madrugar v.

השכים, נעור בשחר

to get up early

si tu enemigo te kiere matar, madruga i matalo

הקם להורגך השכם להורגו

amadrugar

20420

kien madruga el Dio lo ayuda (Nehama)

ni por mucho madrugar amanese (Nehama)

En echo del Dio madruge de mansevo asta viejo (Moscona)

Al ke madruga i el Dio le ayuda (Moscona)

Mas vale al ke el Dio ayuda de el ke madruga

Ken madruga desayuna

Al ke bushka de matarte, madruga i matalo

Madrugo en la manyana kon grande alegria, tomo sus dos mosos i por kompanyia. (Puertas de veluntad)

Aman luego madrugo por la alvorada i apresuro luego kon vista siegada (Purim, De-Fes, sig. 18)

amanyaneo i madrugo por andar por la manyana / i dos sus mosos de varones de la falsedad / dia el tresero ayegaron a los peshkerimientos / i vido asemejansa de onra i loor i ermozura / parose i paro mientes por seer untado (Puertas de veluntad, Mahzor Rosh a-Shana, Sal. 1876)

I madrugo el rav por la manyana i fue a su kaza, i mando por gameyeros, i alkilo gameyos, (Shivhe 'ha-Ari, 1911)

I madrugo Yeosua por la manyana (Biblia, Const. 1873)

I madrugaron por la manyana i se enkorvaron delante de A'. (Biblia, 1873)

Vijitamiento de dolientes i apanyamiento de forasteros i madrugar a el bet akeneset i traer pas entre ombre i su konpaniero (Mishna: Tefilat kol Pe 1874)

i madrugo Yaakov por la manyana i tomo a la piedra ke puso a sus kaveseras i puso a eya estansia i vazio azeite sovre su kavesa (Biblia, Const. 1547)

i fue komo el rey de Ay vido esto, los varones de la sivdad se apresuraron i madrugaron i salieron al enkuentro de Israel a la pelea .. al tiempo senyalado (Biblia, Const. 1873)

El rey ke mucho madruga para la mesa se iva, (Blanka Flor)