kriar v.

ברא, יצר; הניק; גידל (ילדים)

to create; to breastfeed; to raise (children)

esto krió el Dio?!

הייתכן כדבר הזה?! (על דבר מה רע)

ke krió el Dio/en su mundo

דבר מה מעולה ומושלם

un komer ke krió el Dio/una kaza ke krió el Dio/un paseo ke krió el Dio (Nehama)

El ken kria ijo no muere de afito

El ke krio i non kansa

Bendicho el Dio ke me kriyo ombre i no mujer

Bendicho el Kreador, ke tala ermozura kreo

Kampo krio en mano del rey

La ke kria ni arta ni limpia

Persona reglada no se va ver nunka kriada

Al ijo komo kreates, i al marido komo ambezates.

Komo el Dio la krio, mas por eya no se turno

De ke pari i kreyi, mi papo no arti

Kriar una kriatura, krear un mundo

metales, animales, plantas i flores / en diferentes kolores i golores / todo maraviyozo i admiravle / i por kualo el ombre eskojido de la kreasion / lo kriates manko de perfeksion? (Rekolyo de Poezias Diversas, Tel Aviv 1931)

Mira la mi madre ke el Dio es uno, ke kriyo los sielos uno por uno. (El rey Nimrod)

Kon onor i onra a Ester krio kon gran rijo la gio guerfana de padre i tambien de madre (Purim, De-Fes, sig. 18)

I kriastes a el ombre todo debasho pozistes (Donme, sig 18)

Ah, Yoheved madre presiada, resive la gezera del Dio ke fue asetensiada, para esto fuites kriada de enterrar al si' de Moshe (Tarika, Shira Hadasha, Izmir 1861)

tu sos savio i la sensia manadero de vidas ke de ti manan i en tu sensia se aze todo modo de antiguo i la sensia fue de ti kriada (Keter Malhut, Mahzor Saloniki 1876)

por esto rijo el Sh.-Yit. de no kriar la mujer de lugar ke le kavze ser muy mala (Meam Loez Bereshit)

Enpeso rabi Elazar i disho: ''Et Shabetotay tishmoru'' ven mira, en sesh dias de la semana krio el Sh.yit. el mundo, (Leket 'ha Zo'har, 1855)

I ansi lo van kriando asta ke viene a lo muy menesterozo ke es el meldar. (Lel Shimurim, 1819)

bendicho A' Dio de Israel ke a El konviene yamarle el uno verdadero el antiguo el kontinuan su bien ke krio el mundo (Hovot 'ha-Levavot, Const. 1569)

kuanto a El ay para ke sea senyal komo El es uno i krio kriansas para ke sean testiguos sovre su barragania i sovre la grandeza de su reino (Hovot 'ha-Levavot, Const. 1569)

i kuantos savios grandes de umot 'ha-olam alavavan i aformoziguavan al Sh.Yit. ke krio tal djente kunplida de daat (Meshivat Nefesh II, Const. 1754)

i estos mil aspros ke son demaziados de su ketuba es ke ovligo de kriar ala kriatura tres anyos (Divre Rivot, Sal. 1582)

I lo vieron a el todas las kriansas i se espantaron de el muncho entendieno ke era el ke las krio. (P. R. Eliezer,1876)

criador que crio el mundo en seys dias e folgo el seteno de todos sus fechos, (Midrash aseret adibrot, manus. Sig 15)

e crio al ome, e crio al parayso, e crio el ynfierno. (Midrash aseret adibrot, manus. Sig 15)

i algunos desharon de eyo asta la manyana, i krio guzanos, i se fedio; i se ensanyo kontra eyos Moshe. (Biblia, Const. 1873)

Del fuerte ke te krio te olvidaste, i te olvidaste del Dio tu Kriador. (Biblia, Const. 1873)

es el de kriyar i de engrandeser a su ninyo. (La boz de oriente, 1931)

Eyos se aman, dezia eya, i la natura los krio el uno para la otra. (Pavlo i Virdjinia, 1912)

Selo, baraja i enemistad, estos son los ijos reveyadores ke krias vozotros. (Asolado en la izla, 1881)

Un padre ke me a kriado de amores me mantenia, (Blanka Flor)