kontino- de kontino

בהתמדה, תמיד, כל הזמן, בלי הפסק, לנצח

constantly, always, all the time, without a break, forever

i perdida dizen seer de kontino. (Gaon, Poezias)

kolga de kontino sovre sus garganta - (Gaon, Poezias)

Rogo al Dio de kontino ke este en nuestro tino, (El Dio alto)

Zemán de la orasión teneldo en tino, esto es la kondisión muestra de kontino; (Koplas de Purim, Saadi 'Halevi. sig 19)

Teshuva kale azer por nuestros pekados / rogaremos a el Dio sean pardonados / i el Abastado / nos mande la salvasion / a toda la nasion / el dia alegre vino / kantemos de kontino (La Amerika, 1911)

apegados kon deprendimiento de ley i echas buenas i engrasiados de saver i entendensia i prosperidad de kontino, (Tefilat kol Pe,1891)

Ke no se kontente en el grado ke esta, ke no le pareska ke ya eskapo su dover, i kale ke siempre i de kontino este tornando, ke le pareska ke ainda no izo su ovligo i ainda tiene menester de enderechar sus kaminos. (M''L Kantar de los Kantares,1899)

estas mirando estos vidros, son almas de tus ijos ke se murieron en sus chikes i estan de kontino en las djifias de aguas de sus padre (Shivhe Hayim Vital, Sal. 1892)

se kumplio en el dia a djamas (de kontino) inolvidable i istoriko del viernes 6 Iyar ( 15 de Mayo 1948 ) (La boz de Turkiye, 1948)

Las dos kriaturas mamaron de kontino del mizmo pecho, se rodearon sovre la mizma tierra, korrieron en los mizmos lugares (Pavlo i Virdjinia, 1912)

para poder bivir el mizmo despues de aver mandado de kontino una chika suma de moneda a su mujer i a su ija, ke eran esklavas en Psara. (Leonidas el nadador, 1911)

de los muy altos montes kon sus tezoros de yelo i nieve ke van deritiendose de kontino, salen akeos grandes rios ke no solamente abevran los kampos sino son grandes kaminos para las naves (La eskalera, Const. 1888)

I de kontino iva rogando a eyos a ke le avlaran a el haham por este perat, (Sipure Noraot,1885)