kayer/se v./v.refl.

נפל; חל, ארע

to fall; to fall on, to occur

ainda le kaye el moko

עודנו צעיר וחסר נסיון

ainda le kayen los perniles

הוא עדיין ירוק ובלתי מנוסה

de suyo va kayer/va kayer de suyo

אין צורך ללחוץ עליו עוד - הוא מרצונו יביע הסכמתו

djidio/ijo de djidio ke no kayga en su mano!

אוי למי שנופל לידיו!

el se kaye, el se dize bonora

הוא הטועה והוא המתקן את עצמו מבלי שיורו לו לעשות זאת

estar para kayer

מט לנפול, עומד ליפול

ey te kayites!

עשית דבר שלא ייעשה!

i reyes kayen!

אפילו הגדולים שוגים ונכשלים לפעמים! (נאמר כדברי נחמה למי שכשל)

kalkola bueno, ayi vas a kayer!

חשוב היטב ותגיע למסקנה הנכונה!

kayer a

היה מוטל על(יו), נפל עליו

kayer a la mano

נפלה לידיו "מציאה"

kayer afuera

לטעות בתחזית

kayer al agua

התכנית עלתה בתוהו

kayer al kuento

להגיע לידי הבנה

kayer al lodo/kayer al kano/kayer a la foya/kayer en una foya de medra

להיות מעורב בעסק מלוכלך

kayer chiko

לחוש קטן ומושפל (בעקבות כשלון או כאשר נאלצים להזדקק לטובה ממישהו)

kayer de akodro

להגיע לידי הסכמה

kayer de esfuenyo

להיות אחוז חבלי שינה

kayer de las nuves

ליפול מהעננים - להיות המום נוכח משהו

kayer de los sielos

נפלה לו "מציאה" מן השמים, התמזל מזלו

kayer de muevo

ליפול שוב

kayer de mushos i kara

צנח ממרום יומרותיו

kayer del pino

מאיגרא רמה לבירא עמיקתא

kayer el frio/la kalor/kayer la ravia/kayer la lumbre

נחלש הקור/נחלש החום/דעך הכעס/ דעכה האש

kayer en basho

ליפול ארצה

kayer en buenas manos

התמזל מזלו ונפל לידיו של אדם ישר וטוב

kayer en la ratonera

ליפול בפח

kayer en negras manos

ליפול לידיו של נוכל

kayer en una payida

ליפול במלכודת

kayer enriva/mucho enriva de uno

להפציר בלי הרף (למעלה מן המידה)

kayer hazino

ליפול למשכב, לחלות

kayer kanso/kanso pedrido/muerto kanso

ליפול מרוב עייפות, למות מעייפות

kayer kapak (t.) v.

להיבעת

kayer kom'al puerko en basho

ליפול בכל כובד משקלו (נאמר בעויינות נוכח נפילה של מישהו)

kayer komo piedra en podjo

לישון שינה עמוקה בשל עייפות רבה

kayer la bava

הזיל ריר מפיו (מרוב עונג)

kayer la rifa a uno

זכה בפיס; התמזל מזלו

kayerle esfuenyo

לתחיל להרדם

kayerse de la kama

"נפל מן המיטה" - התעורר בשעה מוקדמת מאוד

kayerse de mushos

לעשות שטות גדולה

kiná a ke le kayga!

קללה: שיפול עליו אסון!

kiná ke le kayó!

אבוי לו!

le kayen las bragas

בעל שתי ידיים שמאליות

le kayó

הפילה (את עוברה)

le kayó djiradas/djiradas ke le kayó

מצא הזדמנות להפגין את חשיבותו וא מאמציו הבלתי נלאים (למראית עין)

le kayó la estreya

דעך כוכבו

le kayó la goma/el kiyafet/el brío

איבד את יוקרתו/גדולתו

le kayó la kiná

נפל עליו אסון נורא

me kayó todo enriva/me kayó la kaza enriva

נהפך עלי עולמי מייאוש/מבושה

no kayó l'asuka a l'agua!

