aparejarse v. refl.

התכונן, הכין עצמו; הציג עצמו; מישמש ובא

to prepare oneself, to get ready; to present oneself; to be upcoming, to be approaching

Si vos keresh aparejarvos para kunplir maase tovim asitiguavos tienpo de me

Vino el espino en el konsejo para Aman se aparejo ya se la estrena le viene muy buena (Purim, De-Fes, sig. 18)

Yamo a el su savio, i lo konsejara ke para otro anyo se aparejara, (Zimrat 'ha-Arets, 1745)

Bien entendido ke se aparejavan / para el dia santo del sesh de Sivan / para salir delantre del Dio despierto / en medio del grande temerozo dezierto. (Ketuba, manus. Rodosto 1931)

Las kartas se eskrivieron en lenguaje de los djentios: ke se aparejesen kon espadas i kuchiyos, todos los ke estan dientro de los kastiyos, de mandado de 'Abashverosh ke no kedase ninguno, no. (sova semahot, Livorno 1782)

luego se aparejaron i se aprontaron todos los kuatro reyes kada uno kon sus fonsados i se apanyaron i se akojaron todos en lugar uno (Meam Loez Yeoshua II, Izmir 1870)

despues se aparejaran delantre de ti dos kaminos: uno por gan-eden i otro por ge'hinam, i estonses la behira en tu mano (Shivhe Hayim Vital, Sal. 1892)

si sera ansi, me aparejare por estar konplido en todos los maasim para ke, has ve-shalom, no me tope en manko de nada en olam ha-ba (Shivhe Hayim Vital, Sal. 1892)

Ma ya es tiempo ke te aparejes... yo vine a vestirte kon mis manos. . . (Rolando i Eleonora, 1953)

Gul Bahar se aparejava a suvirse en la talika por tornar a su palasio (Gul Bahar, Tel Aviv 1953)

todas las populasiones del vaste imperio otomano se aparejan a fiestar komo kada anyo este dichozo aniversario (El Tiempo, Const. 1896)

La mujer de David se alegrava bastante a esta karta ise aparejava, para partir kon su marido i sus tres kriaturas. (La famoza kantadera, Tel Aviv 1950)

yo puedria tambien aparejarme un sukseso literario fasil si yo prezentava este plano en la forma de un romanso irresponsavle, apropiado para lektores ke kieren divertirsen (Herzl, El estado djidio, Sal. 1931)