manadero m.

מקור, מוצא ; מעיין, עין

source, origin; spring

Manadero de sensia (Moscona)

Ke yo bushki sin estanko manadero suprimados. (Gaon, Poezias)

Azanos, grupos, grupos, se vian adjuntados, en un lugar o otro oyendo enkantados de bokas de personas ke kon sus ojos vieron, o de buen manadero las kozas las sintieron. ('Ha-Elion: Shimshon, 2003)

Ermanos de Israel i mis kompanieros / estas koplas kompozi de munchos manaderos / rikos i prosperos / las devemos kantar / porke vamos a notar / personajes validos / i ombres muy kumplidos (La Amerika, 1911)

tu sos savio i la sensia manadero de vidas ke de ti manan i en tu sensia se aze todo modo de antiguo i la sensia fue de ti kriada (Keter Malhut, Mahzor Saloniki 1876)

se entro dientro del manadero i fue kaminando asta ke ayego a la puerta de Gan Eden (Meam Loez Bereshit)

izo su pozada serka de un manadero de agua (Meam Loez Bereshit)

I ansi se partieron todos los manaderos del tehom, (Meam Loez Bereshit)

Parese ke este manadero es venido de las aguas de Gan Eden''. (Meam Loez Bereshit)

Todos los arroyos i manaderos de aguas andantes i korrientes a aguas de Okeanos ke arrodea a el mundo korneo el seyo, (Koelet Targum,1744)

I se aparesieron los manaderos de la mar, los simientos del mundo fueron deskuviertos (Biblia, Const. 1873)

i sera la sekura por pelago i sekania por manadero de aguas en morada de kulevros (Biblia, Const. 1743)

avrire sovre alturas rios i entre vegas fuentes, porne dezierto por pelago de aguas i tierra sekania por manaderos (Biblia, Const. 1743)

La Lishkat Avoda djunto kon el Ministerio del Lavoro del governo azen todos los esforsos por pujar los manaderos de lavoro i amejorear la situasion difisile de los sin-echo, (Manifesto de Lishkat a- Avoda, Tel Aviv 1950)

para fayar grasia si tomaras kulevro muerto i enterralo a el enel muladar en la ashpa ke es en la tsoa 8 dias i despues lo metera en un atuendo yeno de urina 4 dias i despues lo ataras a el de su garganta kon un filo i lo meteras a el en un manadero de aguas dia uno i kon esto non le kede de el mas ke filos i tomaras dos filos i los sekaras en sol despues meteras ditos filos en el tanyer en lira tanbur i tanyeras kon eyos i toda la djente kuando sentiran akeya boz korreran detras de ti i alsaras grasia en sus ojos (manus. Papo, Sarajevo 1840)