מה שקרה אינו חמור כל כך!

kaer/se

233100

le kayó la kaza (Nehama)

el fruto fecho kae de suyo del arvol (Nehama)

kaer de tripa/d'espalda/de lado (Nehama)

kayeron los aniyikos, kedaron los dedikos (Nehama)

kayer en manos del enemigo (Nehama)

en kayer tu enemigo no te alegres (Nehama)

De las Frutas kaya la djembre

Ke no kayas en manos de medko i de avokato

Kochiyiko kayo, martiyiko se rompio

Kayeron los anikos, kedaron los dedikos

Fuyo de la peleya kayo en la gerra

Lo ke kaye de mi mano, vayga a mi ermano

Ke no traye el Dio a kayer in manos de kriyos

Kien mucho suve, es para kaer

En el ojo de la siega, kae la senteya

Kien mucho eskoje, presto kaye

Ken ti gueli, la naris li kai

Kien al rio se kaye, i del kulevro se apanya

La pera no kaya leshos del peraso

In mano de madrasta ke no kayas

Gueso ke te kayo en parte, yevatelo kon grande arte

Mas vale kaer en un rio furiente, ke en bokas de la gente

Ken no kayi, no se levanta

Kayo del at al aznu

Le kayo la kavesera

Komio pan i sal, si kayo a la mar

Ken tiena grandeza, se kaya de kavesa

De grandeza se kaya a pedasos

El gato se 'sta lavando la kara - va kaer luvia/va venir djente

El ke eskupe al sielo a la kara le kaye

En panyos finos kayen manchas

El gato siempre kaye en pie

Kalavasa vazia no kaye a fondo

Al des.henado le kaye el bokado

Mas deznudo kayi de la tripa de mi madre

Vazo malo no kaye de la mano

El mundo se mueve ma no kaye

Dura mala en piedra kaye

Sapatiko mi kayo al tijado

Todos los ke van a la gerra no kayen

Akudia a tu vizino i tu puedes kayer hazino

Ande kaye la senteya? en el ojo de la siega

Tanto dize ''amen'' asta ke le kayo el Talet

Ande kaya la braza aya se kema

Los dias de la semana kayeron en un sako

Todo lo ke se va menear, kasi nunka se va kayer

kae al suelo komo un templario (Gaon, Poezias)

i kayendo atus piezes eskucho la poezia: (Gaon, Poezias)

i todos luego de rodiyas kaen (Gaon, Poezias)

El gozo mos kayo al pozo. (La segunda Ester, 1911)

Nuestro puevlo kaye munchas vezes asta la profondura (La segunda Ester, 1911)

La noche kaye preta, 'stan tres en una kama, se siente desgrasiada. Si 'stava aki su mama! ('Ha-Elion: En Kampos, 2000)

Las echan de las kamas. Un chay, i a la kaye. Appel! Es maloroza kien tadra, kien se kaye. ('Ha-Elion: En Kampos, 2000)

Nombre gastado / kaer de su stado / vestir emprestado / es flama del Dio (La Epoka, Sal. 1900)

un dia ya veremos ke kaera en muestras manos; (Toledo, Koplas de Yosef)

i komo el ermoyo ke se kaye. (Untane Tokef)

diziendo: En Izmir mucho mal kayo. (Rebuelta de Yenicheris, siglo 18)

Le kayo en suerte ke los entendio Bigtan i Teresh prendio ke se akonsejaron en su mal pensaron (Purim, De-Fes, sig. 18)

Yo so Tova ke kayi en fuego, i kon esto mi puerpo derroko (Donme, sig 18)

se trazyerraron del kamino, este se fundio en un pozo i el otro se kayo en la foya (Keter Malhut, Mahzor Saloniki 1876)

muestros enemigos son los arurim los perros / la estrea les kayo de el i de eyos / por sierto kreevos / ke el pekado le toko / del kaik ke le burako / del gevir presiado / i muy estimado (manus. Teza, 1820)

se atorvaron de sus fases de la verguensa ke les kayo la kara en la tierra. (Meam Loez Bereshit)

Lo ke vierten un poko de aguas en tierra antes de bever de el djarro es porke kaigan si es ke ay algunas pajikas (Menorat 'Hamaor, 1762)

Mos kayo la korona de nuestra kavesa i la Shehina santa esta en galut (Shevet musar, Const. 1740)

I betoh de la pelea kayo Busefal, el kavayo de Aleksandros, ke asemeja su kavesa komo de buey, (Ben Gorion, 1743)

I disho sekretos altos sovre estos, a karar ke kayeron rabi Elazar i rabi Aba delantre de el. (Leket 'ha Zo'har, 1855)

porke vide en mi sivdad munchos ke porke kayeron de sus aziendas i kedaron devdores i se dezesperaron la salvasion del Sh.Yit. i se mataron a si mizzmos [...] i se entosegaron (Meam Loez Yeoshua II, Izmir 1870)

ke todas las sivdades ke despues ke las prendieron kedaron sus kasteyaduras en sus lugares ke no kayeron sus kales kuando los prendieron (Meam Loez Yeoshua II, Izmir 1870)

kayo pleito entre la mujer de este hasid i entre la madre de akea muchacha ke era enterrada kon estera de kanyas (Meam Loez Yeoshua II, Izmir 1870)

echemos goral a ken le kaye el goral ke se yeve el musafir a su kaza (Meam Loez Yeoshua II, Izmir 1870)

a punto se avrio la tierra i kayeron eyos i sus livros abasho no kedo de eyos ninguna senyal de eyos (manus. Minhat Ani, Yerushalayim 1880)

avia otro sitoh enfrente i la kaye estava estajo entre uno a otro i en metiendo sus pies iva kayer (manus. Minhat Ani, Yerushalayim 1880)

