luvia f.

גשם, מטר; כינוי לשפע

rain; a nickname for abundance

abasharon las luvias

היה "שטפון"

abatio la luvia

הגשם נרגע, נחלש

azer luvia

ירד גשם

de luvia

גשום

el tiempo esta a la luvia

התחזית היא כי ירד גשם

este benadam (ebr.) kere luvia

האיש הזה חסר דעת

i en mi tarlá kaerá la luvia!

שגם אני אזכה!

kedo/amaho la luvia

חדל הגשם

luvia Dio!

קריאת הילדים לגשם; אחת שאלתי ולא עוד!

luvia a chorros/a kanales

גשם שוטף

luvia aresentada

גשם רך ומתמשך

luvia arrojada

גשם זלעפות

luvia de pasas i igos

שפע של זוטות

luvias de Nisan

גשמי שלהי החורף

se deskargó la luvia

ירד גשם זלעפות

tomar a uno la luvia

"תפס" אותו גשם

venir komo luvia

בא כמו גשם (בכמויות)

luvia i sol, kaza el guerko (Nehama)

el amojado no s'espanta de la luvia (Nehama)

para los safanyones la salu son las luvias, las aguas de Nisdn (Nehama)

El sol i la luvia son para todos (Moscona)

Ni luvia sin truenos, ni parto sin dolores, ni muchacha sin amores (Moscona)

Luvia de bovos

Kuando ay luvia aze friyo

Luvia i sol, kaza el guerko

Se murio en dia de luvia, los sielos lo yoran

Kuando aze luvia los sielos yoran, la tierra riye

Luvia i sol alegra el korason

Luvia i timpesta se yevo el arado i sembrado

Kuando aze luvia a todos toka

Ni luvia sin truenos, ni parto sin dolores

El gato se 'sta lavando la kara - va kaer luvia/va venir djente

En ke dia es el mundo igual? Kuando kaye luvia sovre el kal

Lo eskupieron en la kara, le paresio luvia

Gana de kazar no tenia, se kazo en dia de luvia

Ni el mundo sin luvia, ni la luvia sin el mundo

Dospues de mi muerte, luvia i tempesta

El amojado no se espanta de la luvia

El dia de las siete luvias

La eskaramuza es komo luvia ke non keda

Dia de luvia el lavado no enshuga

el molinario pensa ke solo por su molino aze luvia

Despues de la luvia sale el sol

El aire i la luvia arasto seko i vedre

Una luvia kayo, ke s'avrieron los sielos

Sol i luvia anyos de artura

Piedrisko de brazas, luvia de tizones (Gaon, Poezias)

La luvia no rebive mas tus kampos i soledades, (Papo, Navot)

d'uno ke los guesos blankos s'estan pudriendo de luvia (Odisea)

Luvia arrojada / kamiza mojada / mujer anojada / kastigo del Dio (La Epoka, Sal. 1900)

Yahid ke vido este selo also su mano ael sielo djuro por moran en el sielo: ''No ara luvia ni rosio asta tomar lisensia de Eliau'' (Koplas de Eliau, sig. 18)

Luvia fuerte kon pedrisko / no deho ni djam ni tejas / kada uno boy de brisko / mos izo todos lentejas (La Epoka, Sal. 1898)

fueron abashando aguas de los sielos repozadamente, komo la luvia ordenavle; (Meam Loez Bereshit)

i despues se avrieron las ventanas de los sielos i fue abashando luvia sovre la tierra (Meam Loez Bereshit)

ke tanto de dia, tanto de noche iva aziendo la luvia de los sielos (Meam Loez Bereshit)

Si estava komiendo en la Suka i empesaron a abashar luvias, i se fue a kaza i despues kedaron las luvias, no es ovligado de ir de nuevo a la Suka, (El Gid,1967)

Lo mijor es, kuando esta tiempo enuvlado i pensando puede ser avra luvia, kuando aze Amotsi en la Suka ke tenga kavana ke puede eskapar la Seuda en kaza. (El Gid,1967)

i rav Yeuda kuando eskalsava los sapatos para lavarse los pies para rogar al Sh.Yit. ke mandase la luvia luego liovia (Hovot 'ha-Levavot, Const. 1569)

ke sovre ke esta aziendo luvias o frio toma el bastoniko en su mano i la koracha de tefila (ve-'Hohiah Avraam, Izmir 1877)

ke afilu el tsibur kuando estan en algun saar, komo ke tienen demenester luvias i asemejante de esto uzan por ir a bet 'ha-kevarot por despertar a los muertos por ke demanden piadades por los bivos (Meam Loez Yeoshua II, Izmir 1870)

Porke, ek, el invierno paso, la luvia paso i se fue (Biblia, Const. 1873)

Montes de Gilboa, ni rosio ni luvia kaiga sovre vozotros ni kampos de ofrendas (Biblia, Const. 1873)

i a las nuves enkomendare de no azer liover sovre eya luvia (Biblia, Const. 1743)

si se inchieren las nuves de luvia, sovre la tierra vaziaran (Biblia, Viena 1841)

mientres ke non eskureska el sol i la luz i la luna i las estreyas, i tornen las nuves detras de la luvia (Biblia, Viena 1841)

Montes de Gilboa, ni rosio ni luvia kayga sovre vozotros, ni kampos de apartaduras (Biblia, Const. 1873)

Goteara komo la luvia mi doktrina, esteyara komo el rosio mi dicho; (Biblia, Const. 1873)

komo luvia minuda sovre el ermoyo, i komo gotas sovre la yerva. (Biblia, Const. 1873)

i por abrigo de arravdon i de la luvia para mi i para mi moble (Asolado en la izla, 1881)

I lo kuriozo ke avia era ke kon luvia, sol, pedrisko, frio, tempesta o buen tiempo, el ombre no mankava a su paseo. (Leonidas el nadador, 1911)

Supito, vino un soplo fuerte de aire, traendo kon el la luvia. (Otniel Hodja, 2002)

si no aze luvia el dia va salir klaro i ermozo (El Djugeton, 1922)

La luvia avia kayido akel dia entero, una de estas luvias de Paris ke son tanto yeladas. (Nantes, Tel Aviv 1952)

Dios ya tuvo piadad de nozotros, la luvia kae a godras gotas i todos kon la boka avierta estamos mamando este regalo del sielo (Perdidos en mar, Yerushalayim 1907)

de fato la tempesta no tadro a venir, la luvia kaiya a chorros, el pedrisko harvava de todas las partes i un fuerte aire deskarrankava arvoles, plantas i abolava todo (La Epoka, Sal. 1900)

la tempesta enfuriava, la luvia kaiya atras i adelantre; kon mucha pena pudieron arrivar a avrir la puertezika en la karrosa, unflada de la agua (La Epoka, Sal. 1900)

una fuerte luvia avia kedado de kayer i todos los kayes estavan adientro la agua (El Alakran, Tel Aviv 1954)

aktualmente las operasiones militares son sospendidas, porke en este momento es el tiempo de las fuertes luvias ke kaen en la isla ke renden kaje imposivle toda operasion militar (El Tiempo, Const. 1896)

Arvoles yoran por luvias i montanyas por aires, (Kalendario de kantigas)

kuando azia luvia, las mujeres metían tendjeres para arrekojer la agua no sea se empapen las chergas del dyusheme (Sipure Sefarad)

Siman entre rosh a-shana a kipur, si dia el segundo sera klaro marheshvan non ay en el luvia, i si es nuvlado entero el mez ara luvia (manus. Papo, Sarajevo 1840)