mansevez/mansevés f.

נעורים, עלומים

youth

atornar a la mansevez

לחזור לנעורים (לנסות ליהנות מן החיים כמו בני הנעורים)

azer la mansevez

לעשות חיים

azer una mansevez

לעשות מעשה נדיבות

en la flor de la mansevez

באביב נעוריו

la mansevez es una vez (Nehama)

En la mansevez se azen yerros (Moscona)

Por mi mansevez Buena! (Moscona)

Goza la mansevez ke en la vejez la soba i el minder

La mansevez es una vez, el ke no se la goza, bovo es

En pensando a la vejes no gozamos de la manseves

Asombra a la manseves para ke arkojas a la vejes

Gozate de tu manseves - porke non saves komo de vejes te aspera

Kuanto es ermoza la mansevez, tanto es tripiada la vejez

Oh! Ek un dia grande! Ek un dia onde todos los sentimientos de mi manseves se despiertan... (Rinio, 1906)

Por el otro lugar el korason me grita: Tu sos mansevo, la vida es la vida, (Rinio, 1906)

si es ke estremesen su manseves i no se keren malograr a lo mijor de su logramiento. (Meam Loez Bereshit)

en nuestra manseves tambien se remarka elementos, ma muy pokos entienden i avlan nuestra lingua (manus. Vitali Varon, Const. 1948)

alegrate mansevo en tu ninyez i te abonigue tu korason en dias de tu manseves i anda en karrera de tu korason (Biblia, Viena 1841)

i tira tristeza de tu korason i az pasar mal de tu karne, porke la ninyez i la manseves nada (Biblia, Viena 1841)

La manseves aklarada se okupan kon vender kartas postales i livros a los amerikanos, ashkenazim ets. por lo kualo tienen bastante ermozas butikas, estos konosen la lengua ingleza parfektamente (La Amerika 1910)

En una sivdad de la Amerika, avia un djudio ke en su manseves se tuvo konvertido al Protestantismo, i despues de un sierto tiempo el torno a la ley de sus avuelos, (El Djugeton, Const. 1908)

A estas palavras, sera porke el mansevo era ermozo i en la flor de su mansevez, o sera por piadad, lo mas de la djente ampesaron a sostener la demanda de la vieja. (Sipure Sefarad)

A la mansevez devia ser i ermoza aun ke tenia la kara pikada de la virguela. (Sipure Sefarad)

ma kon plazer achetava a kontar algunos pasajes de su mansevez. (Sipure Sefarad)

Segula tres piedras son mesugalot eyas: la segunda piedra se topa en la tripa de el pasharo kuadrines (?) i eya amostra a dos kolores i kolor korelada i preta i si la enshaguaras kon vino bueno i la entraras entre el ojo se le esklareseran los ojos i tornara a la manseves i aprovecha a el ke la yeva enriva para dolor de korason i para apreto i muchigua alegria i kita el frio (manus. Papo, Sarajevo 1840)

Segula para saver la kriatura ke nasio si sera haham o sinsero estimado i komo asemejansa, si nasio en 5 o en 7 del mez sera amado a las kriasiones i si nasio al 15 del mez se murira a la manseves i si nasio al 25 del mez sera riko i haham gadol i si hue nasido en 28 o en 29 o en 30 del mez sera riko i sus palavras seran oyidas (manus. Papo, Sarajevo 1840)