Kada uno mire de enreziar a su haver kon muncho repozo a ke non se kaiga en lo ke avla (Shevet Yeuda, Viena 1859)

ke no aga komo algunos torpes i mankos de meoyos ke ay, ke si se entropeso o se kayo maldizen i kafran (Pele Yoets I, Viena 1870)

mashal a un ombre ke kayo a la mar, vino el marinero i lo echo una kuerda ke estava la una punta en su mano (Meshivat Nefesh II, Const. 1754)

I se lo di en la mano a eya i lo tomo i se kayo i se fue (Ma'harshah [1540-1602], Saloniki 1730)

se echaron todos dela nave en el sandal i vino Shem Tov el boyadji se iva para echarse en el sandal i kayo enla mar (Rosh Mashbir I, Sal. 1821)

el magazen de r' Yosef Tsarfati esta derrokado, ke kayeron las pared;'es i entran kristianos i beven i se enborrachan (Amar Shelomo, Sal. 1864)

aki es loke estava echado i se vido por nieve ke estava ensangretado, ke mas abasho le dieron i en este lugar kayo, ke mas no pudo kaminar (Responsa Pele Yoets, Yerush. 1993)

No te alegres kuando kaye tu enemigo ni te gozes kuando se tropiesa (Tefilat Imanuel, 1924)

Los pies de sus buenos guadrara, ma los malos se kayeran en la eskuridad. (Biblia, 1873)

I todo akeyo sovre ke kayere algo de eyos kuando son muertos, sera enkonado; sea algun atuendo de lenyo, o vestido, o kuero, o sako, kualkier atuendo kon ke se aze ovra, sera metido en agua, i kedara enkonado asta la tarde; i ansi sera alimpiado. (Biblia, Const. 1873)

tus varones en la espada kayeran i varones de tu barragania enla pelea (Biblia, Const. 1743)

en dia de matansa grande en kayer torres (Biblia, Const. 1743)

i la suerte kayo sovre Yona i le disheron: kontanos agora por kavza de kien nos akontesio este mal (Biblia, Const. 1873)

todo el puevlo aularan kon aulasion grande i la muraya de la sivdad kaera de su lugar i el puevlo suviran kada uno enderecho de si (Biblia, Const. 1873)

i la miatad de los ke eran no kedaron, ke kayeron en la espada (P. R. Eliezer, 1876)

i si alguno kaiya i se muria no les pasava a dinguno por tino de su muerte (P. R. Eliezer, 1876)

I el disho: el puevlo fuyo de la batalia, i tambien muchos del puevlo kayeron i son muertos, i tambien Shaul i Ye'honatan su ijo son muertos. (Biblia, Const. 1873)

O ermozura de Yisrael sovre tus alturas matado. Komo kayeron los barraganes (Biblia, Const. 1873)

I tuvo gran sed, i yamo a A', i disho: tu as dado por mano de tu siervo esta grande salvasion, i agora tengo ke murir de sed, kaer en mano de los serrados? (Biblia, Const. 1873)

i el espirito de A' paso sovre el, i las kuerdas ke estavan sovre sus brasos fueron komo lino ke esta kemado kon fuego, i sus atadores se kayeron de sovre sus manos. (Biblia, Const. 1873)

Entre sus pies se arrodiyo, kayo, yazio; entre sus pies se arrodiyo, kayo; onde se arrodiyo, ayi kayo muerto. (Biblia, Const. 1873)

i kayo Zeliha doliente por su amor (Sefer 'ha-yashar, manus. sig. 17)

Eya se asento en un fotolyo, por no kayerse. (Rolando i Eleonora, 1953)

Leonidas aparesio sovre el agua i la nave eskapo de kayer entera adientro de la mar. (Leonidas el nadador, 1911)

Akeya azna, tan ermoza, rezia de forma i bien kriada, kayo en verdad en sus manos, esta mizma manyana mizma. (Otniel Hodja, 2002)

Entonses esklamo: Komo! Kaites del sielo? Si, le dishi modestamente. Ah, ke kuriozo! (El Princhipiko, 2010)

