maldezir/maldizir v.

קילל, דיבר רעות

to curse, to speak ill of

maldezir a su mazal (ebr.)

להתלונן על גורלו

Maldezir a la piedra minuda (Moscona)

Ni te maldigo ni te bindigo sion la ora ke te lo digo (Moscona)

La boka de madre maldize ma su pecho bendize

Ni te maldigo ni te bendigo, bendicha sea la ora ke te lo digo

Selebrasiones i bendizir i nunka maldizir

despues la maldizen delante la djente (Gaon, Poezias)

Maldiz mi vano poder! Desterame! Umiyame! (Papo, Navot)

Kuando se meten a penar se olvidan ke ay senar; las kriaturas yoran, maldizen i dezonran: (8 dias antes de Pesah, 1909)

Su marido es buen krio ke mizmo kon frio alo ke eya dize el ni avla ni maldize. (8 dias antes de Pesah, 1909)

Va i enmenta delantre del rey ke te maldisho la ley i por la manyana estaras kon gana (Purim, De-Fes, sig. 18)

i mira no sea ke tambien mos maldiga komo maldisho Noah a Kenaan ijo de Ham (Tokpo shel Yosef, Yerush. 1887)

ke no aga komo algunos torpes i mankos de meoyos ke ay, ke si se entropeso o se kayo maldizen i kafran (Pele Yoets I, Viena 1870)

porke tambien vezes munchas supo tu korason ke tambien tu maldishiste a otros (Biblia, Viena 1841)

tambien a todas las palavras ke avlaren non des a tu korason, para ke no oigas a tu siervo maldiziente (Biblia, Viena 1841)

Maldizid a Meroz, disho el andjel de A'; maldizid kon maldision a sus moradores; porke no vinieron en ayuda de A', en ayuda de A' kontra los barraganes. (Biblia, Const. 1873)

No maldigas sinyor givir, no maldigas, ni kites palavras feas de tu boka. (Otniel Hodja, 2002)

Unos de estos maldizen el momento ke pizaron la Amerika i munchos dizen ke en la Turkia no tienen mijor (La Amerika 1910)

kuando se peleavan i se maldezian marido i mujer, Izidor le ganava la partida en diziendole : (Hamal Izidor, Istanbul 1930)

El no tenia la fuersa de maldizirla por la basheza de su alma i su enfidelidad (Gul Bahar, Tel Aviv 1953)

no keren ke sus ijos tengan manyana a sufrir i a maldizirlos (La Epoka, Sal. 1900)

Maldiziendo va la elguenga i maldiziendo sin razo[n] (Blanka Flor)

No mos maldigash mi padre, no mos maldiga sinyor. (Blanka Flor)