene kon pena

הוא מפרנס עצמו בקושי

ya se mantiene

הוא משתכר כדי מחייתו

Es un buen esnafiko ya se mantiene (Moscona)

Si no komes y ate mantienes (Moscona)

Mantente kon onor i no asperes de otro favor

korason bueno tene ke mos mantegamos / akodremos en grandeza i en bien no mos enadneemos / i no mos kansemos / ke todo es nada / una pasada / ke mos mantengamos /i muhtach ke no tengamos (manus. Teza, 1820)

Mira ke la ley es todo, mira ke kon la ley se mantiene todo. (Lel Shimurim, 1819)

todo el mundo se mantienen por zehut de Hanina mi ijo i Hanina mi ijo se mantiene kon una kashika de aharovas (Meam Loez Yeoshua II, Izmir 1870)

ke esto asemeja a un rey ke le dio a su esklavo aspros para ke merke mantenimiento i ke se mantenga (Meshivat Nefesh II, Const. 1754)

se konta ke un tiempo, komo i oy uvo deskayer, i de la noche a la minyana se vian mujeres rikishmas enprendar, vender djoyas i averes, i ir por kuzinas i basinas de la djente para mantenerse i kazar ijas. (La mujer sefardí de Bosna, 1931)

Kon munchas difikultades se alesensia la entrada a djente ke no pueden solos mantenersen, ma ke tienen parientes i konosidos ke se kargan i ovligan enfrente la komision de imigrasion por sus mantenimiento a sus karga. (La Amerika 1910)

La ley de imigrasion de los Estados Unidos alesensia la entrada libera a todas las personas onestas, pasivas i sanas, ke son kapaches de lavorar i mantenersen eyos propios (La Amerika 1910)

munchos de eyos se mantienen del ofisio de kambiar moneda i de algunos chikos trafikos (El Tiempo, 1896)

Sin. David era un adjente de kambio en la borsa de Galata i se mantenia muy anchamente. (La famoza kantadera, Tel Aviv 1950)

Sin lavoro del kual pudieran mantenersen, la mayoria de los olim bivian en muy duras kondisiones, a vezes sufriendo de ambre tambien. (Aki Yerushalayim, 2019)

di ke sos faldji.I kon lo ke ganas ya mos mantenemos.'' (Djoha ke dize)

en esta forma, mas mal ke bien, la famiya ya se mantenia, moldeando lo mas de las vezes kon el tendjere de fijon, o kon cholán i meltsa en lugar de karne... (Sipure Sefarad)

En esto le vino una mujer, ke tenía el marido en 1'Amérika, i le rogó ke le eskriva una letra, diziéndole ke está sufriendo muncho mal de no tener dinero para mantenerse. (Kuentos, 1986)

komo de uzo el rey se intereso por la famiya del mandradji por el echo, si se esta manteniendo i si esta kontente de su pozision. (Sipure Sefarad)

Si save meldar se apiadan de el i lo meten por haham i se mantiene. (Yihya al Akra, Manus. Yerushalayim 1920)