Eyos estavan faziendo komo ke estavan mucho penando para travarla asta ke karar ke uno se kayó mezmo en basho de la fortaleza de la travada. (el Rizón, Salon. 1939)

La luvia avia kayido akel dia entero, una de estas luvias de Paris ke son tanto yeladas. (Nantes, Tel Aviv 1952)

no diremos ke entre los sien non ayga uno ke se komporte de esta manera, ma es aborresido de todos i no tadra de kayer (La Epoka, Sal. 1875)

yo avia kaido dunke en el pais de los nanikos i todo lo ke avia i enkontrava era chiko i muy chiko (Guliver, Yerush. 1912)

las lagrimas estavan serka por kaerle, ma dominando su emosion el se levanto en pies (Anna Maria, Yerushalayim 1905)

no te vayas al ospital onde se mueren todos los ke entran , onde todos los malatos kaen en manos ajenas i entosegaderas (Anna Maria, Yerushalayim 1905)

una fuerte luvia avia kedado de kayer i todos los kayes estavan adientro la agua (El Alakran, Tel Aviv 1954)

mezmo una godra piedra se dezarranko i estava para kayer (El Alakran, Tel Aviv 1954)

Despues de aver echo algunos pasos en la varanda, la viuda se sintio kayerse de lado a lado (Mujer kriminala, Tel Aviv 1954)

En akel momento el novio ke ya sufria del korason, kaye en basho i muere sin poder tirar. (La Boz de Turkiye, Istanbul 1948)

Pero la situasion del padre de la joven muchacha se troka; el kaye a la mizeria i mizmo la mobilia de su kaza es sekestada. (La Boz de Turkiye, Istanbul 1948)

sus miradas kaiyan sovre sus brasos kedos, por tanto ninguna okupasion non le azia espanto. (Nantes, Tel Aviv 1952)

Charlie ke kedo guerfano de tierna edad, se iva detras los taniedores de kaye, dansava a el son de sus muzika i perkurava a ganar algo, por mantener a su madre, ke despues la muerte de su padre, avia kayido muncho i non pudia lavorar. (La boz de Yerushalayim, Yerush1953-4).

Charlie ke kedo guerfano de tierna edad, se iva detras los taniedores de kaye, dansava a el son de sus muzika i perkurava a ganar algo, por mantener a su madre, ke despues la muerte de su padre, avia kayido muncho i non pudia lavorar. (La boz de Yerushalayim, Yerush1953-4).

El deskonosido no apliko ke le avia kayido una karta (La linda Anjela, Tel Aviv 1953)

el kedo serka del kadavre, apretandolo para empedirlo de no kayer sovre los kavesales kon los movimientos del tren (La linda Anjela, Tel Aviv 1953)

Garreando garreando el tarpus ya le kayo. (Blanka Flor)

blankas flores kaen de ti de la tu ermozura. (Kalendario de kantigas)

Todo ke ayuda a el rasha su kavo es de kayer en su mano. (Hidot de Izopeto)

El haham kon su mujer kayeron en grande penserio pensando la trazeria de la koza. (Sipure Noraot,1885)

En lo ke estava meldando, vido kayer de arriva una oja de papel ke eskrivia sovre eya la 'havana de la alaha; (Sipure Noraot,1885)

de sintir todo esto a los ijos de Mordu les kaiva la bava. (Sipure Sefarad)

la eredad les kae a un ijo ke mora en Paris i a su ermana kazada en Bukuresht. (Sipure Sefarad)

ma kale dicho, ke esenas kom'a esta eran ralas (Sipure Sefarad)

Al kayer de la noche de enfrente vieron briyar una luzezika enmedio'el kampo. (Sipure Sefarad)

i lo tenian por hen esto kada anyo kon goral a ken le kaiya el mazal i no pudieron de baldar esta gezera kon moneda de ninguna manera (manus. Papo, Sarajevo 1840)

un anyo echaron goral i kayo el goral al ijo del rav de la sivdad, i era mansevo regalado de su padre yeno de Ley i mitsvot i hasid i kumplido en todo, i pertenesia a kunplir el lugar de su padre (manus. Papo, Sarajevo 1840)

tomo la karta i la meldo; le kayeron las lagrimas de meldarla i disho al shaliah: yerahem ashem (manus. Papo, Sarajevo 1840)

segula para kriatura ke tiene kefiya ke es batidero de pies i de manos: kuando kaye en akel lugar ke kayo ke le kiten de el la kamiza o los vestidos i ke los korte a pedasos i ke los enterre a eyos en el lugar ke kayo i aprovechara beezrad a-El (manus. Papo, Sarajevo 1840)