kuzir v.

תפר

to sew

kuzir la boka

לשתוק, להאלם דום

mákina de kuzir

מכונת תפירה

no kuzir kon uno

לא להיות בדעה אחת עם

kozir

275330

Agora me vo kuzir la boka! (Moscona)

todos saven kuzir samarra, ma los pelos les embarasan (Nehama)

Sola lo korto - sola lo kuzio

El shastre ke te kuzio los kolchones ke te kuzga los botones

Todos saven kuzir samara, ma los pelos embarazan

i supieron ke desnudos eyos i kuzieron oja de igera i izieron para eyos senyiteros (Biblia, Const. 1547)

Despues la garganta fue eskapada de kuzir, la kamara fue metida en un grado de kaentura segun lo dezeava entender el mediko (El muerto ke esta bivo, 1912)

I mientres ke dos ayudantes detenian la kavesa, dos otros se metieron a kuzirla kon grande atension i repozo. (El muerto ke esta bivo, 1912)

asentado delantre su meza kuzia kon muncha alegria, su mujer i su ijo regalado se asentavan a su lado i le ayudavan (El rey i el shastre, Yerushalayim 1903)

mientras ke eyos kuzian endjuntos eyos kantavan kantes alegres, mostrando sus grande kontentes de sus ofisio i de sus estado (El rey i el shastre, Yerushalayim 1903)

eya kito unos kuantos pedasos de blankeria i se metio a lavorar: kuzir kamizikas i fashaduras por los ninyos (La dezgrasiada Luiza, Tel Aviv 1953)

segula: el ke aze seuda i envelunta para saver ken lo ama i ken lo aborrese ke apunte en el panyo de meza una aguja ke kuzieron kon eya tahrihim de muerto i ken ke te aborrese non podra por komer (manus. Papo, Sarajevo 1840)

Segula ke le de la mujer a el ke se va a ir a kamino una aguja ke kuzieron kon eya tahrihim de muerto kon filo lavan i ke kuze el varon en su panyo en la ora ke sale al kamino i kuando eskontra kon los aydukes ke los mire por el burako de la aguja i los kevrantara (manus. Papo, Sarajevo 1840)