kualseker adj.

לא חשוב איזה/מה/מי/ כמה, יהיה אשר יהיה, כלשהו, איזשהו

it doesn't matter which/what/who/how much, whatever, any

kualker/kualkier

277490

kualsiker/kualsikier

277570

Komida velada no la kome kual siker barva

Dime oro fino ke keres de mi ke yo muncho te ami i por kualker vanda are tu demanda (Purim, De-Fes, sig. 18)

poniendo un poko de tierra sovre el veras ke kon kualker koza poka se alevanta el pezo. (Meam Loez Bereshit)

siendo en kual ker paso ke keran meldar se detadran (Meam Loez Bereshit)

en kual ker lugar ke muere lo abrasa la tierra komo un ijo suyo. (Meam Loez Bereshit)

sierto muncha lenya se topa en kualker montanya; (Meam Loez Bereshit)

I komo veia la facha de kualseker ombre savia dezir ke neshama tenia, (Shivhe 'ha-Ari, 1911)

i kuando ven tantiko de apreto en kual ker ombre ya le saltan las lagrimas demaziadas (ve-'Hohiah Avraam, Izmir 1877)

erev pesah despues de midi endelantre es defendido de azer kualsiker lavoro djustamente de rijen komo en medianos (El gid, Istanbul 1967)

de dar kitansa a kualkier (Divre Rivot, Sal. 1582)

fago i ordeno este mi ultimo testamento revokando i kasando i abolando kualkierotro testamento o djunta del ke por el pasado fasta este dia uviese fecho (Torat Emet, Venezia 1626)

Kualkiera ke se estuviere kontigo en kaza (Biblia, Const. 1873)

Se yama savio kien aprende de kualkier persona (Tefilat Imanuel, 1924)

I todo bevraje ke es de bever en kualkier atuendo sera enkonado. (Biblia, Const. 1873)

I el le disho: si atar me ataren kon kuerdas nuevas, kon las kuales nunka fue echa ovra, entonses me enflakesere, i sere komo kualkier otro ombre. (Biblia, Const. 1873)

el patron de ofisio topa siempre a emplear sus manos en kuakier arrinkon del mundo ke se tope (La Epoka, Sal. 1900)

El mansevo, dezesperado, se akometió a azer kualsiker lavor, i tuvo de lavorar semana entera en mil lavores diferentes, ganando grosh sovre grosh. (Kuentos, 1986)