manseviko m.

עלם, בחור, נער; ''ירוק''

lad, a guy, a boy; ''green''

I tanbien mansevikos ke ainda van anbezar lisiones i gostan de sentir unos akontesimientos ke non sintieron en akeya edad (Lel Shimurim, 1819)

me ayegi alado de el i le demandi: por ke muchacho estas avlando? i disho: un manseviko djidio ke estava por yazidji en la tuzla se afogo i lo enterraron ... ke no avia djidio en la tuzla zulat hatano (Yede David, Sal. 1867)

un gran numero de mansevikos sivilizados i instruidos, asentados alderedor de algunas mezas djugan a la bachka (La Epoka, Sal. 1900)

El non era del todo romanesko, el ya avia pasado la edad, onde los mansevikos pensan en sus kamaretas, ke ijas ermozas vienen traerles grandes pasiones, i grandes fortunas (Nantes, Tel Aviv 1952)

Una otra vez, un manseviko de una vista poko novle, se keda komo tomado a la vista del matado. Despues el reviene en si, mira kon mas atension adientro del vidro, aze entre si senyales kon sus ojos, mira mas mejor ainda I en fin aziendo unos djestos kon los lavios el se retira de ayi (Matador de kriaturas, Yerush. 1908)

Yoro por un manseviko ke por el me muero yo, (Kalendario de kantigas)

me la dio un manseviko ke de mi s'enamoro. (Kalendario de kantigas)

Kon dodje mansevikos, adelantre el mi amor. (Kalendario de kantigas)

Disho el manseviko ke stava despozado kon esta ija, i se la rovaron d'el, i agora la vido vistida de novia. (Kuentos, 1986)

El karnesero pasó de una meza a la otra, i vido un manseviko, asentado yorando. (Kuentos, 1986)