kontentarse v.

הסתפק ב-, השלים עם; היה שבע רצון

to settle for, to put up with; to be satisfied

Kontentate kon la parte ke te dio el Dio

Kontentate di lo tuyo i no demandis nada di otr'uno

Ken es el riko? El ke se kontenta kon su parte

Se kontenta almas pretas i todos ke kreen en el. (Donme, sig 18)

i djente batal se kontentaron por poko de nada a beklear las noches (ve-'Hohiah Avraam, Izmir 1877)

Amalekim se mentavan no se loke pensavan / de mujeres i de bien el no se artava / no se kontentava / de fraguar yalis / ay ke no le kede raiz / de este espino / de 'Haman sovrino (manus. Teza, 1820)

ya se kontentavan todo el mundo de topar este modo de negosio. (Meam Loez Bereshit)

Ma no se kontento 'Hevel de darle dito lugar. (Meam Loez Bereshit)

sera vistoza de apararse por la ventana i tener el ojo vazio de no kontentarse kon poko; (Meam Loez Bereshit)

I loke repeto muchas vezes el biervo de 'Torna' es a darmos a entender ke la persona, kuando viene a grado ke kere kumplir su alma i apegarse kon el Dio, komo kuando va ser en tiempo dela geula, no se kontenta su alma estar en un grado, (M''L Kantar de los Kantares,1899)

ma por no abuzar de vuestra pasensia nos kontentamos de desharlo para otra okazion (manus. Vitali Varon, Const. 1948)

i le akometi siento i sinkuenta grosh ke me lo amostrara i se kontento (Hikre Lev I, Sal. 1853)

me kontento kon estas kuantas rigas, la mankansa de tiempo i de lugar no permetiendome de ancharme por oy (La Epoka, Sal. 1900)

asta el kavo del panair se kontentava de komer solo pan i kezo. (Sipure Sefarad)

Torno i les demando otro helek porke so mas huerte ke vozotros i el ke no se kontenta me arravio kon el i lo mato. (Hidot de Izopeto)

Arrogo a dita bivda ke lo tomara por marido. I se kontento dita bivda a kazarse kon el. (Hidot de Izopeto)