kulevro m.

נחש

a snake

arrodearse kom'al kulevro

לבקש עזרה וסיוע בצורה נואשת

azerse un kulevro

לנהוג ברשעות

herem (ebr.) de kulevro

נח''ש (נידוי חרם שמתא)

kulevro pintado

אדם מזיק וחורש רע

kulevro samlí (ebr.)

נחש ארסי

la paz de kulevro

שלום מדומה

tener la tripa yena de kulevros

לרחוש כוונות רעות

Kien al rio se kaye, i del kulevro se apanya

Alevanta kavesa de kulevro i no de ben-adam

Pari kolevros para ke me kiten los ojos

La amistad del kulevro

La paz del kolevro

Pezando sovre un kolevro - el kolevro se enkorvo

Si al kolevro keres matar, a la kavesa tienes de le dar

guadrame del menterozo del falsador / komo de akel kulevro entosegador / ke el veneno de su modrisko es tal / ke traye la fievre i es kaje mortal (Rekolyo de Poezias Diversas, Tel Aviv 1931)

Dan era el seteno, enshemplado a el kulevro. (Toledo, Koplas de Yosef)

del tsaar ke resivio kuando lo echaron al pozo de kulevros se adolensio (Meam Loez Bereshit)

I ay ken dize ke lo fue mordiendo komo el kulevro asta ke lo mato. (Meam Loez Bereshit)

Ay ken dize tanbien el hazir i el kulevro (Menorat 'Hamaor, 1762)

I ayo mas hayot komo kulevros kon sesh ojos, i non ven otro ke kon los dos, i su altura sinko pikos; (Ben Gorion, 1743)

Kuando suvia todos los eskalones avia ayi un kulevro de plata ke boltava la rueda de la sia i le aparejava lugar ke se asente el rey (Meam Loez Ester, Izmir 1864)

i sera la sekura por pelago i sekania por manadero de aguas en morada de kulevros (Biblia, Const. 1743)

el kulevro me sombayo i komi (Biblia, Const. 1547)

Dan djuzgara a su puevlo, komo uno de los trivos de Yisrael. Sera Dan kulevro sovre el kamino, bivora sovre el sendero, ke morde los karkanyales del kavayo, i kaye atras su kavayador. A tu salvasion espere, o A'. (Biblia, Const. 1873)

Dan djuzgara a su puevlo, komo uno de los trivos de Yisrael. Sera Dan kulevro sovre el kamino, bivora sovre el sendero, ke morde los karkanyales del kavayo, i kaye atras su kavayador. A tu salvasion espere, o A'. (Biblia, Const. 1873)

de la derecha i de la istierda eran los deziertos ke eran yenos de kulevros adreones i detras de eyos era Par'o el malo i su real (Shir a-Shirim Targum II, Mahzor Sal. 1876)

Eya reprezentava un kulevro boa ke se tragava a una alimanya. (El Princhipiko, 2010)

Entonses, no le avlava ni de kulevros boa, ni de sharas salvajes, ni de estreyas. (El Princhipiko, 2010)

Kaminando un ombre por la kaye vido un kulevro ke ya se muria mehamat del frio i la yelada. (Hidot de Izopeto)

Komo vido el ombre esto kijo echarlo de kaza i el kulevro no keria salir de kaza. (Hidot de Izopeto)

Yomtov djemia i se retorsia komo un kulevro. No kere dicho la nochada ke la tuvieron. (Sipure Sefarad)

Segula para mordidura de kulevro: antes de todo ke ate luego un atadero apretado mas arriva del lugar de la mordidura i ke non deshe de atar para ke non se espanda el eres por el otro lugar o por el kuerpo entero i en lugar de el eres ke es en la mordidura ke korte pedasos pedasos chikos asta ke enpesara a salir sangre i ke meta baal hay kortado ke lo deshe ansi kuanats oras, despues ke kayente leche de kavra kon pes i ashufre i sal kon miel de briska mesklado ruda i origano i ke meta en lugar de mordidura (manus. Papo, Sarajevo 1840)

Segula si komio el ombre kualker tosigo i para mordidura de perro i de kulevro i alakran i para mordidura de sierpes: ke apresure i ke tome soá de gayo i ke la keme i ke la aga seniza i ke se lo beva kon vino blanko (manus. Papo, Sarajevo 1840)

Segula ke non le danye ninguna espada: ke tome kulevro muerto seko ke lo seke en el sol i ke lo kuzga en un kushak i ke se le meta alderedor del kuerpo debasho del kushaken las karnes (manus. Papo, Sarajevo 1840)

Refua para azer fuir kulevros i removivles kozas danyozas kale ke safume akel lugar kon soá de ombre i se fueran (manus. Papo, Sarajevo 1840)

para fayar grasia si tomaras kulevro muerto i enterralo a el enel muladar en la ashpa ke es en la tsoa 8 dias i despues lo metera en un atuendo yeno de urina 4 dias i despues lo ataras a el de su garganta kon un filo i lo meteras a el en un manadero de aguas dia uno i kon esto non le kede de el mas ke filos i tomaras dos filos i los sekaras en sol despues meteras ditos filos en el tanyer en lira tanbur i tanyeras kon eyos i toda la djente kuando sentiran akeya boz korreran detras de ti i alsaras grasia en sus ojos (manus. Papo, Sarajevo 1840)

para ke no le danye espada: se kuzira kuerpo de kulevro entero en su kushak, no lo danyara herev espada sino alanseado (manus. Papo, Sarajevo 1840)

para mordedura de kulevro: tomaras alkitran mesklado kon sal i aprestara (manus. Papo, Sarajevo 1840)

para saver si la muchacha esta betula o beula: toma kuero de kulevro i tsera i az una mecha i dara en mano de la muchacha ke kieres prevarla, si es kadir de ensenderla es betula i si no, es beula (manus. Papo, Sarajevo 1840)