konsiderar v.

העריך, החשיב, כיבד; הביא בחשבון, עיין ב-

to consider

konsidera para ke te konsideren (Nehama)

yo lo konsidero komo muy seriozo (Gaon, Poezias)

Seran konsiderados en ojos de todo el puevlo komo dos korsos melisios (buchukes) ke no ay ninguna diferensia de uno a otro; (M''L Kantar de los Kantares,1899)

Eyos lo konsideran komo una espesia mas basha de todos los kriados i les traen a rekordo sus negro komporto i sus pekados enormes ke azian en tiempo de sus bueno (Meam Loez Kantar de los kantares, Const. 1899)

eyos deploran esta gu­erra i konsideran ke una karga importante sera para los djudios de arrivar a un modus vivendi, (La boz de Turkiye, 1948)

konsideran el kazamiento komo una koza esensialamente laika endependemente de kualunke preokupasion relijioza. (La boz de oriente, 1931)

Mira, o mi Dio, i konsidera i sostiene sus kavza. (Vaye de los yoros, 1935)

Estas deskuviertas nozotros las konsideramos oy por kaje nada, i no nos viene mas kuriozo de verlas a nuestro entorno funksionando delantre nuestros ojos. (El muerto ke esta bivo, 1912)

Se remarka klaramente ke el papa ainda kere kontinuar a krear la aborresion de relijion i unikamente a esta kavza los paizes sivilizados komo son: los Estados Unidos, Inglatierra etc. no kereran saver de su intervansion ni konsideraran sus yamadas i propozisiones (La Amerika, 1917)

yo mizmo konsidero mi tareha eskapada kon la puvlikasion de este eskrito (Herzl, El estado djidio, Sal. 1931)

Lo konsideran komo un ??jargon??, i keren remplasarlo kon una de las lenguas kultas de Evropa (o kon el ebreo, por los sionistas) (Aki Yerushalayim, 2019)