kontrario adj.

מנוגד, נוגד, נגדי, מתנגד, הפוך

opposite, against

lo primero ke enkomenda el dotor es de no gastar la boka kon komer kozas kontrarias, (Meam Loez Bereshit)

I siendo mos enkomendo el Sh.-Yit. de afirmar este ovligo, komo keres azer lo kontrario? (Meam Loez Bereshit)

Kon el limpio seras limpio, i kon el tuerto seras kontrario i al puevlo povre salvaras (Biblia, Const. 1873)

Al kontrario, el movimiento fue es i sera siempre pasivo i su plan es de alkansar al eskopo kon intelijensia i buen akordo del governo otomano, i si es de menester i kon el akordo de algunas otras nasiones (La Amerika 1910)

Al kontrario, ruidos korren ke el papa pensa transferar el ofisio del Vatikan de Roma a Yerushalayim (La Amerika, 1917)

al kontrario, el djornal ke avla kon derechedad konsensiozamente i kon djustisia, ke non toma el partido de ninguno i djuzga sin reguadro ke non aze diferensia de el prove al riko (La Epoka, Sal. 1875)

los israelitas al kontrario tienen razon de alegrarsen (El Tiempo, 1896)

el no kree ke la Rusia sin ser ayudada de una potensia ajena puede abatir su kontraria (El Tiempo, Const. 1877)

ma siempre se mostro de un karakter indinyo i rekalsitrante, siempre kontrario a su nasion i siempre interesado; (El Djugeton, Const. 1908)

Visto ke el konvertido fue siempre un negro sudeto, i mezmo kuando era Djudio siempre se mostro rekalsitrante i kontrario a la nasion, i kuando paresia ke avlava en favor de la nasion, no era ke por su intereso i por enganyar al puevlo, (El Djugeton, Const. 1908)

ma ke al kontrario, eyos tomen la defensia del fonksionario el kual esta inchendo su mision en kondisiones bastante diffisiles. (Manifesto de Lishkat a- Avoda, Tel Aviv 1950)